أسامح .. بس ما أنسى !!

[قلم حر]

بخير ويسرك الحال يالامير

...
يعني مثلا انسرق من سيارتك هالمبلغ والجيران امسكوا هذا الحرامي وطلع هذا الشخص صاد من الناس .. قالولك ياابو عبد الله
نوديه المخفر . قلت لا انا مسامحة .. لكن بنفس الوقت انت مو ناسي
هالموقف وتذكره كل ماشفت هذا الشخص

..


طيب مثال ثاني . صارت مع واحد من الربع قبل. شخص من رواد ديوانيتك واعدك انه يكفلك ابمبلغ لكن باليوم الثاني طنش الموعد ورجع بعد اسبوع وبعد ماظبطت امورك واعتذر وقالك انشغلت او اي شي ... وانت سامحته وشيمتك امنعتك انك تطرده من ديوانيتك. لكن بنفس الوقت شايل هالموقف بقلبك بمعنى لو اطلبك شي او فزعه بتعتذر له لانه من وجهة نظرك مو كفو والسبب موقفه القديم معاك ..

وسلامتك ..

ابو عبد الله في اشياء واضحة لو جيت تشرحهها اتضيعها ^_^
لكن اتمنى اني توفقت بالشرح ..

بو جاسم ما ابي اتعبك لانه الموضوع محتاج نقاش طويل

بالنسبه للمثال الاول اللي سامحته وما نسيت الموقف

طيب اشلون انسى الموقف ؟

تعتقد بكيفي انسى ؟

النسيان ماله علاقه بالمسامحه النسيان مسح سابقه اثرها ضعيف

مهما اختلف وصفها وحالها

بو جاسم اكتب وانا مغمض لما اصحى باجر اقولك النقاش معاك ممتع​

 

[MOHAMMED11]

بو جاسم ما ابي اتعبك لانه الموضوع محتاج نقاش طويل

بالنسبه للمثال الاول اللي سامحته وما نسيت الموقف

طيب اشلون انسى الموقف ؟

تعتقد بكيفي انسى ؟

النسيان ماله علاقه بالمسامحه النسيان مسح سابقه اثرها ضعيف

مهما اختلف وصفها وحالها

بو جاسم اكتب وانا مغمض لما اصحى باجر اقولك النقاش معاك ممتع​

ابو عبد الله باختصار

المسامحة والنسيان معا . دائما يكون مع الاحباب والاقراب ممّن تعتقد انّ معدنهم طيب وقولوبهم طيبه وانفسهم وارواحهم زكية .. تسامحهم على الزلة وتنساها لهم . لان الروح مرتاحة للروح ..




والمسامحة مع عدم النسيان . دايما تكون من شيمة الشخص نفسه وغالبا تكون مع من تعتقد أنه خبيث ونفسه رديّة . لكن شيمتك ماتسمح لك تعاقبه
. ترفعا او طلبا للأجر الخ الخ لذلك تسامحة وبنفس الوقت تذكر موقفه .لان الروح اجزعت و ( كشّت ) من هالروح


نوم العافية ياابو عبد الله وتقبل الله طاعتك وعمره مقبوله ان شاء الله

توني قريت انك راجع من عمره ..

 

[العاشق]

شنو علاقة النسيان بالمسامحه ؟

اشلون اسامح وما انسى ؟

الصراحه ماني فاهم المقصود بالنسيان هنيه !


يصير واحد ينسى وما يسامح ؟


شكرا يالانيقه​

قلموه ماي زمزم مسوي عمايل معاك ​

 

[السيدةالانيقة]

[url=http://www.0zz0.com] [/URL]
​