إنتهاء الأزمه العالميه رسميا أمس الإثنين....حسب تصريحات بعض المحللين فى أمريكا

[المشنص99]

الوصول الي 7000 او 7500 صار حلم ويريدون تحقيقه الشباب والله مو طماعين الاسهم الاوربيه تواصل خسائرها وسوقنا كل وقته احمر واخر السوق اخضر شي بسيط ومستشارين مجموعه الخرافي والبحر واوربا والمحافظ العملاقه مايدرون وكلامك صحيح انه واصلتك معلومه وفعلا امريكا طلعت من الازمه بس ممكن امريكا طلعت وغيرها دش بازمه((من الدول العضمى)) ولو الخبر صحيح تشوف الاسواق جميعها خضراء اذا فيه تعافي سوف يتضح بالشارت

على الاقل احسن من اللي يشير ويقول السوق رايح 2000 وحاط راس وكتفين على الشهري اكبر من راس عجوزه هههههههههههههههههه

يبه خبراء اقتصاديين امريكيين يعلنون وبشكل رسمي وبتفاصيل مدققه وجدام عينك وانت تقل كلام فاضي

تبي تعرف وين الفضاوة ؟

اخوي مشكله اواجهها في بعض الناس ما يميزون بين الدخول المضاربي والدخول الاستثماري بالنسبه للدخول الاستثماري من زمان وانا اقول مافيه دخول استثماري اما المضاربي فقد وصل للهدف المبلغ عنه من قبل وبشكل دقيق كماهو موضح واحذر من كسر الترند الاحمر

يا كثر ترنداتك

 

[happyness]

اعتقد ان تصريحات الاقتصاديين بخصوص انتهاء الازمة المالية هي مجرد تصريحات سياسية بالدرجة الاولى وليست اقتصادية فنية تعكس الوضع العام.

هذي التصريحات الهدف منها دعم موقف الحزب الديمقراطي الي ينتمي له الرئيس الأمريكي، لان الانتخاب الكونغرس جاية فيبون يجهزون لهذا الأمر، وراح تسمعون الرئيس يلعلع الايام الجاية عشان يلمع صورة حزبه، الي الفترة الأخيرة نزلت شعبيته بصورة كبيرة مقابل الحزب الجمهوري

للأسف اوباما اضعف من انه يسوي شيء، والأمور اكبر منه والايام القادمه اذا كنا من اهل الدنيا راح تبين امور.



تحياتي

 

[rouzy]

ما العلاقة بين سوق امريكا وبين سوقنا؟؟

وما العلاقة بين سعر الدولار الامريكي وسعر الذهب ... وبين سوقنا؟؟

وما تأثير تلك العلاقة على سوقنا؟؟؟

في اعتقادي أن لا علاقة بسوقنا.... وبالتالي فلننظر لسوقنا مستقلا عن ذلك السوق، ولنعرف العوامل الاساسية و الفنية المؤثرة فيه - كأحوال السيولة والمشاريع وميزانيات الشركات المدرجة .... وغيرها من عوامل.

والله أعلم.