الزواج من كويتية

[ابو الفضل]

اخواني هل الزواج من كويتية الحياة تكون كلها سعاده واخلاص
ومودة ورحمه وصبر ومرح وتفاهم وعدم المشاكل ؟؟؟

 

[المغامر_1986]

لاااااااااا

لا بتكون الحياه كلها مشاكل وتعاسه


هذي وجهه نظري أأيد سوريا ومصر

 

[ابو الفضل]

ليش اخي المغامر هل الزواج من كويتية يعتبر انتحار ؟؟؟؟
وكيف نظرت لسورية والمصرية من اي ناحية ؟؟

 

[qadsawi]

الزواج من الكويتية هي السعادة الله يوفقك بنات الكويت ويرزقهم ازواج صالحين والله يرزقك اخوي ابو الفضل الزوجة الصالحة

 

[ابوبدر33]

اخواني هل الزواج من كويتية الحياة تكون كلها سعاده واخلاص
ومودة ورحمه وصبر ومرح وتفاهم وعدم المشاكل ؟؟؟

السعاده الزوجيه هي توفيق من الله سبحانه وتعالي ومالها علاقه بأي جنسيه

ولعلمك مافيه اي حياه زوجيه بدون اختلاف رأي علي الأقل في بداية الزواج ولكن مع مرور السنين راح يكون كل شي تمام

يعني الرجال والمره كل واحد يبي السلامه وراحة باله ومخه

وسلامتك

 

[الهمس الخجول]

اخواني هل الزواج من كويتية الحياة تكون كلها سعاده واخلاص
ومودة ورحمه وصبر ومرح وتفاهم وعدم المشاكل ؟؟؟

تسأل السؤال وانت في حاله إحباط عسى ماشر
وبعدين تزوج كويتيه واحسن الأختيار والله يوفقك في حياتك
وإذا مالقيت كويتيه تقدر تحول ع السعوديه
وإذا مالقيت سعوديه حول ع الأمارتيه او قطريه اوعمانيه وهكذا دواليك الين تحصل المواصفات اللي تبيها والبنات على آفـــــــا من يشيل على قوله العاشق

 

[acton]

افضل الكويتي يتزوج من كويتيه واحط خط تحت الكويتيه ​

 

[العاشق]

تسأل السؤال وانت في حاله إحباط عسى ماشر
وبعدين تزوج كويتيه واحسن الأختيار والله يوفقك في حياتك
وإذا مالقيت كويتيه تقدر تحول ع السعوديه
وإذا مالقيت سعوديه حول ع الأمارتيه او قطريه اوعمانيه وهكذا دواليك الين تحصل المواصفات اللي تبيها والبنات على آفـــــــا من يشيل على قوله العاشق

صاجه والله واللي منك وفيك ابرك من الطلبيه

الكويتيه ومن ثما الخليجه نفس عاداتك وسلمك وحرص وتريث بالاختيار

وعسى ربي يوفق العزوبيه وانا معاهم ​

 

[rakan_yes]

لالالالالالالالا
دير بالك
لاتتزوج كويتيه

انتبه

خلك على الفلبينيه والهنديه وايد ابرك

اسمع كلامي

من خسران

ولا شرايكم شباب ؟

 

[بوالعيس بيك]

لالالالالالالالا
دير بالك
لاتتزوج كويتيه

انتبه

خلك على الفلبينيه والهنديه وايد ابرك

اسمع كلامي

من خسران

ولا شرايكم شباب ؟

والله ياخوي الفلبينيه والأسيويه أثبتت وجودها بالحياة الزوجيه حاليا

بس مايندرا العيال شراح يكونون بوذا ولا مسيح

ولا لادين هذي المشكله

وانا أفضل المرأه السعوديه لأنها لازالت أنثي, مع احترامي للكويتيه إللي بدت تأخذ دور الرجل

 

[زهره]

الرجل لازم مو بس افكر بنفسه وقت الزواج0 لازم افكر انه بكون اسره واللي يختارها راح تكون ام حق عياله اللي راح تربيهم وهالعيال باجر بيفتشلون من امهم ويمكن اهله بعد ما يتقبلونها وباجر لو صار شي بتشيل شلايلها وبتهدك مع العيال اللي راح اكونون محطمين علي فراق امهم0 عشان جذي خلك علكويتيه بس احسن الاختيار لا تغرك القشور والله يهدي بنات الكويت

 

[kuwaitey]

سواء كويتية او خليجيه او عربيه او اسيويه

فيهم الزين وفيهم الشين اتعب على الاختيار الصح

بمكن حزة الغشمره والسوالف نقول اخذ لك سوريه اخذ لك لبنانيه او مغربيه

بس لا حجة حجابجها وصارة الصجيه !!!!

لا حرام غير الكويتية والسعوديه وقطـــع خلاص

لو اتم عزوووبى العمر كله لانى مو قادر اتخيل عيالي شنو جنسية خوالهم او شنو مذهبهم اعووووذ بالله

اللى اعرفه شى واحد حلاة الثوب رقعته منه وفيه وبس

مع احترامى لباقى الجنسيات

 

[السيف2]

اقول خلوكم على المغربيات ترى شغلهم عدل

 

[هامور 2000]

يا اخوي ما يحك ظهيري الا ظفيري

خلك واقعي الكويتيه بتشيل بيتك و عيالك و معاشاها على البيت و عيالك بيتربون نفس تربيتك

و شوف اللي حوالينك اللي امهاتهم مو كويتين تري زواجهم صعب مو اي احد يرضي ياخذهم هذا غير البدليات بالحجي و على العموم عيالك بيكونون فشلانين على طول ان امهم مو كويتيه

و لا تقولون لي سوريه تري ماكو اقشر من السوريات و سأل لك سوري اشلون حريمكم و الهنديه الله يزيد النعمه طبعا كل عطله بتروح حق اهلها و محق خوال حق عيالك

و المغاربه سحور و لا ذاك الجمال الزايد و لا السنع و لا النظافه بس تعرف من وين دش حق الريال

خل الوالده تختار لك او خواتك مهما كان يبون لك الشي الزين و مصلحتك عندهم فوق كل شي

و تري الهوشات بهارات الحياة الزوجيه و ما ضاقت الا فرجت و انا اخوك

 

[abu yousef]

والله كويتيه وبس...... بس من وجهة نظرى الزواج توافيق سواء كانت كويتيه او اى جنسيه اخرى اهم شى الدين والخلق وانا انصح بالزواج من الكويتيه لانها تعرف العادات والتقاليد اما الاجنبيه لها عادات وتقاليد البلد الى تربت فيه والله يرزق كل مسلم للزواج السعيد

 

[B-A-1983-A-B]

والله كلامكم مايشجع الواحد يتزوج
شكلة العزوبية وايد زينة اعيش ملك نفسي احسن من عوار الراس ولا شرايكم ؟

 

[ابوهمبكه]

والله حلات الثوب منه وفيه واذا طلعت برا العمام والقرايب اقول الله يعين //اما سالفت مصريه واسيويه وهنديه اول شغله الجاهل راح يتعقد من العيال الثانيين اللى يسبونه ويعايرونه في امه و///والحين فيه واحد جم بيتنا ماخذ مصريه عياله فنكروه من البيت والرجال محترم بين الناس وانا والله انصدمت///والله يعين

 

[بو ريما الكويتي]

كلهن نفس الشي .. اما من ناحية تربية الاولاد افضل الزوجه راعية الدين .

 

[faisel 2]

السعاده الزوجيه هي توفيق من الله سبحانه وتعالي ومالها علاقه بأي جنسيه

ولعلمك مافيه اي حياه زوجيه بدون اختلاف رأي علي الأقل في بداية الزواج ولكن مع مرور السنين راح يكون كل شي تمام

يعني الرجال والمره كل واحد يبي السلامه وراحة باله ومخه

وسلامتك

ايدك100%

 

[Balloons Shop]

استغرب من الكويتي اللي يتزوج غير كويتية
مغامرة وخيمة العواقب ، وتعمي عينك عن السبب الرئيسي للإقتران فيك
وستفقد بلا شك رائحة البخور الزكية .