اقفالات اليوم ملف الاكسل

[B_R_G]

اخوي كيو ايت ..
اولا : الله يجزاك خير على اعمالك الجبـاره
ثانيا : انا لاحظت ان اعلى سهم (للمخازن) في الميتاستوك كان واصل 4 دنانير واشوي.. مع العلم انه هالسنه وصل 7 او حولها تقريبا ..
مادري الخلل من وين بالضبط

 

[Q8 Stock]

السلام عليكم

حتى شارت الهواتف شوف كم واصل
حاط معلومات غلط ابي اخسرك
صحيح كلامك اخوي
السهم وصل الى 6.650 تقريبا
بعد التفسيخ وصل الى 4 وشوي
وبجذي بكون عندنا فجوه كبيره
هذي طريقة في تعديل الشارت
بعمل حسبه وتعديل الشارت
وهذا تعديل شامل كل الاسهم اللي تفسخت
مثل هواتف و الامان و الصفوة ( رعد )
كذا سهم تقريبا

ان شاء الله
اوضحت لك المسأله
اذا تبي تتأكد افتح التكرشارت
وشوف شارت المخازن
بتلاقي حاط لك سهم احمر على التعديل

 

[ChuCky]

بس التيكرشارت مو امعدل سهم المتميز وسهم المال والهواتف ! بس امعدل سهم القابضة المصرية !

 

[Q8 Stock]

السلام عليكم

عزيزي شيكي
التكر شارت فيه بيانات كثيره خاطئه
مو مشكله في تعديل الشارت بعد التوزيع او التفسيخ
شوف هذا الموضوع
http://www.indexsignal.com/vb/showthread.php?t=37201

فيه بيانات خاطئه بتوهقك اذا راح تعتمد عليه
سواء بالافتتاح او الاغلاق ,,!!

 

[Q8 Stock]

السلام عليكم

اقفالات السبت
24/12

 

[B_R_G]

ألف شكر مراقبنا ..

وصلت المعلومه ..
صاير تعديل اسعار

وألف شكر ثانيه على الاقفالات اليومية
عساك ان شاء الله تاخذ أجر يومي عند ربـّك يعادل كثر (( القيمة السوقية لجميع أسهم بورصات العالم ))

 

[ابوعبدالله لابتوب]

السلام عليكم

الله يعافيكم اخواني




اخوي وعبدالله
اخجلتني بكلامك
وهذا من طيب اصلك
الله يجزاك خير على الكلام الطيب
والله يوفقك ويرزقك

بخصوص الملف مافهمة قصدك بالضبط
الملف مضبوط ان شاء الله
لانه يستخدم مباشر بالميتاستوك
انت شنو تامر فيه
وان شاء الله
اقدر اوفره لك بأسرع وقت
ممكن توضح اكثر

اخي وعزيزي انا سؤالي بالنسبه للشركات بالميتا ستوك ترتيبهم راح تلاقي البنوك تحت والتأمين مخربط والأستثمار الشركات ترتيبها مو نفس ترتيب البورصه مثال البنك الوطني اول شي بعده الخليج بعده التجاري والعقاري والتمويل بعده الكويتيه والتسهيلات وايفا بالشكل هذا لكن اللي بالملف الترتيب مختلف انشالله اوضحت الفكره هل تستطيعون ترتيبهم مثل ماهو موجود بالبورصه

 

[Q8 Stock]

السلام عليكم

الله يجزاك خير B_R_G
وحياك الله


اهااااا
مسألت الترتيب هي مسألت الاحرف A B C
عرفت شلون اخوي
لانه الرموز مرتبه على الاحرف
ليش ما تسوي جدول برنامج وورد W
جدول فيه اسامي الشركات + رموزها بالانجليزي
وتسوي لهم طباعه Print
علشان اذا تبي شركه محدده تكتب رمزها
وراح يفتح الشارت الشركه على طول
هذا الطريقه اللي اتبعها علشان اشوف الشركات
بصوره سريعه

 

[Q8 Stock]

اخوي بوعبدالله
هذا ملف ورد في الشركه ورمزها ورقمها
تقدر تستفيد من الرمز للشركه
اطبع الجدول
وشوف شلون تصير طريقة الانتقال من شركه الى شركه
بكل سهول فقط اكتب الرمز

في كذا شريكه مو موجوده
حاول تشوف شنو اللي ناقص

 

[بوشهري]

اخوي ستوك الله لا يهينك

حصلت على ملف اخر افقالات الى تاريخ 30-11

بس مشكلتي ما اعرف شلون احدث البيانات بعد ما افتحه من الوين زيب .. لانه فيه وايد ملفات مو على طريقة اكسل

 

[Q8 Stock]

السلام عليكم

عزيزي بوشهري
بعد فك الضغط على ملف الداتا للشركات
1- تفتح برنامج داون لودر
2- تروح على ايقونة الملفين المشار اليها بالرقم ( 1 )
قبل لا تروح حق Browse المشار لها بالرقم ( 2 )
تروح حق File type وتختار نوع الملف Excel
بعددين نروح حق Browse
ونشوف ملف الاقفالات وين موجود
علشان نقدر انحدث البياانات
شوف هذي الصوره
http://www.indexsignal.com/vb/attachment.php?attachmentid=16673&stc=1&d=1115122902

3- قبل لا نضغط OK
لازم انوجه ملف الاكسل انه يحدث البيانات اللي بملف الداتا
ملف الداتا اسمه stock
نخليه على سطح المكتبه
File type نختار لها MetaStock
ونروح حق Browse
ونختار ملف الداتا stock اللي حطيناه على سطح المكتبه
كما توضح هذي الصوره
http://www.indexsignal.com/vb/attachment.php?attachmentid=16674&stc=1&d=1115123427


4- الخطوه الاخيره نضغط على OK
راح يحدث عندك البيانات
وكون الناتج مثل الصوره
http://www.indexsignal.com/vb/attachment.php?attachmentid=16678&stc=1&d=1115124633


ملاحظه : عند تحديث ملف الاكسل

لاتقوم بمشاهدة محتواه اثناء عملية التحديثه
راح يصير فيه خطأ عند التحديث
لازم يكون مغلق الملف


ان شاء الله
قدرت اوضح لك اخوي بوشهري
واي مشكله
انا حاضر باللي اقدر عليه

 

[Q8 Stock]

السلام عليكم

اقفالات الاحد
25/12



تم تعديل الاخطاء

 

[B.B.C]

جزاك الله خيرا

 

[الريان]

ابو على الاقفالات يوجد فيها اخطاء بالنسبة للاقفال فقط الظاهر انك ماخذه بدري

 

[Q8 Stock]

ابو على الاقفالات يوجد فيها اخطاء بالنسبة للاقفال فقط الظاهر انك ماخذه بدري

السلام عليكم

جزاك الله خير على التنبيه بوريم
وعدلت الملف

مو مني والله من المصدر

 

[Bo_Rashed1]

مشكووور بو علي والله يجزاك خير .... ومشكور يا بو ريـــم على الملاحظه.

 

[B_R_G]

جزاك الله خير الريان على التنبيه
والله يعطيك العافيه ستوك على هذا المجهود ..

الحين انا نزلت الملف بعد التعديل ((حفيتي)) .. يعني المعدّل هذا هو التمام ؟

 

[Q8 Stock]

جزاك الله خير الريان على التنبيه
والله يعطيك العافيه ستوك على هذا المجهود ..

الحين انا نزلت الملف بعد التعديل ((حفيتي)) .. يعني المعدّل هذا هو التمام ؟

إن شاء الله
الملف مافيه اي أخطاء
وإذا في أخطاء الله لا يقول
راح يكون في تنبيه
وحياك الله


حياك الله بوراشد
والله يجزي الجميع

 

[ابوعبدالله لابتوب]

كويتي ستوك

مشكور والله يجزاك خير بس فيه شي حبيت اقوله لك انت تريد وانا اريد ودع الله يفعل مايريد وفيه مثل ثاني يقول تجري الرياح بما بما لا تشتهي السفن

 

[Q8 Stock]

مشكور والله يجزاك خير بس فيه شي حبيت اقوله لك انت تريد وانا اريد ودع الله يفعل مايريد وفيه مثل ثاني يقول تجري الرياح بما بما لا تشتهي السفن

السلام عليكم


الاختلاف بالرأي لا يفسد للود قضيه


اللي نزل ملف امس قبل الساعه 3
يرجع وينزله مره ثانيه
لانه في اخطاء بالاقفالات
وتم تعديله


اقفالات الاثنين
26/12/2005

لا تنسوا تغيرون
شركة العراق القابضه - عراض قابضة



تم تعديل الملف 3:35