موقف محرج (ينذكر وما ينعاد)!!

[النايفه]

موقف لن تنساه مهما حييت ؟؟ ما تبي تذكره (ينذكر وما ينعاد)..
بعض الأحيان تحصل لنا مواقف محرجة ومضحكة بنفس الوقت نذكرها لاحقاً ونضحك لكن لو يعيد الزمن نفسه على قدر الطرافة التي مررنا بها نرفض أن نضع أنفسنا بنفس الموقف...
شاركونا بعض المواقف التي حدثت لكم أو لأشخاص تعرفونهم مروا بتجارب سواء مضحكة أو حتى محزنة ونتذكرها لكن لا نتمنى أن تنعاد...

 

[سرور]

البداية من عندك

 

[النايفه]

أبدء بنفسي أولاً..
صديقتي كانت مشاركة بمعرض للجامعة وكان مدير الكلية موجود بالمعرض وإهيا ما تعرفه...لما ما عطوها شاشة لعرض المشروع عصبت ودزوها عليه وأشرت وحده عليه وقالت هذا المسؤول عن الشاشات وما قالت مدير الكلية!!!
فرفيجتي راحت له وشدت حيلها وقالت له بنزارة : ليش ما تعطونا شاشة للمشروع ولا ناس وناس؟
قال لها لا ليش الحين أجيب لج شاشة ولا يضيق خلقج جان تقول له
من وين بتجيبها من بيتكم!!!
لوووووووووووووووووووووووووووووووول
قال لها لا وأهوا يبتسم لا طبعاً مو من بيتنا مالج إلا طيبت الخاطر وفعلاً بعد شوي أرسل لها الشاشة..
وثاني يوم كان مار يشوف المشروع قبل لا ينفتح المعرض للناس فطلب منها تعيد المقطع اللي مسؤولة عنه بالمشروع فعادته كذا مرة ولما مصخها قامت تخزه بنص عين وتتأفف بمعنى صج هذا نشبة وفاضي...طبعاً والريال ما زعل وباله وسيع ويوم شافها تضايقت منه مشى...
وثاني يوم يوم إفتتحت الوزيرة المعرض ولا هو معاها
ورفيجتي تقول أمبييييه النشبة طلع المدير!!!!
طبعاً إنقص ويها ومن عقبها تتخشش عنه مالها ويه تشوفه لين تخرجت...لووووووووووووول.

 

[سرور]

من المواقف اللي ماتنسى ان عندي أخ كبير بس صعب الدينار اللي يدخل جيبه صعب يطلع منه الى يومك هذا .. فكان هو عنده وظيفة وحنا شباب ماتوظفنا فطلبت منه الوالدة مبلغ 20 دينار سلف قبل خروجه من البيت .. فأخذ يحلف بأغلظ الايمان ان محفظته مافيها شي والمسكينة الوالده صدقته وبعد ساعتين رجع يسال عن محفظته وقلب الدنيا والكل عرف ان فيها مبلغ محترم ونسى نفسه وحلفه واخذ يذكر أرقام والوالدة صامته ولم تعاتبه .. فقرر الذهاب الى المخفر ليبلغ بعد أن يأس في العثور على المحفظة .. وهناك وجدها ولكن بدون نقود ماعدا الاوراق وال هويات .. حيث ابلغه المخفر ان أحد الاشخاص عثر عليها بهذه الحالة.

فكانت قلوبنا تقول هذي حوبة الوالده .. قلعته

 

[العاشق]

تعين عندنا موظف جديد خوش واحد بس كله لابس نظارته

يحاجيني والنظاره مغطيه عيونه مره مرتين جان اقوله يمعود افصخ هالنظاره بنشوف عيونك :

فصخ النظاره والا عينه اليمين هنااااااااااااااااااااك حاذفه

طلع حول

صراحه انحرجت وغيرت الموضوع

بعد جم يوم قاعدين بصالون ونطر الحلاق يخلص من الزبون اللي قبلي
ونسولف قال الحلاق حق واحد قاعد افصخ نظارتك فلان شوفيك وضحك

قلت يامعود انا صارت معاي سالفه قبل جم يوم وانحرجت وقلت لهم السالفه
مع الموظف الجديد

من خلصت السالفه الا الرجال فاصخ نظارته وعيونه الثنتين داشين على بعض

حسيت ان السالفه ماترقع مت من الضحك ​

 

[النايفه]

من المواقف اللي ماتنسى ان عندي أخ كبير بس صعب الدينار اللي يدخل جيبه صعب يطلع منه الى يومك هذا .. فكان هو عنده وظيفة وحنا شباب ماتوظفنا فطلبت منه الوالدة مبلغ 20 دينار سلف قبل خروجه من البيت .. فأخذ يحلف بأغلظ الايمان ان محفظته مافيها شي والمسكينة الوالده صدقته وبعد ساعتين رجع يسال عن محفظته وقلب الدنيا والكل عرف ان فيها مبلغ محترم ونسى نفسه وحلفه واخذ يذكر أرقام والوالدة صامته ولم تعاتبه .. فقرر الذهاب الى المخفر ليبلغ بعد أن يأس في العثور على المحفظة .. وهناك وجدها ولكن بدون نقود ماعدا الاوراق وال هويات .. حيث ابلغه المخفر ان أحد الاشخاص عثر عليها بهذه الحالة.

فكانت قلوبنا تقول هذي حوبة الوالده .. قلعته

والله شكلها حوبتك أنت بعد

تعين عندنا موظف جديد خوش واحد بس كله لابس نظارته

يحاجيني والنظاره مغطيه عيونه مره مرتين جان اقوله يمعود افصخ هالنظاره بنشوف عيونك :

فصخ النظاره والا عينه اليمين هنااااااااااااااااااااك حاذفه

طلع حول

صراحه انحرجت وغيرت الموضوع

بعد جم يوم قاعدين بصالون ونطر الحلاق يخلص من الزبون اللي قبلي
ونسولف قال الحلاق حق واحد قاعد افصخ نظارتك فلان شوفيك وضحك

قلت يامعود انا صارت معاي سالفه قبل جم يوم وانحرجت وقلت لهم السالفه
مع الموظف الجديد

من خلصت السالفه الا الرجال فاصخ نظارته وعيونه الثنتين داشين على بعض

حسيت ان السالفه ماترقع مت من الضحك ​

يااااا حليلك طلعت مودع جبت العيد مرتين متتاليتين

في إنتظار باقي المواقف والطرائف زهقنا سياسة وتحلطم

 

[النايفه]

مره زوجي صارت فيه سالفه بس قبل لا نتزوج...كان بالحدود الكويتيه السعوديه ونازل من السيارة يختم جواز سفره (قبل نظام الكبائن) فلما رجع وركب السيارة إلا وحدة بسيارته لا وتصارخ!!!!! منو أنت تشتبي؟؟؟
الريال نقز من السيارة كأنه ملدوغ وإعتفس وتخسبق وراح جدام السيارة يشيك على اللوحة لأنه شك بنفسه ولا الرقم رقم سيارته عاد خذا نفس عمييييق ورجع فتح الباب وقال لها أختي الظاهر إنتي غلطانه طبعاً زوجها كان شايف الموقف من البداية إنها بعد ما خلصت تطبيق النساء ركبت السيارة اللي تشبه سيارة زوجها بالضببببط
طبعاً زوجها ميت من الضحك ومو قادر يسيطر على نفسه وفتح عليها الباب وقال لها يبا نزلي هاذي سيارة الرجال والمره نزلت من السيارة بدون ولا حرف..طبعاً هذا كله صار بدقايق بس موقف يموت من الضحك.

 

[قلم حر]

موقف ما حصلي بس سمعت عنه ومت ضحك

في واحد توه متزوج وصار له 4 ايام زواج وعايش عيشة الملك

وطلع مع زوجته وهو بالسياره طلع بوجهه واحد وبقى يدعمه لكن الله ستر

وعصب صاحبنا المعرس وقام يلحق اللي طلع بوجهه الا يوقفه ويطقه

طبعا معرس وطلباته اوامر وقبل 4 ايام جماعته تعرض له بالسيوف

المهم من شارع لي شارع وهو يلحق الرجال وزجته تقوله تكفى سامحه

وكل ما تقوله زوجته سامحه يقول تزيد شجاعتي واصراري على ملاحقة

الشخص الاخر

اشلكم بالطويله بختصر المهم وقف الرجال وصاحبنا وقف وراه ونزل مسرع

ويقول صاحبنا لما نزل الرجال وشفته وشفت جسمه وطوله قمت اسحب

ارجولي من الخوف ويقول اول ما وصلت عنده مديت ايدي اسلم عليه

وقلت له تكفى يابن الحلال نخيتك سامحني ولا تفشلني ترى انا معرس

جديد من اربع ايام وله يرد عليه الرجال وقاله بعديها هالمره لك

واذا شفتك مره ثانيه بأي شارع كسرت راسك وصاحبنا

يقول له وعد ما تشوفني حتى لو تبيني اهاجر هم اهاجر

بس عديها لي اليوم وللحين ايدينهم متماسكين (( مسكة سلام ))

جان يقول حق صاحبنا يالله اذلف جان يبوسه صاحبنا ويقوله الله يسلمك


ولما رجع معرسنا للعروس جان يقول لها فكه الله طلع معرفه

ولا جان ذبحته ​

 

[دربك أخضر]

و أنا مراهق ، كان الربع يروحون لندن في الصيف لدراسه اللغة الانجليزية ، علي حسابهم لكن عن طريق



وزاره التربية . قلت للوالد عن الفكره و وافق .ثاني يوم رحت الوزاره ، لكن ما عرفت من أسأل ، كل ما أسأل واحد



يدزني حق الثاني . أخر شي دريت عن أسم المسؤل الكبير ، رحت مكتبه ، و كان فيه وايد مسؤولين معاه . أنا



ارتبكت و ما عرفت شقول، قال لي نعم إشعندك ؟ قلت له بروح لندن . قال لي روح من ماسكك !!!

 

[النايفه]

موقف ما حصلي بس سمعت عنه ومت ضحك

في واحد توه متزوج وصار له 4 ايام زواج وعايش عيشة الملك

وطلع مع زوجته وهو بالسياره طلع بوجهه واحد وبقى يدعمه لكن الله ستر

وعصب صاحبنا المعرس وقام يلحق اللي طلع بوجهه الا يوقفه ويطقه

طبعا معرس وطلباته اوامر وقبل 4 ايام جماعته تعرض له بالسيوف

المهم من شارع لي شارع وهو يلحق الرجال وزجته تقوله تكفى سامحه

وكل ما تقوله زوجته سامحه يقول تزيد شجاعتي واصراري على ملاحقة

الشخص الاخر
اشلكم بالطويله بختصر المهم وقف الرجال وصاحبنا وقف وراه ونزل مسرع

ويقول صاحبنا لما نزل الرجال وشفته وشفت جسمه وطوله قمت اسحب

ارجولي من الخوف ويقول اول ما وصلت عنده مديت ايدي اسلم عليه

وقلت له تكفى يابن الحلال نخيتك سامحني ولا تفشلني ترى انا معرس جديد من اربع ايام وله يرد عليه الرجال وقاله بعديها هالمره لك

واذا شفتك مره ثانيه بأي شارع كسرت راسك وصاحبنا

يقول له وعد ما تشوفني حتى لو تبيني اهاجر هم اهاجر

بس عديها لي اليوم وللحين ايدينهم متماسكين (( مسكة سلام ))

جان يقول حق صاحبنا يالله اذلف جان يبوسه صاحبنا ويقوله الله يسلمك


ولما رجع معرسنا للعروس جان يقول لها فكه الله طلع معرفه

ولا جان ذبحته ​

لووووووووووووووووووووووووووووووول ياشين اللي يسوي شئ مو قده!!!:d
بالله الحين ذاك لو ما عداها له جان ماسكه ورانه جدام المره وراحت هيبة الريال من أول الأيام
الحمدلله عدت على صاحبك بخير لا والمشكلة يهايط (( قال إيه قال طلع معرفة)) لووووووووووووووووووووووووووووول:d:d:d:d

مشكور قلم حر على مشاركتك وفي إنتظار مزيد من المواقف (إحلب ذاكرتك)

 

[النايفه]

و أنا مراهق ، كان الربع يروحون لندن في الصيف لدراسه اللغة الانجليزية ، علي حسابهم لكن عن طريق



وزاره التربية . قلت للوالد عن الفكره و وافق .ثاني يوم رحت الوزاره ، لكن ما عرفت من أسأل ، كل ما أسأل واحد



يدزني حق الثاني . أخر شي دريت عن أسم المسؤل الكبير ، رحت مكتبه ، و كان فيه وايد مسؤولين معاه . أنا



ارتبكت و ما عرفت شقول، قال لي نعم إشعندك ؟ قلت له بروح لندن . قال لي روح من ماسكك !!!

لووووووووووووووووووووووووووول أمبيه والله كسرت خاطري وذبحتني من الضحك بنفس الوقت...شنو أبي أروح لندن بصراحة كنت برد عليك نفس الرد روح يبا من ماسكك!!!
لوووووووول ...مشكور دربك خضر وبس بغيت أعرف نهاية القصة رحت لندن (بلاغة شف)

 

[عجبي]

كنت في صغري شقي جدا جدا عكس الحين///؟! رحت لبست عباةالحريم ورحت حق جدتي ( الله يرحمها ) وكان نظرها ربع يعني تشوف الخيال وعملت نفسي اني جارتها بتغيير صوتي ولما هي صدقت وتبي تسولف ما قدرت اطلقت ضحكة فامسكت بي وهي تضربني ضرب وانا ميت ضحك وهي تضرب وانا اضحك وقتها فطست من الضحك ما اقول الا الله يرحمك

 

[al7bebe]

الو الو

موقف محرج ومضحك في نفس الوقت ما انساه قبل الغزو حصل معاي
انا وربعي جالسين في الديوانية واذن اذان صلاة العشاء وقلت يلا نصلي ودق التلفون ابو جرس قوي ورحت اشيل السماعه وسكر التلفون وبعدين رحت اصلي ابي اقول الله اكبر قلت ( الو الو) وماسمعت الا ضحك من الحضور مو طبيعي وضحكت معاهم وانا منحرج

 

[دربك أخضر]

لووووووووووووووووووووووووووول أمبيه والله كسرت خاطري وذبحتني من الضحك بنفس الوقت...شنو أبي أروح لندن بصراحة كنت برد عليك نفس الرد روح يبا من ماسكك!!!
لوووووووول ...مشكور دربك خضر وبس بغيت أعرف نهاية القصة رحت لندن:d (بلاغة شف)

إي رحت ، ورجعت و رحت مره ثانية ، لكن المره الثانية عرفت شغلي عدل

 

[النايفه]

كنت في صغري شقي جدا جدا عكس الحين///؟! رحت لبست عباةالحريم ورحت حق جدتي ( الله يرحمها ) وكان نظرها ربع يعني تشوف الخيال وعملت نفسي اني جارتها بتغيير صوتي ولما هي صدقت وتبي تسولف ما قدرت اطلقت ضحكة فامسكت بي وهي تضربني ضرب وانا ميت ضحك وهي تضرب وانا اضحك وقتها فطست من الضحك ما اقول الا الله يرحمك

لوووووووووووووووووووول يا حليلك خفيف دم بس نزغة...إن شاء الله عيالك مو نفسك

مشكور على الموقف الطريف والله يرحم جدتك وموتانا وموتى المسلمين.

 

[النايفه]

موقف محرج ومضحك في نفس الوقت ما انساه قبل الغزو حصل معاي
انا وربعي جالسين في الديوانية واذن اذان صلاة العشاء وقلت يلا نصلي ودق التلفون ابو جرس قوي ورحت اشيل السماعه وسكر التلفون وبعدين رحت اصلي ابي اقول الله اكبر قلت ( الو الو) وماسمعت الا ضحك من الحضور مو طبيعي وضحكت معاهم وانا منحرج

لوووووووووووووووووووووووووووووووووووووووووووووووووووووووووووووول الحلو بالسالفة ألوووو مرتين مو مرة بعد:d
والله موقف يفطس من الضحك

 

[النايفه]

إي رحت ، ورجعت و رحت مره ثانية ، لكن المره الثانية عرفت شغلي عدل

زين الحمدلله شكلك ثاني مرة صرت الخبير اللي يبي فوطة

 

[دربك أخضر]

زين الحمدلله شكلك ثاني مرة صرت الخبير اللي يبي فوطة

أكيد ، ثاني مره ، رحت سيده للموظف الصغير اللي يدزوني له الكباريه ، و هو يسوي كل



الشغل...



بس ، ترى ما فهمت إشقصدك اب " فوطه" !!!

 

[النايفه]

فيه مقطع لحسين عبدالرضا فوحدة من المسرحيات كان يقول "الخبير يبي فوطة" وكان السبب غامض بس صارت لزمة والكل يقولها لمن واحد يتفلسف وهو ساعات مو فاهم أو إذا فهم بعد مدة نقول له عيل صرت الخبير اللي يبي فوطة

 

[kw-serv]

والله اذكر موقف لي وانا صغير كنت مريض صحيت من النوم على الساعة 4 الفجر جان ادق على الوالدة الباب ولما طلعت قلت لها يماااااااااااااااااااااا وين مفتاح الحمام