اراضي النهضه والقيروان صليبخات مغموره بالمياه الجوفيه

[كويتي2]

الله يعين اللي ساكن في النهضة و القيروان وصليبيخات

نصيحة .. كل واحد يشتريله طراد .. في حالة تصير الغرقة تنطون بالطراد

والله يصبركم انشاءالله .

 

[كويت 2020]

يعنى مكانك وتقط خيطك

هذى ميزه طيبة

 

[طارق55]

السلام عليكم

اخواني الافاضل الكرام اتمني ان تأخذوا كلام اخينا كاتب الموضوع بحسن نيه .. والتشكيك بالنوايا ليست من اخلاق المسلم بارك الله فيكم كلكم ورزقكم من حيث لاتحتسبوا .. اخواني الافاضل كلام اخينا فيه من الصحه .. فوالله لاني بنيت بيت لصديق في منطقه القيروان من سنتين .. وكان جاره زاويه اشتكي من المياه وبني لها لبشه .. هذا الامر حصل امامي .. وقسيمه صاحبي مافيها ماء .. فالامر حظ وبخت والي يزور هذه المدن الجديده ( جابر الاحمد - القيروان - شمال صليبيخات ) يعرف هذا الامر .. اتوقع والعلم عند الله ان جابر والقيروان قليل مائها اما شمال صليبيخات كثيره الماء لقربها من البحر .. والي يقول دبي تبني في البحر .. يااخوي انت عندك افلوس محمد بن راشد علشان تقول هالكلام ؟؟ الواحد منا يطر الدينار طراره في البنيان والله اعلم بالحال .. عموما سلمكم الله وعافاكم ورزقكم البيت الواسع والزوجه المطيعه والدابه السريعه وهذه هي متع الدنيا كما قال على ابن ابي طالب كرم لله وجهه .. وسلامتكم

 

[صقر3]

اخوي بيوت الصليبخات والدوحه مبنيه من سنة 1970 فوق 40 سنه ماسمعت في مشكله وفي بيوت تركيب مافي مشكله حتي لو كان الماء متر واحد وعطيك معلومات في سراديب علي البحر والبعض بيته 4 ادوار شنو المشكله عندك​

 

[بو محمد 2002]

مو شرط إذا منطقة مياهها الجوفية مرتفعة تكون جارتها نفس الشي ، بالدسمة المياه الجوفية لي الراس والناس ساكنة عادي وجنبها المنصورية شبه ناشفة

 

[هاربر2]

شباب الله يهداكم انا ما قلت شي هذا انا الي اعرفه واشتغلت فيه اشفيكم اهم شي ان لازم الحكومه تشفط المياه مدى الحياه وليس مؤقت من هذه المناطق افضل واحسن للتربه و اضمن للبنيان مثل الي امسوينه في استاذ جابر حطوا فيه شفاطات للمياه الجوفيه اضم للبنيان لاهوه حسد ولاشي انا حبيت انبه بس عشان لما تبني تقول للمقاول ينتبه لهذه الناحيه لان المياه مالحه وتاكل الخرسانه والحديد حتى لو كانت الخراسنه قويه راح تاكلها بعد فتره وبالتوفيق للجميع

 

[طارق55]

والله الواحد يتجنب الدخول في هذه المناقشات لانه يطلع لك شخص يقول حاسد وماادري شنو !!

اخوي الي يقارن بيوت اول بالبنيان الحين .. بيوت اول احسن من الان بمراحل بسبب نوعيه الرمل القوي القديم الي يجيبونه من البحر .. والان ممنوع وماكو رمل البحر .. والي بني يعرف ان بالكويت الان عشره انواع من الرمل .. واحسنها رمل الصناعات ب 70 دينار للدرب .. هذا للمغسول .. عموما وهم بعد رمل البحر احسن منه ..
حتي العمال المصريين يقولون احنا في مصر مانحط عازل للحمامات مثلكم ( تكرمون ) بسبب ان الرمل عندنا احسن منكم بمراحل .. تخيل سيراميك ومافي شئ تحته ويتسبحون عادي واحنا عازل وبعض المرات يخر !!!

وانا اقولكم ليش نعالجة الارض تكلفته اكثر من الارض الي مافيها ماي ..
اولا يحتاج من الشخص انه يصرف علي قسيمته ( يمط ) معاه المبلغ الي عشرين الف .. قلت لكم في موضوع الارض السبخه مالها وماعليها .. مو من المعقول والطبيعي انه جارك يبني سهالات وانت تقط سبع الاف علي اللبشه + 5 الاف علي سحب المياه .. اعرف ناس كنسلوا الدور الثالث بسبب اللبشه .. يقول ماعندي والي يبعد عنه 50 متر الامر عنده سهالات .. لانه المكتب الهندسي و المقاول يقولكم لازم لبشه .. ولازم نسحب الماي .. شنو راح تقوله .. بيوت اهلنا في الدسمه مافيها وماأبي لبشه وخلي بيتي عايم علي الماي ؟!!!!! اتصدقون في بيوت ردمت السرداب بعد كم سنه بسبب تسريب الماي عليها وماكان عندهم التقنيه اول ليعالجونها سوو السرداب اي كلام والحين غرقتهم الماي .. الان ظهرت التقنيات الجديده .. فلازم تعالج الارض قبل البنيان لانه معالجت الارض صعبه بعدين

 

[drdor]

شزيييييييييييينها بيوت النهضه... وعليها طق اعصى مو طبيعى كلمالها وتزيد يسعرها
يعنى انسى ينزل سعرها... بصراحه النهضه والقيروانى افضل واحسن من مدينه صباح... شنو منفى! كل هالدرب عشان بيت... من صادها عشا عياله طارت البيوت بارزقها والله يهنى الى خذا فيها