اقترح تييبون واحد متخصص يقعد معاكم في هذا الاجتماع مع درب العصامى فقط بدون جناحي, ييبو واحد فاهم عشان تعرفون شنو تقولون و يكون كلامكم منطقي و عقلاني, و كل ما كان العدد قليل كلما كان افضل عشان ما يضيع النقاش
و ضروري تخلون درب العصامى يكشف لكم الاخطاء و سوء الاداره + مواطن الخلل عشان تعرفون شنو صار + اقتراحاته المهمه حسب كلامه و شنو راح تعالج........هذي الامور كلها لازم تسمعونها من العضو درب العصامى و تكتبونها و تسجلونها
عقب تييون و تناقشون كل شي مع المساهمين اللي وكلوكم و تاخذون ارائهم ثم تقعدون مره ثانيه مع درب العصامى و هالمره مع عصام جناحي بعد و تعطونه الزبده
شرايك اخوي ريح المسك و اخوي مضارب شجاع ؟
ونعم فيك يابو باسل
ومشكور على هالكلام الطيب الي بدر منك
وفعلا" انا ومضارب وشجاع وريح المسك ما نفهم ولا نعرف نتكلم
وطرحنا غير عقلاني وغير منطقي ويجي منك اكثر من هالكلام
هذا جزانا منك يا بو باسل واحنا نستحق منك هالكلام
لكن نسيت ان من السهل الجلوس على الكمبيوتر وكتابه على الكيبورد
بكلام لا يليق في اخوانكم المتبرعين من جيبهم الخاص للوقوف امام مجلس
الاداره ونقاش مع رئيس مجلس الاداره في مواضيع تهم المساهمين الي
وكلونا في الحديث عنهم , طالما يا بو باسل احنا على كلامك لانفهم مانقول
وطرحنا غير منطقي وعقلاني يلا البركه فيك سوى اجتماع في محلك وتكلم
في كلام الي المفروض ينقال والطرح العقلاني والمنطقي واحجز تذكرتك
للبحرين وسكنك , وحط بجيبك مصاريفك الخاصه وتوكل على الله وانا اول واحد
يوكلك عن كميته وكميه الناس الخاص علي , يعلم الله ان فرحتي ماتوصف
وانا اسمع الناس تشكر اخواني مضارب شجاع وريح المسك على فزعتهم
لكن افسد فرحتي والله
لكن الحين نبي نشوف فزعتك وتجميعك للبطاقات الدعوه وسفرك وحضور الاجتماع وتكلم بكلام منطقي وعقلاني
ارجو منك وضع رقم الهاتف لكي يتواصلون معاك الاخوه الاعضاء والمساهمين