وينكم يا اهل بنك بوبيان

[فارس العنزي]

شباب أبي السعر العادل للسهم الحين أبي أشتريه من شخص ثقة وأبي السعر الحين ، بكم أشتريه ، ومشكورين

 

[شخص ما]

اعزائي


جميع من اثرا الموضوع لكم كل الشكر

ولو فيه واحد زعلني بس ما عليه ( اتغشمر)

البنك مستقبل حلو بس عنده تكاليف خل يعديها بعدين يصير خير


+++++++++


فارس العنزي انا شاري ب 300

لا تقول حق احد

 

[الناسجت]

اخي الكريم الدكتور تكنو

السلام عليكم ورحمة الله .. شفت جوابك على احد الاخوان بخصوص
سعر بنك بوبيان ..قلت فيه انه واحد ثقه من مكتب في
سوق الجت قال لك ان السعر 250 فلس ..!!
اخي الدكتور احب انبه ان جميع اصحاب مكاتب سوق الجت والدلالين
اللي يشتغلون في المكاتب لي معرفة طويله معهم ..
واحب انوه انه ما في احد منهم بمستوى انه يحدد سعر قريب لسهم ذهبي
مثل بوبيان ... اغلبهم شريطيه يشترون جق تجار في مقابل
عمولة .. وحد تفكيره واللي يهمه بالدرجة الاولى انه ياخذ عمولته
اللي تقدر بدنانير زهيده .. فرجاءا قبل ان تضع سعر
في المنتدى وتقول انه من ثقه ... ارجو تقييم هذا الثقة
بكل دقه .. لان ممكن احد في المنتدى يبيع كمية كبيرة بهالسعر
مستندا على معلومتك .. الغير صحيحة ..اما ليش ذكرلك
صاحب المكتب في سشوق الجت هذا السعر بالذات 250
احب اقولك اني من كبار المتابعين لهذا السهم تماما مع ولادة فكرة
انشاء البنك من اول يوم ..الى اخر يوم اكتتاب وحتى هذا اليوم
هذا السعر هو اسوأ سعر على الاطلاق وادنى .. يشتري ويبيع الطرفين
الطرف البايع يائس محتاج مضطر .. ويبيع بأقسى الشروط
يكفي تعرف انه راح يوقع على وصل امانة على بييييياض ..
ووصل امانه وضعه القانوني اقوى من شيك حاليا يعني اللي يوقع على الوصل
واحد ذو عسرة .. واما الشاري .. فشكله اشبه شيء برجل طاعن في
السن يريد ان يتزوج بكر عذراء جميلة صغيرة في السن
ويتم الزواج لان العريس غني غني والبايع العروس مضطر
هالسالفة دائما تذكرني بافلام نجلاء فتحي المصرية
اللي تكون فيها فقيرة تضطر تتزوج من غني لانها محتاجة
وبعدين لمن تولد له يطلقها وياخذ منها الولد في المستشفى
من غير ما تشوف ولدها ...
مختصر الكلام ..اذا تمت بيعات بسعر مثل 250
هذا مو معناته انه السعر الحقيقي للسهم
انه شخصيا حضرت صفقات تمت بكميات ضخمة على سعر 400 \450
فلس والعقد كان رسمي عند المحامي بشروط وضوابط
يضمن فيها كلا الطرفين حقة اما سوق الجت
والدلالين واسعر الشريطية ... فاقول اللي يبيع سهم البنك بهذا السعر
خسران خسران ندمان ...ندم نجلاء فتحي في الفيلم المصري ولا عزاء للي باعو

 

[الميموني]

250 فلس لسهم بنك بوبيان سعر جدا بخس وماسمعت مثل هالسعر وفعلا عندي ناس باعت وناس شرت من 300 الى 400 .