عندما يلصق فيك واحد أو وحدة على خط السريع ..... ماذا تفعل ؟؟ دعوة للنقاش

[العثماني77]

عندما يلصق فيك واحد أو وحدة على خط السريع ..... ماذا تفعل ؟؟

دعوة للنقاش
​

بالحقيقة بعض الناس يحمل أخلاق غير لائقة ..


وأذى هذا الشخص يتعدى إلى أن يصل إلى الشارع

[/URL][/IMG]

ويزداد تطفل هؤلاء البشر عندما يقف وراءك من غير أي مسافه ( على خط السريع )


ويزيد الإشمئزاز إذا كانت أمرأة

[/URL][/IMG]

ويريد منك غصبا أن تنزاح لليمين

فهنا يأتي النقاش
​

ما هو أفضل حل ؟؟؟؟....


عن نفسي أتصرف كالتالي :



أولا : إذا كان الشارع فاضي .... أكيد أوخر وأفتك من شره .

2 : إذا كان الشارع يعني في سيارات ومستعيل أو أريد الوصول بسرعه .. أيضا أستمر بالقيادة على راحتي بحيث تكون السرعة من 120 إلى 140 160 أحيانا .

3 : وطبعا اذا زحمه وغير مستعجل .. أضطر للاستمررار بالسير على نفس الطريق ..

4 - بالحقيقة هي الحاله التي اوخر فيها من غير تردد لما ارى شخص حامل الشر وسيارته وعره ويتدخل يمين ويسار ...

لأن مثل هالنوعية يمكن أن يترك عمله الأساسي يبدأ بالملاحقتك ::verymad:: وتأذييتك بالشارع ... بالحقيقة الواحد ماله بالمشاكل خصوصا هسوالف الفاضية ..



بالحقيقة موضوع مهم .. خصوصا لما تأتي وراك أمراه أو بنت ( اتـنـرفـز ) واضعط ابريك بوجيها .. وبعضها تريد الانتقام ... ( الحمدالله على نعمه العقل )

وين الحياء ؟؟ وين الأخلاق ؟؟

 

[Winchester SX3]

وين الحياء ؟؟ وين الأخلاق ؟؟

مات الحيا والمرجله دمها ساح ،،، كل(ن) كشف سوء نيّه دفنها
دامه حيّه وعقرب وتمساح ،،، خل الأسود تنام ماهو زمنها



الحل طال عمرك إنك تدوس وما تخليه يطوفك

 

[هامور 2000]

عن نفسي افتح له الطريج لعل يكون عنده عذر كاحد مريض او حالة وفاة او و انتوا بكرامه حسران

التمس لاخيك المسلم 70 عذارا عسي ان يكون له عذر

 

[سرور]

هذي المشكلة يعاتي منها الجميع ومستمرة من بداية ما وضعوا الخط السريع

واعتقد اللي كانوا يلصقون في الناس من زمن الحين هو يعاني

 

[faisal_pontiac]

عن نفسي افتح له الطريج لعل يكون عنده عذر كاحد مريض او حالة وفاة او و انتوا بكرامه حسران

التمس لاخيك المسلم 70 عذارا عسي ان يكون له عذر

نعم اتفق معاك اخوي هامور ... التمس لاخيك المسلم 70 عذارا عسي ان يكون له عذر

وشكراا لصاحب موضوع .

 

[abatchy007]

والله انا مرات اطفر تلاقي واحد او وحده ماخذين حاره اليسار ودايس لك 100 او 90 تكفه يرحم والديك وخر تلف يمين يسار عمك اصمخ اترك له او لها عمككككك اصمخخخخ ومرات الواحد يكون مستعيل على عرس ولا عزومة ولا مثل ما تفضلو الاخوان الي فوق ظروف ثانية الله يعلم فيها
يا اخي اذا انت ماعندك شغل وماخذ هالحاره غيرك عنده شغل ومعروف انه هالحاره حق 120 وفوق والبعض الله يهديه عباله داخل سباق يترك لك من مسافة كيلو قويه صراحة كيلو بس رقعوها وتلاقيه دايس حد العداد صك ال200 على شنو بيلحق مباراة او بيلحق يروح عند ربعه الديوانية او القهوه يعني شغلات تافهه مافيها مجال للتفاهم لو بأيده يخلي سيارتك اتصيرله اسفلت ويمشي عليك بس ما نقول الله كريم والله يحفظ الكل وشكرا

 

[B-A-1983-A-B]

اذا بس مطيور ماوراه شي انام علية نومة قشرة واخليه يلعن هذيك الساعة الي ترك لي فيها : )

 

[Balloons Shop]

نفسي يمر أسبوع بدون أن أصادف مثل هالنوعيات
وبالذات النساء مو لايق عليهم بالمرة
لكن مافي حياء ولا ذوق ولا احترام وفعلا إذا قالوا القيادة فن وذوق وأخلاق

عن نفسي أزيح عنه بمزاج وبكيفي ، مو شارع أبوه ومن يكون علشان ابتعد عنه وافتح له الطريق
لكن لو حالة طواريء ويبين على خلق الله عسى الله يرفع عن الجميع اكيد نبتعد ، لكن الأصل تطبيق القوانين وأن السرعة لا تتجاوز عن 120
ولو فعلا مستعجل لأخذ الحاره المجاورة مو شرط أوخر عنه بالذات
هذا يهون عن باص المواصلات أو باص حمولة ويأخذ حارة اليسار
لا ويكبس لك تبتعد عنه ميني باص
لاحظت أن القيادة في دبي جداً هادئة وأنا الوحيد اللي دفش في الشارع
يمكن لأنني من أهل الكويت

 

[مرجان]

اعطيه على قد عقله


واتركه يولى

 

[العاشق]

الفاضي يحسب الناس كلها فاضين نفسه

يمكن الرجال مسعف مريض او عنده حاله طارئه

انا دم ضروسي اللي يمسك خانة اليسار ويمشي على بيض ودي اسفطه وبقس فيه هههههههههههههههههههههههه

مشكور اخي صاحب الموضوع عطيتنا فرصه نفضفض شوي​

 

[عقد ألماس]

السرعة الجنونيه والقيادة المتهورة الاثنين خطر في الشارع
وبعدين السيارة مو لعبه علشان الواحد فينا يربي عيال الناس بطريقه اللي هو يبيها او اصح بطريقه همجيه ... ممكن تروح فيها أرواح ناس مالها ذنب وتعيش طول عمرك ندمان ويأنبك ضميرك في لحظة تهور وعنجهيه..

القيادة فن وذوق ..امسك حارتك ومالك شغل بلي مسرع ويتجاوز يمكن هالمسرع يعيش مشاكل أو أنه يمر بظروف معينه مثل ما قالوا الاخون الافاضل التمس لأخيك 70 عذر

اتبع خطوط وعلامات الارشاد والسلامه والتزم بالسرعه المحدده لك تسلم

وشكرا

 

[العاشق]

السرعة الجنونيه والقيادة المتهورة الاثنين خطر في الشارع
وبعدين السيارة مو لعبه علشان الواحد فينا يربي عيال الناس بطريقه اللي هو يبيها او اصح بطريقه همجيه ... ممكن تروح فيها أرواح ناس مالها ذنب وتعيش طول عمرك ندمان ويأنبك ضميرك في لحظة تهور وعنجهيه..

القيادة فن وذوق ..امسك حارتك ومالك شغل بلي مسرع ويتجاوز يمكن هالمسرع يعيش مشاكل أو أنه يمر بظروف معينه مثل ما قالوا الاخون الافاضل التمس لأخيك 70 عذر
اتبع خطوط وعلامات الارشاد والسلامه والتزم بالسرعه المحدده لك تسلم

وشكرا

اختي

انا مادري شلون تلتمسين له 70 عذر ونتي حاقرته وماتفتحين له

التمسي عذر واحد كافي

ونعم القياده فن وذوق ومن الذوق طبعا ان الواحد يفتح (قدر المستطاع ) حق اللي وراه انا ماقول طير من مكانك له بس اذا فيه مجال تفتح افتح للناس وعط الطريق حقه

يا اخوان ترا فعلا فيه حالات طارئه والحبايب نايم بحارته ويقول انا ماشي 120 ومالي شغل باللي وراي

اقسم بالله انا محولين الوالد من مستشفى الجهراء الى الصدري حاله طارئه

ووضعه جدا صعي

وسايق الاسعاف يكبس والصفاره شغاله والحبايب موسائلين ومعطينه بولباس

انا اعتقد ان هذيلا فعلا يحتاجون اعادة تـأهيل ​

 

[عقد ألماس]

اختي

انا مادري شلون تلتمسين له 70 عذر ونتي حاقرته وماتفتحين له

التمسي عذر واحد كافي

ونعم القياده فن وذوق ومن الذوق طبعا ان الواحد يفتح (قدر المستطاع ) حق اللي وراه انا ماقول طير من مكانك له بس اذا فيه مجال تفتح افتح للناس وعط الطريق حقه

يا اخوان ترا فعلا فيه حالات طارئه والحبايب نايم بحارته ويقول انا ماشي 120 ومالي شغل باللي وراي

اقسم بالله انا محولين الوالد من مستشفى الجهراء الى الصدري حاله طارئه

ووضعه جدا صعي

وسايق الاسعاف يكبس والصفاره شغاله والحبايب موسائلين ومعطينه بولباس

انا اعتقد ان هذيلا فعلا يحتاجون اعادة تـأهيل ​

اذا العالم طايره شلون افتح له
واذا في مجال اوسع له الطريق ما عندي مانع وما يشوف شر
بالعكس اعطي مجال للي وراي مهما كانت جنسيته ولا احب اسكر على احد

 

[محب الرياضه]

اعطي الطريق حقة

الآداب إعطاء الطريق حقّه، ولربما سأل سائل: وكيف أعطي الطريق حقه؟

فأقول له: الجواب في قوله : ((إياكم والجلوس في الطرقات، فقالوا: يا رسول الله ما لنا بدٌّ من مجالسنا نتحدث فيها،
فقال : فإن أبيتم إلا المجلس فأعطوا الطريق حقه، قالوا: وما حق الطريق يا رسول الله؟ قال: غض البصر، وكف الأذى، ورد السلام، والأمر بالمعروف والنهي عن المنكر)) رواه البخاري ومسلم.

الموضوع يا شباب الديره هو انقاذ الناس من كل شخص كان شاب او فتاه او سيده او شايب او سائق متهور

الموضوع جاد

كيف تقلل الحوادث في جميع انحاء الكويت نريد نقاط نضعها مع بعض حول هذا الموضوع ونبدء بدايه صحيحة وجاده (ما اعتقد لأن كل ماله والوضع يصير اردى)

يا شباب والله ناس كثيره راحت بدون اي سبب​

 

[al7bebe]

تشكر على الموضوع اخوي العثماني فعلا اصادف تهور ورعونه و....الخ
الصح ان السايد الايسر الاول بجانب حاره الامان خاص للسيارات الشرطة والاسعاف وسيارة المطافي والحالات الخاصه لبعض الاشخاص
والاهم ترك مسافه بين سياره وسياره لاتقل عن 3 امتار من الناحية الامنية لقدر الله ، والثقافه هامه جدا في فن وذوق وادب مرتادي سيارات الطرق السريعه او غيرها.
والاعلام له دور مهم في التوعية المروريه من سلوك وأمن....الخ ولكن للأسف الاعلام فوضوي في محطاتنا الفضائية ويعمل خارج النطاق ولايخدم الا مصلحته الشخصية . ( هذه الغمندة)

 

[المهندس حسين]

أصلا ما أعطيه أو أعطيها المجال تلتصق بسيارتي

لأني أتابع السيارات اللي خلفي بقدر ما أتابع اللي أمامي

فإذا لمحت سيارة مسرعة أفتح لها المجال قبل أن تقترب مني

هذا ما يسمى القيادة الدفاعية

أي تجنب مواطن الخطر

بعض الناس يظن أنه يملك الطريق ولا يسمح لأحد أن يتجاوزه وهذا السلوك سيء

وترك مسافة بينك وبين السيارة اللي أمامك أمر مهم للغاية وأدنى مسافة يجب أن لا تقل عن 10 أمتار حسب سرعتك

 

[دربك أخضر]

أنا ما يبط كبدي إلا اللي يبيني اوخر ، و الاشاره جدام حمرا ، يعني ، ok ، تبي تطوفني ، وين بتروح ؟

 

[Navigator]

اذا على يميني سيارات وسرعتي 120 اول شيء اشوف شكله بالمنظره

اذا مبين عليه ثقيل او مستعجل لظرف طارئ احاول ازيد من سرعتي او احشر على اليمين وابطل الطريق له

اما اذا كان شكله من شلة شوجي على طول اعطيه ليت بريك اخليه يحوس بمكانه ما يدري وين يروح

وبعدها كأني ما ادري مخالفة تجاوز حدود السرعه القصوى

يجيك يمشي 200 مو محترم نفسه ولا محترم الطريق ولا محترمك صج تربية خدم

حسافة ما عندنا نفس الدول الاوروبية على طول سجن يوصل 6 شهور واحنا نقاط واذا كبرت السالفة سحب اجازه وحجز مركبه يا جماعه آخر تفتيش متى مريتوا عليه ؟!!!

اذا سافروا وأجروا سارات يا زين سياقتهم برا الكويت ناس تخاف ما تستحي

اخخخ لو يردون التجنيد ويعلمونهم المرجله والاحترام

 

[الهمس الخجول]

اذا على يميني سيارات وسرعتي 120 اول شيء اشوف شكله بالمنظره

اذا مبين عليه ثقيل او مستعجل لظرف طارئ احاول ازيد من سرعتي او احشر على اليمين وابطل الطريق له

اما اذا كان شكله من شلة شوجي على طول اعطيه ليت بريك اخليه يحوس بمكانه ما يدري وين يروح
وبعدها كأني ما ادري مخالفة تجاوز حدود السرعه القصوى

يجيك يمشي 200 مو محترم نفسه ولا محترم الطريق ولا محترمك صج تربية خدم

حسافة ما عندنا نفس الدول الاوروبية على طول سجن يوصل 6 شهور واحنا نقاط واذا كبرت السالفة سحب اجازه وحجز مركبه يا جماعه آخر تفتيش متى مريتوا عليه ؟!!!

اذا سافروا وأجروا سارات يا زين سياقتهم برا الكويت ناس تخاف ما تستحي

اخخخ لو يردون التجنيد ويعلمونهم المرجله والاحترام

هههههههههههههههههاي حلوه

 

[بو متعب]

اخذ رقم السيارة واصكة مخالفات مع محكمة المرور علشان يتوب ويحترم نفسه حتى لو كان عنده حالة طارئة لا يذبح البشر على ان ينقذ واحد يقتل 10 مو منطق