ابو محمد عسى ربي يوفقك يارب
الله يجعله منزل مبارك يارب
وانا جاركم في المدينه سي 3 باللون الزيتي او البني ورقم قسيمتي 192
انا موقعي مشابهه لموقعك مع اختلاف الارتدادات وعلى الشارع العام
نصيحتي لك لا تبدل وانا اخوك الا اذا عطوك مبلغ يدسم الشارب اما انك تبدل راس براس ولا تبدل ويزيدونك مبلغ قليل نصيحه لاترضى لانه لو تفكر فيها هالمبلغ شنو بجيب لك ؟؟
يعني اسكت في بيت موقعه شيخ ومساحته كايفه ومتع نفسك ومتع عيالك واهلك ولا تسكن في بيت بين بيووت ومحكور وتضيق على عمرك
وحتى لو فرضنا انك تبي تبدل وماتبي المنطقه بكبرها هم اقووولك انطر الين مايسمحون بالبناء والناس تبلش بنيان ويخلص توزيع مدينة صباح الاحمد وساعتها ثق بالله انه موقعك بيتضاعف قيمته دبلات السعر اللي بتاخذه الحين
وللعلم توزيع مدينة صباح الاحمد سيتم توزيعه بالكامل لغاية منتصف 2011 يعني هانت انطر سنه وحده بس واذكر كلام اخوك ساعتها واذا طلع مو صحيح ساعتها عاد الله يسامحني ويسامح الجميع لاني ما اعلم الغيب وهالكلام كله اجتهادات وانا اخوك
من ناحيتي انا لو يبي يبدلني واحد بمنطقتنا وموقعه ولا بنيانه موشي مستحيل ابدله حتى لو يزيدني حاليا وترى منطقتنا صباح السالم
ابو محمد انا معاكم بالموقع الثاني ونكي K u w a i t s اكيد عرفتني :>
وترى عندي موقع نفس نكي :> خوش دعايه
يالله تقبل مروري يابومحمد كني خربتها اخر شي
---------------------------------
الله والنبي محييك NoFEAR والله ونعم عرفتك وانا اخوك والنعم الرجال
الله يجزاك خير يالامير والنعم الجار كلامك طيب نعم هذا تفكيري ولا راح استعجل في بيع الحمد الله اموري طيبه ولا في شي يجبرني على بيعته ولله الحمد لكن ان خذت القسيمه حقها بسعر السوق راح اتوجهه على اراضي شرق القرين وان الله ماكتب في بيعها راح ابنيها للعيال باذن الله واكون من سكان المدينه
وشاكرلك على النصيحه وانت سيف مجرب توجهه اخوانك على الصح
اتمنى لك التوفيق اخوي NoFEAR
