*لو حصل معاك نفس الموقف !!!

[الهمس الخجول]

مدخلـ...’’
يـــابوي خلوني على كيفي أختار
يـــابوي هذا العرس مابيه غصيبه
يــابوي لاترمون قلبي على النار
وتصيــــر بكره يـــــاجماعه مصيبه
يــابوي أنا اللي عارفه كل الأسرار
قلبـــــي وأنــا أدري في دواه وطبيبه​

مرحبآ ..
مسائكم ..!! صباحكم عطر ومحبه ..

_ بدخل بالموضوع بشكل مباشر !_

_سؤال موجهه للشباب _

لو أنك خطبت فتاه واعطوك الموافقه وجاتك التبريكات من اصدقائك واحبابك
وحددت موعد الزواج وحجزت القاعه واعطيت المهر ..!


-وفجــآآه !!!_



وفي غمرة انشغالك بترتيبات الزواج
وصلك خبر آنو البنت مجبوره عليك وما تبيك من الاساس وكمان تفضل الموت
على انها ترتبط فيك.؟؟؟


_ بكل صراحه شو راح يكون موقفك وقتها وردهـ فعلك..!!


بتحكم عقلك و تمشي الامور والترتيبات مثل ماكانت وتتعامل مع الموقف بشكل طبيعي جداً وتتجاهل الخبر ولاكأنك سمعت شئ ....!!


أو تلغي موضوع الزواج بشكل نهائي حتى لو آنو البنت كانت قريبتك وبتتجاهل ردهـ فعل الأهل وتلتزم الصمت ؟ّ!

< بصراحه شو راح تكون ردهـ فعلك .! لوحصل معاك نفس الموقف !>

<وبالنسبه لسؤالي للبنوتات >

لو حصل هالموقف لاخوك أو خالك اوعمك وطلب نصيحتك ايش النصيحه اللي ممكن تقدميها وخصوصاً انو البنات يفهمون بعض اكثر في مثل هذي المواقف !!


< أنتظر ارائكم بكل صراحه ومصداقيه وبعيداً عن المجامله والتصنع >​

مخرجـ,,,//


وش عـــاد لو في غرفتي ورد وأزهار
أشوفها يـــــــابوي مثلي كئيب
يـــاتاج رأسي لاتحملني أوزار
تكفى طلبتك....لاتزيد المصيبه
​

 

[العاشق]

والله موضوع يحير والله يعين اللي يكون بهالموقف

بس الغريب ان هالبنت ماوصلت هالاخبار وعدم رغبتها الا عقب الملجه وجميع ترتيبات الزواج ودفع المهر

لو انا بالموقف اللي مايبيني مابيه وبدال المره درزن حريم

بس هل المصدر اللي وصلي الخبر ثقه وتكانه ينوخذ حجيه ولااااااااا

اذا المصدر مايندرا عن صجه وهي قريبه بعد ولوحتا موقريبه اروح واسألها انا او ادز ناس تكانه ثقه يروحون لو من ورا اهلها يتاكدون

اذا ثبت عدم رغبتها فيني اكنسلها من حياتي والحريم على افاااااااا من يشيل

​

 

[قديم بن عتيج]

اكيد الوالد يريد مصلحه البنت

وهي في هذا العمر تكون مندفعه في الاحلام الورديه ، ولاتدري مايخبئه الزمن لها...

والافضل ان تسمع كلام من اكبر منها ، اذا كان هذا الزوج لايعيبه شئ

الجواب على الفقره الثانيه / اذا هي لاتريده ومجبوره عليه >​

ليــش ينتظر هو من الاول ، ع طـــول طبعا يرفض انه ياخذها زوجه له

اعوذ بالله لاتريده وهو يــقط وجــة / صج انه نشبه

وبعدين الشئ هذا غير موجود الان / لان وقت الخطبه تأكد من اهله واهلها انها موافقه / بعد مقابلتهم لبعض / او على الاقل صور كل من الاخــر

وكل هذا يجتمع في كلمتين فقط (( قبول ورفض )) ..

والجواب على الفقره الثالثه وهي قصيدتها​

....

هذه يبيلها قصيده حزينه / يابنت الحلال ، علامج علينا......​

إذا بلغ الرأي المشورة فاستــعــــــــــــن...........برأي نصيح أو نصــــــيحة حـــــــــــــازم


ولا تــــجـــعـــل الـــشـــورى عـــلـــيـــك........غضاضة فإن الــخــوافي قوة للــــقوادم​

 

[سرور]

يـــــــابوي .. هذي مو من عندنا

مع الاعتذار

 

[الهمس الخجول]

والله موضوع يحير والله يعين اللي يكون بهالموقف

بس الغريب ان هالبنت ماوصلت هالاخبار وعدم رغبتها الا عقب الملجه وجميع ترتيبات الزواج ودفع المهر لو انا بالموقف اللي مايبيني مابيه وبدال المره درزن حريم
بس هل المصدر اللي وصلي الخبر ثقه وتكانه ينوخذ حجيه ولااااااااا

اذا المصدر مايندرا عن صجه وهي قريبه بعد ولوحتا موقريبه اروح واسألها انا او ادز ناس تكانه ثقه يروحون لو من ورا اهلها يتاكدون

اذا ثبت عدم رغبتها فيني اكنسلها من حياتي والحريم على افاااااااا من يشيل

​

اذا كانت البنت مجبوره فشئ طبيعي مابيوصلك خبر بالمره الا اذا البنت حاولت توصل خبر من غير علم الاهل وع الاغلب لما الاهل يجبرون البنت ع الزواج مايخبرون الشاب بالحقيقه

شكراً يالعاشق وتفكيرك وتصرفك جداً سليم ..

 

[قديم بن عتيج]

يـــــــابوي .. هذي مو من عندنا

مع الاعتذار

الا من عندنا / بس راجع نفسك شوي

هذه قصيده لازم تقول يابوي

يعني شنو تقول / ياوالدي / ولا بابا........

 

[سرور]

الا من عندنا / بس راجع نفسك شوي

هذه قصيده لازم تقول يابوي

يعني شنو تقول / ياوالدي / ولا بابا........

احنا نقول .. يبا

بس تصدق بابا ذربه واحلى ..

 

[الهمس الخجول]

اكيد الوالد يريد مصلحه البنت

وهي في هذا العمر تكون مندفعه في الاحلام الورديه ، ولاتدري مايخبئه الزمن لها...

والافضل ان تسمع كلام من اكبر منها ، اذا كان هذا الزوج لايعيبه شئ

الجواب على الفقره الثانيه / اذا هي لاتريده ومجبوره عليه >​

ليــش ينتظر هو من الاول ، ع طـــول طبعا يرفض انه ياخذها زوجه له

اعوذ بالله لاتريده وهو يــقط وجــة / صج انه نشبه

وبعدين الشئ هذا غير موجود الان / لان وقت الخطبه تأكد من اهله واهلها انها موافقه / بعد مقابلتهم لبعض / او على الاقل صور كل من الاخــر

وكل هذا يجتمع في كلمتين فقط (( قبول ورفض )) ..

والجواب على الفقره الثالثه وهي قصيدتها​

....

هذه يبيلها قصيده حزينه / يابنت الحلال ، علامج علينا......​

إذا بلغ الرأي المشورة فاستــعــــــــــــن...........برأي نصيح أو نصــــــيحة حـــــــــــــازم


ولا تــــجـــعـــل الـــشـــورى عـــلـــيـــك........غضاضة فإن الــخــوافي قوة للــــقوادم​

شئ طبيعي انو الاب يفكر بمصلحه البنت لكن فيه حالات استثنائيه ممكن يفكر الاب في مصلحته وبيجبر البنت ع الزواج وبتكون ضحيه زواج مصلحه وخاصه لما يكون فيه منفعه اومشروع مع والد الشاب اوحتى مع الشاب نفسه ! وممكن يكون الشاب قريب البنت وتفكير والد البنت جداَ سطحي ويقدس العادات والتقاليد وانو البنت ماتتزوج الا من اقاربها .. وفتها بيجبر البنت ع الزواج حتى لوماكان فيه اي تكافؤ بين البنت والشاب وهنا بتكون البنت ضحيه العادات والتقاليد ..!
قديم بن عتيج
اسعدني حضورك وشاكره لك مشاركتك

 

[الهمس الخجول]

يـــــــابوي .. هذي مو من عندنا

مع الاعتذار

يبــــــــــــــــا .. كل العفو

 

[abo Rana]

لي رجعه

 

[Low Fat]

’’ السلام عليكم ’’

لو وضعت نفسي بهذا الموقف

شرطي الأول أن ترجع لي مادفعته لها وما قد دفعت على تلك التريبات هذا أولآ ..

ومن ثم .. الشرط الثاني بـــعــد أسترجاع أموالي ولكي تحصل على ورقتها

هو أن تشرح سبب رفضها لي ولماذا..؟

ولا يمكن قبول أي تدخل من قبل أي طرف ,,​

​

 

[نواره1]

تبين أرد بكلام العقل .. و إلا بكلام الحميه و الغاريه ..


عقلي يقولي .. إنه العشره لها دور بتغير المشاعر و التوجه ..
يعني طبيعة الحياة الزوجيه بتعودها عليه .. و مع الأيام الإحتمال الأكبر تتغير مشاعرها .......

لكن ...
غاريتي تقولي ... ما تشوف شر ..

و بهالموقف .. تتحكم غاريتي أكثر من عقلي

 

[ابوشروق]

مدخلـ...’’
يـــابوي خلوني على كيفي أختار
يـــابوي هذا العرس مابيه غصيبه
يــابوي لاترمون قلبي على النار
وتصيــــر بكره يـــــاجماعه مصيبه
يــابوي أنا اللي عارفه كل الأسرار
قلبـــــي وأنــا أدري في دواه وطبيبه​

مرحبآ ..
مسائكم ..!! صباحكم عطر ومحبه ..

_ بدخل بالموضوع بشكل مباشر !_

_سؤال موجهه للشباب _

لو أنك خطبت فتاه واعطوك الموافقه وجاتك التبريكات من اصدقائك واحبابك
وحددت موعد الزواج وحجزت القاعه واعطيت المهر ..!


-وفجــآآه !!!_



وفي غمرة انشغالك بترتيبات الزواج
وصلك خبر آنو البنت مجبوره عليك وما تبيك من الاساس وكمان تفضل الموت
على انها ترتبط فيك.؟؟؟


_ بكل صراحه شو راح يكون موقفك وقتها وردهـ فعلك..!!


بتحكم عقلك و تمشي الامور والترتيبات مثل ماكانت وتتعامل مع الموقف بشكل طبيعي جداً وتتجاهل الخبر ولاكأنك سمعت شئ ....!!


أو تلغي موضوع الزواج بشكل نهائي حتى لو آنو البنت كانت قريبتك وبتتجاهل ردهـ فعل الأهل وتلتزم الصمت ؟ّ!

< بصراحه شو راح تكون ردهـ فعلك .! لوحصل معاك نفس الموقف !>

<وبالنسبه لسؤالي للبنوتات >

لو حصل هالموقف لاخوك أو خالك اوعمك وطلب نصيحتك ايش النصيحه اللي ممكن تقدميها وخصوصاً انو البنات يفهمون بعض اكثر في مثل هذي المواقف !!


< أنتظر ارائكم بكل صراحه ومصداقيه وبعيداً عن المجامله والتصنع >​

مخرجـ,,,//


وش عـــاد لو في غرفتي ورد وأزهار
أشوفها يـــــــابوي مثلي كئيب
يـــاتاج رأسي لاتحملني أوزار
تكفى طلبتك....لاتزيد المصيبه
​

السلام عليكم ورحمة الله وبركاته

الاخت الهمس الخجول
موضوعك هذا يحصل واجد

العقل يقول تأكد انها ماتبيك وعقب تذهب للاب وتكلمه عن الغلطه اللى سواه وتخليه يرجع المهر غصبن عن خشمه لانه شخص موكفو احترام لانه مومسلم ما في زواج بالقصب
واللى مايبينه مانبيه

وسلامتك من كل شر

 

[فضل]

اذا ترتيبات الزواج وصلت مرحله متقدمه وعزمنا الناس

بخلى اذن من طين واذن من عجين ..

لانى ما سمعت احد الغى عرسه ، الا اذا فيه حالة وفاه لا سمح الله



وبعيش وياها بالعشره الحسنه وبالود والمحبه ..

وبعد فتره بسألها : هااااه يا الغاليه اشرايج بالعيشه معاى ..؟

إن رضت فينى عشنا بسبات ونبات وخلفنا صبيان وبنات

وإن ما رضت ، وديتها بيت اهلها ..



وبعدين هى ليش تظلمنى ، ليش تحكم على قبل لا تعيش معاى


من يدرى بعدين ، يمكن انا اغير رأيى فيها ..​

 

[Balloons Shop]

إن تأكدت بسمعي وبصري برفضها لي
أقولها وأفعلها
دفعة مردي والهوى شرقي
( وإن يتفرقا يغني الله كلٍ من سعته )

 

[B-A-1983-A-B]

شبي بوحده ماتبيني !!
عشان تقلب حياتي نكد وهم وغم ؟
لايبة الله الغني اشحلات الغزوبية ملك نفسك بس بشرط ابي فلوسي تردلي مثل مادفعتهم لها ويعوضوني عن ترتيبات الي دفعتهم لان مو معقول يخسروني كل هالمبالغ وبالاخير تتذكر الحلوة اهي وابوها انهم مايبوني اعتقد من حقي ترجع فليساتي والمنه عليهم بعد واذا عندو مارضو يردون الفلوس مو شرط اتزوجها اخليها معلقة بورق الزواج لين يلين راس ابوها ويردون كل مستحقاتي ,,,, اعتقد هذا حقي ولازم يرد لي

 

[النايفه]

_ بدخل بالموضوع بشكل مباشر !_

_سؤال موجهه للشباب _

لو أنك خطبت فتاه واعطوك الموافقه وجاتك التبريكات من اصدقائك واحبابك
وحددت موعد الزواج وحجزت القاعه واعطيت المهر ..!
-وفجــآآه !!!_
وفي غمرة انشغالك بترتيبات الزواج
وصلك خبر آنو البنت مجبوره عليك وما تبيك من الاساس وكمان تفضل الموت
على انها ترتبط فيك.؟؟؟

_ بكل صراحه شو راح يكون موقفك وقتها وردهـ فعلك..!!
<وبالنسبه لسؤالي للبنوتات >

لو حصل هالموقف لاخوك أو خالك اوعمك وطلب نصيحتك ايش النصيحه اللي ممكن تقدميها وخصوصاً انو البنات يفهمون بعض اكثر في مثل هذي المواقف !!

< أنتظر ارائكم بكل صراحه ومصداقيه وبعيداً عن المجامله والتصنع >[/center]

في البداية سؤالك جداً حلو وأنا أكتشفت أن بالسعودية البنت تجبر على الزواج بكثرة وذلك بسبب طبيعة العادات والتقاليد هناك وأنا أتكلم عن سابق خبرة ولا أنتقد أي مجتمع لكن كل الذي أقوله أن هالظاهره قلت كثيراً لدينا بالكويت...لكنها موجودة بالطبع..
على كل حال...
أنصح أخوي أو خالي أو من يعز علي بالتالي:

من باعني بعته لو كان غالي...
أقول له منت ملزوم ببنت ما تبيك لو مهما كانت أسبابها...ليش تاخذ وحدة ما تبيك وتدخل معاها تجربة زواج تحسب عليك زيجة ومخاسير وتقول أكسبها بالعشرة الطيبة...طيب ياخي يمكن البنت مو طيبة (يعني ما يبين بعينها العشرة) أو خلاص كارهتك لأنك غصيبة عليها ومبرمجة نفسها أنك أنت من معسكر الأعداء!!!!
أنا أقول تكلم أبوها مباشرة وتطلب البنت جدامك وجدام أبوها دام إنها زوجتك بعقد القران يعني ماله عذر يقول ما تقدر تكلمها أو تشوفها وكلمها وخذ من راسها وجدام أبوها عشان كلن يكون على بينه وما تخسر مهرك وسمعتك وكرامتك بالأول والأخير وإذا تأكدت وتيقنت من رفض البنت أعتقد محد ساعتها يلومك بإسترداد ما دفعته...
بس السالفة مو مخاسير مادية السالفة أكبر من كذا...الواحد ممكن يخسر شغلات واجد أكثر من المادة إذا دش زيجة محكوم عليها بالفشل من البداية.
وأنا وحدة من الناس لا يمكن أتزوج غصبن عني لو تنطبق السما عالأرض ...هذا زواج مو لعبة.

 

[نائب]

بكل بساطه اخذ المهر واكنسل كل الترتيبات اللي مايبينا مانبيه بالذات الزواج لازم يكون بالتراضي ياجماعه هذي عشرت عمر بتصير اقرب شخص لك بحياتك

الطَّلاَقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ

واذا سألني احد اقوله مالله قسم طلعت تحب الخباز اللي تحت بيتهم


مواضيعج دائما مميزه مثلج

 

[نائب]

في البداية سؤالك جداً حلو وأنا أكتشفت أن بالسعودية البنت تجبر على الزواج بكثرة وذلك بسبب طبيعة العادات والتقاليد هناك وأنا أتكلم عن سابق خبرة ولا أنتقد أي مجتمع لكن كل الذي أقوله أن هالظاهره قلت كثيراً لدينا بالكويت...لكنها موجودة بالطبع..
على كل حال...
أنصح أخوي أو خالي أو من يعز علي بالتالي:

من باعني بعته لو كان غالي...
أقول له منت ملزوم ببنت ما تبيك لو مهما كانت أسبابها...ليش تاخذ وحدة ما تبيك وتدخل معاها تجربة زواج تحسب عليك زيجة ومخاسير وتقول أكسبها بالعشرة الطيبة...طيب ياخي يمكن البنت مو طيبة (يعني ما يبين بعينها العشرة) أو خلاص كارهتك لأنك غصيبة عليها ومبرمجة نفسها أنك أنت من معسكر الأعداء!!!!
أنا أقول تكلم أبوها مباشرة وتطلب البنت جدامك وجدام أبوها دام إنها زوجتك بعقد القران يعني ماله عذر يقول ما تقدر تكلمها أو تشوفها وكلمها وخذ من راسها وجدام أبوها عشان كلن يكون على بينه وما تخسر مهرك وسمعتك وكرامتك بالأول والأخير وإذا تأكدت وتيقنت من رفض البنت أعتقد محد ساعتها يلومك بإسترداد ما دفعته...
بس السالفة مو مخاسير مادية السالفة أكبر من كذا...الواحد ممكن يخسر شغلات واجد أكثر من المادة إذا دش زيجة محكوم عليها بالفشل من البداية.
وأنا وحدة من الناس لا يمكن أتزوج غصبن عني لو تنطبق السما عالأرض ...هذا زواج مو لعبة.

رد حكيم عجبني

ريماس والله منتي سهله
تصلحين تكونين حكم مرجح

 

[قلم حر]

موضوع صعب ويبيله حكمه وتأني بالتعامل

انا لو يحصل معاي نفس الموضوع وعرفت انه البنت ما تبيني

وانا دافع المهر ومحدد موعد الزفاف هنيه اكمل اجراءات الزواج والامور

بالنسبه لي طبيعيه ومع الوقت راح تحبني وامساك بمعروف

اما اذا البنت اللي هي العروس كلمتني وقالت لي انا ما ابيك

وتكفى وطلبتك ونخيتك وابي فزعتك ما ابي اتزوجك هنيه مالها

الا طيبة الخاطر وتسريح بإحسان​