مهم عمليه نصب مهم مهم

[الكدادي]

السلام عليكم - شفتلي برادو 2007 ذهبي بكويت كار ماشي 32000 كيلو السعر 7200 دينار دقيت علي صاحبها قالي السياره للاهل وعلي ايدنا من الوكاله وشرط الفحص قلتله تعالي الفحيحيل خلني افحص السياره وتوقفها عندي بالبيت واعطيك عربون وبكره تحول تعذر بعذر غير مقنع وقالي انت تعال زين وين ساكن قالي قرطبه توكلنا علي الله وانا بالطريق دقيت قالي لاجيني البيت لاني مابي جاري يدري بعيت السياره واذا قربت المنطقه الرابعه كلمني شوفو شجاب المنطقه الرابعه عند قرطبه بس قلت احسن النيه وطبعا الرجال اكلمني احضري علشان تظبط العمليه لين الهكره اسهل لهم اللهجه الحضريه من البدويه مع احترامي لاخواني الحضر واختار المنطقه لانها منطقه راقيه وقريبه من الديره والكل اظن عايله غنيه وسياراتها واجد والممشي مقبول وطبعنا جيب وعند حضري اكيد مانزل بر وصلنا الديره دقيت عليه قالي اخوي مع عالئته طالع فيها سوق الافنيوز وراح يدق عليك وانا اسمحلي طالع الشاليه اتعرف اليوم اجازه عايش الوضع ام الهجي طبعا الشاليه عنده حراج السيارات دق اخوه طبعا مس كول شوفو اخواني ساكن قرطبه وماعنده رصيد دقيت وواعدني بباركن كارفور من صوب الصناعيه وصلت وقسم بالله يااخوان اول ماشفته قلت حق صاحبي وجه وجه الكاولي اسيمر واذانيه هطل طبعا السياره ملمعه صح اللي يشوفها ياخذها بدون فحص وهذا هدفهم قلته خلنا نزرق للرمال الذهبيه نفحص قال لا الاهل معاي عطوني نص ساعه اوديهم البيت واكلمكم - قلنا اروح نقعد بكفي علي ماتوديهم بعد نص ساعه دق قال انا اسف العيال من زمان ماطلعتهم واطلعو قاصين تذاكر سينما وخلها بكره طبعن انا علي طول لكشت رقم السياره وسجلته عندي طبعن هم يختارون الافنيوز لان مكاتبهم بالري وصلت البيت شيكت بطريقتي الخاصه علي رقم البرادو طلع ام الهجي باسمه 10 سيارات ومنها 6 برادوات طبعا عرفت الغبنده جاء بكره دقيت علي اخوه حسب مايدعي الهكري الكبير قلتله بجيك افحص البرادو قال اتعرف اليوم جمعه ازوارة الاهل خل موعنا الساعه 7 مساء الظاهر ام الهجي متاثر مسسلل زوارة خميس طبعا الزوارة عنده حراج السيارات هههههههههه الساعه 7 دقيت وهذا وجه ام الهجي مارد - العبره يا اخوان لا صدقون احد والواحد فيكم اذا بيشتري بيدفع الاف الدنانير لا جعصونها عند 30 دينار فحص احسن ماتخسرون ضعفها 20 مره ولا صدقون احد لان عيال الحرام ماخلو شي شوفو شلنون غير السكن من الصليبيه الي قرطبه واللهجه من عراقيه الي اكويتيه هذا كله علشان الواحد يقول خلني اخذ السياره قبل لا احد ياخذها وبعدين تدبس خوش دبسه --- وهذا رقمه هو واخوه ؟؟558826 -- ؟؟978789 اللهم بلغت اللهم فاشهد وسامحوني علي الاطاله

 

[بو متعب]

الحين انت الله يهداك كاشفهم ودقدق عليهم انت الغلطان خله يولي
على فكرة بكل مكان منتشرين النصابين وبكل الجنسيات والملل الحذر واجب

 

[الغاربي]

جزاك الله الف خير نبهتني على هالاشكال

 

[مدقق]

فكك الله منهم كان ابتلشت وياهم اي والله اكثروا الهكره النصابيين

 

[الاستشاري مشاري]

هههههههههه عايشــين الـــــدور هو واخوه

 

[و111حد]

حسبى الله عليهم همهم الدنيا بس
لاتحاتى الله ماراح يوفقهم
شدعوة فبيعتها بيبنى عمارة المبلغ ما يقارن فى الذنب الى بيشيله ويحطة فى ذمته
الله يهديهم بس

 

[بوسعد@]

ذكرتني بموقف امس بالحراج واحد داق الشنب ربع ولابس غتره مقاس 36واصله لي أكتوفه والعقال الضعيف اللي أمبطل من قدام شوي ولابس نظارات طبيه يعني ولد بطنها هههههههههه جايب سياره ويحلف مالت البيت ولا والدلال عايش الدور يصارخ عليه يعني مايعرفه ويقوله بييييييييييييييييع وأهو يحلف انها مالت البيت ونظيفه من الوكاله على ايدي...واندبس فيها ابو يمن وبعد ماباعها قال للدلال خوش بيعه هههههههه وراح وجاب السياره الثانيه وعرضها ونفس الموال .... فا ياشباب لحد ينخدع بالمضاهر

 

[al-badi]

مره قلت ابي اتاجر بالسيارات ولعنت هالتجاره من اللي شفته من نصب وحرام الحراج كلهم حراااااميه وانا اعرفهم واحد وااحد من اقذر شريطي لي الرياحي الكنج مالهم طبعا ابو المواتر الكشخه واللسان العطر اللي يعرفه راح يفهم -- ديرو بالكم لا تروحون الحراج وتقولون صيده وارخص لا استريحوووو في بيوتكم ودفعووو اكثر بس وخروا عن النصب ترا في مصريين وسوريين وحريم شريطيه خلونا نسوي مقاطعه على الحراج والنصب ابرك من مقاطعة الدنمارك لوووول -- والحلو اللي في الحراج اول ما تدخل اللي يلحقونك ركض والله يخرعون -- الله يبعد عنا وعنكم الحرام

 

[طاطا]

شتوقع من خكري ..... اكيد نصاب وبلا ذمة .
ونصيحة ديروا بالكم منهم ...... حرامية ياكلون مال اليتـــــيم .
ويفرحون اذا نصبوا علي الكويتي .... يستانسون ... فيهم حقد وخل علي الكويتيين .
من اشكالهم وكلامهم تعرفهم ....... خكرة الله لا يوفقهم دنيا وآآآخرة .​

 

[فهاد11]

السلام عليكم - شفتلي برادو 2007 ذهبي بكويت كار ماشي 32000 كيلو السعر 7200 دينار دقيت علي صاحبها قالي السياره للاهل وعلي ايدنا من الوكاله وشرط الفحص قلتله تعالي الفحيحيل خلني افحص السياره وتوقفها عندي بالبيت واعطيك عربون وبكره تحول تعذر بعذر غير مقنع وقالي انت تعال زين وين ساكن قالي قرطبه توكلنا علي الله وانا بالطريق دقيت قالي لاجيني البيت لاني مابي جاري يدري بعيت السياره واذا قربت المنطقه الرابعه كلمني شوفو شجاب المنطقه الرابعه عند قرطبه بس قلت احسن النيه وطبعا الرجال اكلمني احضري علشان تظبط العمليه لين الهكره اسهل لهم اللهجه الحضريه من البدويه مع احترامي لاخواني الحضر واختار المنطقه لانها منطقه راقيه وقريبه من الديره والكل اظن عايله غنيه وسياراتها واجد والممشي مقبول وطبعنا جيب وعند حضري اكيد مانزل بر وصلنا الديره دقيت عليه قالي اخوي مع عالئته طالع فيها سوق الافنيوز وراح يدق عليك وانا اسمحلي طالع الشاليه اتعرف اليوم اجازه عايش الوضع ام الهجي طبعا الشاليه عنده حراج السيارات دق اخوه طبعا مس كول شوفو اخواني ساكن قرطبه وماعنده رصيد دقيت وواعدني بباركن كارفور من صوب الصناعيه وصلت وقسم بالله يااخوان اول ماشفته قلت حق صاحبي وجه وجه الكاولي اسيمر واذانيه هطل طبعا السياره ملمعه صح اللي يشوفها ياخذها بدون فحص وهذا هدفهم قلته خلنا نزرق للرمال الذهبيه نفحص قال لا الاهل معاي عطوني نص ساعه اوديهم البيت واكلمكم - قلنا اروح نقعد بكفي علي ماتوديهم بعد نص ساعه دق قال انا اسف العيال من زمان ماطلعتهم واطلعو قاصين تذاكر سينما وخلها بكره طبعن انا علي طول لكشت رقم السياره وسجلته عندي طبعن هم يختارون الافنيوز لان مكاتبهم بالري وصلت البيت شيكت بطريقتي الخاصه علي رقم البرادو طلع ام الهجي باسمه 10 سيارات ومنها 6 برادوات طبعا عرفت الغبنده جاء بكره دقيت علي اخوه حسب مايدعي الهكري الكبير قلتله بجيك افحص البرادو قال اتعرف اليوم جمعه ازوارة الاهل خل موعنا الساعه 7 مساء الظاهر ام الهجي متاثر مسسلل زوارة خميس طبعا الزوارة عنده حراج السيارات هههههههههه الساعه 7 دقيت وهذا وجه ام الهجي مارد - العبره يا اخوان لا صدقون احد والواحد فيكم اذا بيشتري بيدفع الاف الدنانير لا جعصونها عند 30 دينار فحص احسن ماتخسرون ضعفها 20 مره ولا صدقون احد لان عيال الحرام ماخلو شي شوفو شلنون غير السكن من الصليبيه الي قرطبه واللهجه من عراقيه الي اكويتيه هذا كله علشان الواحد يقول خلني اخذ السياره قبل لا احد ياخذها وبعدين تدبس خوش دبسه --- وهذا رقمه هو واخوه ؟؟558826 -- ؟؟978789 اللهم بلغت اللهم فاشهد وسامحوني علي الاطاله

الله يجزاك خير ونا صار لي نفس موضوعك قبل فترة بخصوص bmw لقيتها نظيفة وماشية سبعين الف موديلها 97 740 اي ال قلت حلوة حق الاستعمال دقيت علية وقال لي هذي سيارة الوالدة من توفت والسيارة واقفة وانا ساكن المنصورية تعالي واروح المنصورية ويواعدني عند روضة ويوم شفت السيارة الا تقول ماشية 300 الف ومنزل عدادها وسيارة رايحة فيها من منظر وصوت المكينة ومبين شكل الهكري حسب الله علية على باله الناس اغبياء ديرو بالكم منتشرين بكثرة ها الايام والله يستر من الخطط اللي راح يسونها في المستقبل.

 

[بريق^^^الماس]

سلمكم الله كنت ادور لكزس 430 2006
صدفى المهم لقيته صوب الساير الموتر
حيل عجبنى .... حطيت رقمى على السيارة
اذا للبيع الرجاء الاتصال واذا مالك نيه الله يباركلك فيها
ساعه جذى ويدق الا معاااك ابو عبداللطيف السيارة هذى
جديده ياولوة مالت الدكتور مدرى شسمه ؟؟؟ وابو عقاد
سوالى فلم ... ابو عرقه على باله تمر على هالسوالف
هذى المهم واعدته عند سينما صلبيخات الا ابو الشباب
مفرع وداق الزرار ويسولف حق رفيجه يقول حمد المطر
شرالو بنز قيرها مثل الدرج ................ ويرد عليه الكاولى
يقوله الله دخليك ..........المهم نرجع لصلب الموضوع
...................... قلت بقلبى ابو عرقة ولكزس
مايركب .... السيارة حلوة بس مصبوغه بالكامل قلت ليش
صبغتها بالكامل ... قالى ياولو كنت بعورس بالروضة وزلغولى
السيارة .......... قلت بقلبى الكاولى راح عرس بصلبية ويقول
الروضة ................................

المهم عطانى السيارة ب 8000 مع انها بالسوق تسوى 10000
9500 لا ويقولى انا جايبلك ورقه الفحص علشان ماتتعب قلت
ابى افحص مرة ثانيه ...........................

حط رجله حمد المطر .............. على فكرة ابو عقاد الكواولة هذول
لو بلاش لاتاخذ منهم نصيحة ...............
لا واذا اسمه مثلا خالد فلاح يحط الام يصير الاسم كشخه خالد الفلاح
ربى رحمتك وعفوككككككككككككككككككككككككككككككككككككككك

الله يستر عليكم من شر حمد المطر وربعه​

 

[بوحمود1]

يااخوان نصيحه اخو ( افحص السيارة حتى لو ماخذها من اخوك ) 35 دينار تفحص السيارة من الى

والمواقف يااخوان كثيرة بسبب عدم الفحص وحسن النيه والله يحفظنا وياكم من اكل اموال الناس بالحرام

 

[ورود وملايين]

جزاكم الله خير على سرد تجاربكم

 

[السوق توافيق]

اسهل طريقه تكشفهم فيها اول ما تشوفه اطلب هويته ،،،، ضايعه ،،،،،، ليسن ،،،، هوية عمل ،،،، ضايعه قوله اقلب وجهك يكرم القارئ منهم .

 

[باحث الانترنت]

مشكور ياصاحب الموضوع

نعم الشباب للاسف يقلدون اخوانا الحضر لسهولة النطق وحصلت معاى امور تقريبا مشابهه لك

المهم انا رجال ماحب الجذب عندى ارفع سعر السياره قول انها مدعومه وبر ذمتك اشترى بس

تجذب على اتخذ الاجرائات اقانونيه وانا حذر ياخوك بحكم تعاملى الكثير معهم فى البيع والشراء

ونصيحه يا اخوان اذا جاك واحد بدون ارفع السعر عليه من 1500 الى 2000 مع احترامى لهم

ما انكر ان فيهم رياجيل وانا عندى شخص شريطى اعرفه صارلى موقف مع بدون لاكن البدون هذا

محترم واهوا قالى بنفسه انا اعرف لربعى وفعلا خللى المشكله وصارت عكسيه على اللى كانو

بيغشوني ولله الحمد هذا بفضل الله ثم دعاء الوالده لى

اسف على الاطاله

ويسمحولى الاخوه البدون فيكم رجال محترمن لاكن الفئه هذى ابلشتنا

 

[الفراس]

المصيبه انهم بدوا يتسللون للمؤشر نت ومزاد الكويت

خربوا حراج السيارات .. وبيخربون النت بعد

 

[hamad.]

آنا عندي موضوع صارلي قبل 3 أيام قريب من موضوعك

شفتلي سيارة Q8 car فورد عنابي من داخل بيج موديل 2010 كاتب طالع من الوكالة شهر 8
المهم دقيت عليه أسأله عن السيارة قالي السيارة وكالة وماشية 6000 كم وعلى ايدي من الوكالة ومحتاج فلوس في بيعتها وقام يمدحها إنها جديييييدة وإذا فيها شي الفحص عليه....

واعدته عشان أشوف السيارة عند الرمال الذهبية قالي آنا شوي مشغول ويلف ويدور بروح أحول خدامة وبودي العيال لما حشرته يعني تمثيلية انه موشريطي نصاب.(أول كذبة)عموما ياني بعدين الرمال الذهبية وقبلها تأخر علي بحجة اني بالافنيوز واهو قاعد عند ربعه بالمكاتب بالري عباله اني غشيم ولما وصل ابتعد عن السيارة وسوا نفسه انه يتكلم بالتلفون وخلاني بروحي، طلعت دفتر السيارة لقيتها محوله تاريخ 7/10/2010 فناديته قلتله انته صارلك أسبوع محولها وتقول من شهر 8 طبعا هذا بعد ما دفعت فلوس الفحص المهم تبلعم وقالي لأ السيارة باسم نسيبي وآنا كان علي مخالفات وتوني حولتها (ثاني كذبة).
بعدها فتحت أوراق الوكالة لقيت السيارة ماخذها شهر 7 مو 8 سألته قال عادي مافرقت وبعدسن أخوي ونسيبي اهم اللي اختارولي اللون وطلعوها من الوكالة وآنا كنت مسافر !!!! طلع جواز ما عنده (ثاني كذبة).
شفت أوراق السيرفس من شهر 8 مسوي سيرفس كانت السيارة ماشية 6000 يعني من شهر 8 الى شهر 15/10 معقولة السيارة مامشت غير 200 كيلو سألته عليها قال ما أطلع عليها (ثالث كذبه)
دخلت السيارة الفحص طبعا طول الوقت اهو متخشش عشان ما أسأله بشي تخيلوا أروح أدور عليه عشان أسأله الأسئلة السابقة وبعدها يقب بحجة الصلاه أو الحمام.

طلعت السيارة من الفحص وانصدمت انها مدعومة ومبدل الباب هذا أولها وطلع صوت بالماكينه سألته شنو قال مادري السيارة مكفولة اخذها وروح اسأل الوكالة وما كملت الفحص الباجي وأول ما قالوله الرمال سوى نفسه مصدوم وانه توه يدري وانه بيرفع دعوه على الوكالة طبعا كل هذا عشان ما يدفع فلوس الفحص 15 دينار وآنا من أول مو هامتني لأني أدري انه مايدفع.

عموما قبل لا يمشي قالي نص ساعة وأدق عليك وهذا وجه الضيف.

سألت بعدين بعض الشباب اللي يشتغلون بالسيارات عن صاحب دفتر السيارة قالولي دير بالك منه نصااااااااااب.

نسيت أقول أول ما ياني طلع صغير بالعمر ومبهذل ومبين أحد معطيه 10 دنانير قايله روح مشها عليه.

نحن لا نمنع البيع والشراء وتجارة السيارت ولكن لازم يكون عند الانسان ضمير ويبتعد عن الغش.

السيارة حالياً معروضة بمكاتب الري وبموقع Q8 car والسيارة ماخذينا من التأمين مصلحينها ويدعون انها جديدة وعلى ايدهم النصابين الحرامية...

 

[mfa2202200]

أخوناي ليش ما تشتكون عليهم بالمخفر وتسجلون عليهم قضية علشان يتوبون من حركاتهم وخصوصاً لما يلاحقونهم المباحث ( انا ادري ان المبلغ مو كبير او ما يسوى لكن لازم يوقفون عند حدهم ) *
وشكرا

 

[B-A-1983-A-B]

ههههههه الشباب ماخلو شي شلخو الاولي والتالي ،،، انا استغرب سيارة 2010 مدعوه متى استعملها عشان يسوي حوادث عليها بس على قولتهم قضاء وقدر وكل شي من رب العالمين ،،،، الحمد لله انك كشفتة بس ليش انحد على غش ؟؟
اخوي انا عندي فورد 2000 اسود بيج فول اوبشن مصبوغ واجهه امامية ابي فية 1200 فيها شي؟؟
شالمشكلة لما اقول حالت السيارة وافك عمري من دوخت الراس ودعاوي الناس خو اقصاها جم دينار الي بربحة لا وابشرك فلوسها طايح حظهم مافيهم خير مادري ليش تقول الله مو مبارك بالتجارة هذي ،،، عالعموم انا ابيع واشتري في سيارات اخذهم حديد سكراب وابيعهم على الشاري هم حديد سكراب اشرط علية قبل مايوصل عند باب بيتي وفي مواتر انا اكون فاحصهم واعطي عليهم فحص بس انتو الكل يدري الرمال لو توديلة موتر نظيف يطلعة لك زبالة خصوصا المكينة والجير طبعا سالفة نتلة بالجير هذي لازم يحطة لك لو سيارتك 2008 !!
وسوالف التصفية وزنجير الصدر ينحش المشتري مولية هههههههه مع العلم هذي شغلات سيرفس مو عيب شرعي بالسيارة ولكن ماتقدر تغصب الشاري على شي مايبية ،،، الزبدة الي تعرفة عن السيارة قولة قبل البيع و تاليتها اشرط له الفحص اذا انا يالبايع كنت فاحصها وعقب مايفحص اعجبتة السيارة علية بالعافية ماعجبتة الوية من الوية ابيض سلام عليكم وعليكم السلام وخلصنا ........ بعد اقعد الصق بالسيارة واسويها سيارة الوزير الفلان بس عشان اربح 100 دينار زيادة واكل عقبها دعوه عند الله خبرها شالله حادني!!!
بالتوفيق للجميع شباب ....... السوق توقع منه كل شي وادعي الله يفكني من هالشغلة اليوم قبل باجر ولكن منحد عليها لان عوار الراس وايد فيها وكثر ماتسوي ماتقدر ترضي احد بالبيع حتى وانت صادق معاه

 

[bioeng_2003]

الله يستر على عيال الناس ويبعد عنهم عيال الحرام