مهم عمليه نصب مهم مهم

[K.KHALED]

الهكري هكري مامن وراه رجي,,,, مافيا وعصابات وامكر مخلق الله

 

[كويتي 777]

صباح الخير يا شباب تووكم تدروون عنهم وعن حركاتهم... اول ماتتصل جييك على اللهجه واذا ماصدته شووف شكله ... بعد ماتعرف انه منهم بس عطه طاااااف

 

[ابن ضعيان]

نصيحة لوجه الله لكل شخص يبي يستعمل
عندك حل لمشكلة النصابين اللي ترسوا السوق
الحل الأول إذا إنت تبي تستعمل خذ سيارة جديدة من الوكالة تقعد عندك خمس سنين قدام تغير الزيت بس
الحل الثاني خذ سيارة من معرفة مثل أخوك ولد عمك والأقرب سيارة تعرفها أو تعرف من يعرفها... لأن المعرفة يستحي يبيعك سيارة خربانه

 

[KUWAIT-N76]

الحمدالله الله كشفهم والله ينصرك على من يعاديك والله انك شهم واصيل.

 

[sound blaster]

أخوناي ليش ما تشتكون عليهم بالمخفر وتسجلون عليهم قضية علشان يتوبون من حركاتهم وخصوصاً لما يلاحقونهم المباحث ( انا ادري ان المبلغ مو كبير او ما يسوى لكن لازم يوقفون عند حدهم ) *
وشكرا

أفا عليك ..!

رحنا المخفر إشتكينا .. تدري شنو كان رد الضابط : آنا شكو ..

الموضوع عند حماية المستهلك ..

وأروح حماية المستهلك .. ورب الكعبه أكلم الموظف كأنه مو بوعيه أو مكثر لبن .. محد قال لاكها بس .. فاااااااااااااااقد وما يدري شنو أقول وكل شوي يغفي ..

طبعا هل حجي الساعه 10 الصبح .. جان أتركه واخليه على نومته ولا يدري أصلا إني طلعت وقطيت ورقة الشكوة عند أقرب زباله .. والحبيب ولا همه بعرف شلون يحللون معاشهم هذول .. سلامي على العضو الي متوسط له وموظفه ...

قلت أقطها أنا بالزباله ولا يقطونها حماية ......بالزباله

..
اخوي الله يعوضك ..وترى زعلت شريطية المنتدى .. بس حلوة هجع هههه

بالتوفيق

 

[abdalah]

مشكور ياصاحب الموضوع

نعم الشباب للاسف يقلدون اخوانا الحضر لسهولة النطق وحصلت معاى امور تقريبا مشابهه لك

المهم انا رجال ماحب الجذب عندى ارفع سعر السياره قول انها مدعومه وبر ذمتك اشترى بس

تجذب على اتخذ الاجرائات اقانونيه وانا حذر ياخوك بحكم تعاملى الكثير معهم فى البيع والشراء

ونصيحه يا اخوان اذا جاك واحد بدون ارفع السعر عليه من 1500 الى 2000 مع احترامى لهم

ما انكر ان فيهم رياجيل وانا عندى شخص شريطى اعرفه صارلى موقف مع بدون لاكن البدون هذا

محترم واهوا قالى بنفسه انا اعرف لربعى وفعلا خللى المشكله وصارت عكسيه على اللى كانو

بيغشوني ولله الحمد هذا بفضل الله ثم دعاء الوالده لى

اسف على الاطاله

ويسمحولى الاخوه البدون فيكم رجال محترمن لاكن الفئه هذى ابلشتنا[/
quote]

صح لسانك مو الكل بعض الشريطيه الله يهديهم لايحلل ولا يحرم والبعض الاخر ينصح وما يشترى إلا المواتر النظيفه
المهم المهم المهم أفـــــحص أفحص أفحص لا لا لا تأمن أحـــــد

 

[hamad.]

آنا مايبط جبدي فيهم غير اللي مسوي نفسه حضري وهو أصلا مكشوف وواضح شريطي نصاب.

لا ألحين في طريقة جديدة عندهم وهي تربية اللحية ويجيك على انه متدين وتاخذ السيارة منه بدون فحص.

 

[bomanaf]

d
ياجماعه لاتسولفون بس بالنت سولفو بالدواوين حذروا الناس منهم والله ملينا
هندي نصاب مصري نصاب بدزن وسزريين صارو يتكلمون مثلنا ويمشون افلام علينا لان احنا على نياتنا ارجوكم سولفو عنهم وانشرو هالشي لي متى احنا صيد سهل لل..................

 

[محمد خليفه]

بسم الله الرحمن الرحيم

مشكلة الهكره والهجي على قولتك يحلف بكل شي جذب عشان الدينار عباد بيزه والله قبل فتره خذينا سياره ونفس الاوصاف الي تقولها يحلف براس ولده انها نظيفه ومسك راس ولده وخذيناها على الحلف لان مثل ماتفضلت ملمعينها وتالي طلعت السياره مقصوصه قص وطبعا الفلم الي دايما يقولونه عشان اخواني ياخذون الحذر والله الوالد شرى لي هالسياره ومالي خاطر فيها بغيرها وابي اروح ادرس بره ماستعملتها كلش ونسوا قول الرسول صلى الله عليه وسلم من غشنا ليس منا

 

[Kaubar]

يشباب انا شكو بصاحب السيارة اذا خكري والا هكري حضري والا بدوي

انا اعرف ولد عز مايحب يمشي الا على الرصيف ههههههههها

يبدل سيارته كل سنه وسنتين والله يعين اللي يشترون سياراته من بعده الميزه الحلوه اللي

فيه انه مايبيع سيارته يثمنها على طول يعني الوكاله هي اللي تبيعها على الناس

أستعمال مدراء ههههههههههههههههههههههههههههههها


نصيحه ذهبيه ذهبيه

لا تشتري سياره اذا كانت مستعمله الا من صاحبها اللي طلعها من الوكاله وكل ماكان صاحب

السيارة فقير يكون افضل

لا تشتري سياره طاف عليها أكثر من ثلاث سنوات

أفحص السيارة أفحص السياره ولا تستبخل

وأولا وأخيرا توكل على الله

 

[sds2]

صبحكم الله بالخير...
شدني الموضوع وحبيت ادلي بدلوي من واقع تجربه...
قبل اربع سنوات تقريبا كنت ابحث عن بي ام ووجدت السياره
واتصلت علي صاحبها وتواعدت وياه حتي اشوف الموتر ...
المهم قلت وين اشوفك قال بضاحيه عبدالله السالم الموتر موجود قلت وين
بالضبط قال عند صاله الهاجري ...المهم جاني وكان علي رنج والولد طويل واحمر قلت ولد نعم الله يستر عليه عندنا وعندهم خير...
قلت وين الموتر قال عارضه قدام البيت علي الشارع...ماشاء الله
عايش الفلم صح رحت وشفت الموتر وقال هذا حق المره ونظيف جدا طلع الموتر مصبوغ والخرير تحت ماله والي وطلع اخينا ماهو كويتي وووووو
من جنسيه عربيه وعنده تريلات ...شفتوا شلون يعرضون سيارتهم
ويتعايشون مع الوضع...........وسلامتكم واسمحولي علي الاطاله

 

[AL-AMIR]

الله ينتقم من النصابين الحرااميه

 

[طاطا]

الله ينتقم من النصابين الحرااميه

لا ذمة ولا ضمير اهم شيء عندهم الكويتي .... يستانسون بالنصب علية
فيهم الحقد والخل ... هالخكرة والمعيدات ​

 

[صاحبة ذوق]

احمد ربك انك ما دفعت عربون وراح عليك

مشكور على التنبيه

 

[مروان1972]

الله يحمينا ويبعدهم عنا خربو الديره

 

[Maxima]

آخذ من الوكالة غالي ولا آخذ من هالحراميه النصابين

 

[صقرالبحر]

اللحين قاعدين يعرضون سياراتهم
في مناطق الديره داخل وفي الزهراء
والشهداء وحطين جدام البيوت
علشان تتوهم ان السياره صاحبها
من اهل المنطقه ساكن واذا دقيت تساله
عن السياره قال هاي وين صايره ؟ عارض اكثر
من سياره الحبيب هههه
زين تسوي الحكومه يوم ماتجنسهم هالعرقرق

 

[sound blaster]

للتَوضيح تَرى حتّى المَصرييّن والهَنادوة شغّلوهم بالدلاله والحَرمنه

المَصري عَذره يبي يَسافر وإنتهت إقامته .. والهندي يقول سيارة مال بابا نززززززززززززيف نزززززززززززيف


للعَلم : حراج السيّارات غير قانوني .. وجميع من يَعمل به مخالفين للإقامه ..

وكل أوراق المُبايعه التي تتم بين البائع والشاري .. غير رسميه .. ومزوّره

وللأسف الكل يَطالع وساكت .. ومنّا إلى الجهات المَسؤله ..
هذا إذا إذا إذا سمعوا كَلامنا ..

 

[sarheed]

من نقاشكم حبيت اشارك معاكم:

1. كان في موضوع في المنتدى يتكلم عن الغش بالفحص حتى عند الرمال الذهبيه ومحلات اخرى يعني حتى اللي مسوين نفسهم بيفحصون السياره علشان نشتريها مرتاحين طلعوا نصابين وايد من الاخوان حطوا قصص عن الفحص تخليك ما تدري منو تصدق

2. وايد من الشباب تكلموا عن الشراء من الوكالة واحب اقول لهم ان الكويتين اغلبهم مديونين وعليهم اقساط ووايد منهم منضمين لصندوق المعسرين يعني ما يقدرون يشترون من الوكالة السعر غالي عليهم والله يعين الجميع

3. صارلي اكثر من 6 شهور ادور سياره زينه حق ولدي واتبعت نصيحة الشباب ادور عند الاهل والاصدقاء ولكن لليوم ماكو شي يعني يبيلي 5 سنوات لين واحد يفكر يبيع سيارته

الله يعينا اجمعين ويفكنا النصابين

 

[normal141]

حسبي الله عليهم ما يخفون الله
يا الربع الحين الشريطيه طايحين يخلون الهندي يدخل السياره الحراج ويعطونه خمس دنانير اذا انباعت السياره وتسال الهندي يقولك هذي سياره ماما دير بالكم منهم حسبي الله عليهم علمو الهنود والبنغاليه النصب