شنو هالوقاحة المنتشرة بالديرة هالأيام؟؟

[Abdulla990]

صج فناتق .... ما ألومك تنبط جبدك خصوصآ ان بعض اصحاب الشقق فسقانين شوي وصايرين طماعين واللي يبط جبدك زيادة يقولك نأجر حق أجانب فقط..... آآآآآآه يالقهر بس

الله يعين
الحين فوق الطمع و الفسق زادوها وقاحة بعد
لكن نقول البعض مو الكل

لا يوجد سبب ومافي شي يخاف منه صاحب البيت لكن شتقول يدرون انا مضطرين

وصاروا كل مالهم يتمادون وصدقني اذا استمر الوضع في التأزم راح يجي اليوم اللي صاحب

البيت يصف الطالبين للشقه يصفهم قدامه وينقي منهم

حسبنا الله ونعم الوكيل

و الله انا مستغرب منهم
الديره متروسة شقق فاضية و كل سنة يتضاعف عددها في البيوت و العمارات الجديدة و المجمعات السكنية
و مع ذلك تلقى واحد عنده خرابة على شكل بيت و شقته فوق السطوح على رأي المصاروه و يقعد يتفلسف على الناس

يارجل ... لاتحاتي ... مجرد فئه من بعض الفئات ... الخارجه على اطار الوضع العام

مجرد حركات من بعض اصحاب التجار فقط ... تلقاه بخيل حد الدعسه .. وبلغ المصري بتاعه

مثل هالحركات ... البايخه .. لعلمك الخاص اول مره اسمع هالموضوع

وشكرا لك

كلامك صحيح و الأغلبية إن شاء الله أنهم من المحترمين اصحاب المروءة اللي يحترمون محارم الناس و خصوصيتهم
بس للأسف اشوف اهل الأخلاق السياحية عددهم قاعد يزيد و العدوى تنتشر
و الله يستر

أنا اقدر واحترم وأحب الرجل اللي يغار على محارمه وكذلك احترم الزوجة المستورة اللي ما تبي تكشف عند الاجناب لأنه من صميم معتقدي الاسلامي الحنيف .....لكن

بدون زعل ؟؟ وبدون عصبية ؟ وبدون تزمت .... ارجوا قراءة هذه الاسطر بكل تعقل

ابي اضرب مثال بسيط جدا وانتوا احكموا على الموضوع ...

واحد متزوج وعنده عقد زواج .... ومتعرف على انثى من جنسية (.....) املاء الفراغ بأي جنسية تبي ... ويبي يسكن صديقته في شقة زينه عشان يزورها بالأوقات اللي تناسبة (يعاشرها بالحرام) (وقد تكون هذه الانثى منحاشة من اهلها عليها حكم قضائي جاسوسة مجرمة حرامية مخالفة لقانون الاقامة قتالة قتلة ... وقد تكون مخطوفة ومهددها بالقتل ويبي يقطها بالشقة ويربطها او يقفل عليها) اللي عليه انه يقدم حق حارس العمارة بطاقته المدنية وعقد الزواج .... ويقول حق صديقته البسي عباية ونقاب ...... ومحد يقدر يقول له ثلث الثلاثة كم ......صح ؟؟

سؤال لكم ياشباب ............ شلون تمنعون الفئات هذي من السكن بعماراتكم ؟؟ او تمنعه من انه يكون جارك بالشقة المقابلة لك ؟

ببساطة .... اطلب بطاقته المدنية وبطاقتها وعقد الزواج وخلك بالسليم ...

اذا التزم الكل بالشي هذا ....صدقوني راح تنتهي كثير من الجرائم في الكويت وتتناقص اعداد العمالة المنحاشة ومخالفي الاقامة.

صحيح ان الموضوع مزعج ومحرج ويبط الجبد .... لكن هذا الاجراء صحيح 100%

اخوي السالفة ما فيها عصبية و تزمت بس هي تدخل في الخصوصيات و كشف لمحارم الناس
و مع احترامي ,, اقول لك ان السيناريو اللي قلته غير واقعي
و اللي يبي يستأجر شقة لرفيجته او للدعارة ما راح يرفض يعطيك بطاقة زوجته لأنك ما راح تقدر تكشف وجه المره اللي معاه و تتأكد من شخصيتها اذا كانت منقبة او مبرقعة
و بالتالي يصير الطلب هذا بدون فايدة للمالك
إلا اذا كانت له اهداف ثانية ما ندري عنها هذا شي ثاني

انت مستغرب ؟؟ عيل اسمع مني هالسالفة

في اوروبا وأمريكا يوجد بعض الاماكن ما تقدر تأجر فيها ...الا لما تتقدم بطلب (ابلكيشن) مذكور فيها السيرة الذاتية ويتم ترشيحك بناء على توصيات (ريكومونديشن) من اشخاص لهم وزنهم في المنطقة ... ويتم تزكيتك للحصول على الشقة ... وفي بعض الاحيان يتم التصويت (ديمقراطية) على الساكن الجديد من قبل سكان العمارة (وليس مالك العمارة ...لاحظ انك مالك عمارة ما تقدر تفرض الساكن الجديد) ..... ويتم قبول او رفض طلبك حسب سيرتك الذاتية او اي عوامل اخرى ....... (هم بفلوسك تبي تسكن ويتحكمون فيك) عجيبة الديمقراطية

اوروبا و امريكا ظروفهم مختلفة و الجرايم عندهم اكثر من غيرهم
لكن ايضا مو كل مالك عقار هناك يطلب تزكية او Recommendation على قولتك بس يمكن في بعض الأماكن و حسب الظروف

 

[Abdulla990]

هههههههههه
لا تنقهر هذي بسيطة يم الي يقولك ابي معاريس لوووووووووووووووووول
الله لا يربحك على هالسوالف يا اجانب او معرس لووووووووووووول​

هههههههههه يمكن يبون يشجعون الناس على تحديد النسل
دايم اشوف شروطهم معاريس او طفل بس
يعني مثل نظام الصين كل عائلة يحق لها انجاب طفل واحد فقط

اخوي بلعكس اجراء صحيح
متى تحس فيه لما تكون صاحب عقار ان شاء الله
لان واجد يجون يسكنون واخر شي تطلع الصاحبه وصعب انك تطلعه
انا صارت معاي كذا مره

إن شاء الله اصير صاحب عقارات

لكن اقول مرة ثانية ان بطاقة الزوجة لا يمكن ان تضمن لك ان اللي معاه هي فعلا زوجته

الشهادة انتشهد بالحق
1_ العمارات لاتعليق
2_ اما البيوت والقسائم من حق المالك ياكد ان هالشخصين زوج وزوجتة
ولا ابى اتكلم عن المصرى وقاحتة
بس تقدر زوجة صاحب البيت تتاكد من الزوجة وصورتها فهذا حق مشروع
3- اما ان وجد اطفال فوجودهم مع الاب والمرأة منطقى تكون امهم او عمتهم
,,,,,,,,,,,,,,,,
لانخذ هالامور بطريقة غير منطقية مثل نظرة الغبى اللبس وغيرة
ممكن المالك يرسل بنتة او زوجتة وتاكد من الحرمة اللى ماجرة
,,,,,,,,,,,,,,,,,

ممتاز
اذا مالك العقار يرسل وحده من محارمه تشوف الزوجة و بطاقتها و تتأكد من شخصيتها يكون شي مقبول لكن ما ياخذون صورة بطاقتها
و اكيد ان اللي ناوي يستاجر شقة لرفيجته ما راح يجيب زوجته علشان تساعده على هالسالفة

يا معود الحين الموضه الجديده واغلب اللى عندهم بيوت او ادوار اوشقق بياجرونها طالعين طلعه

تبط الجبد وتحرق الاعصاب 000سجل عندك 00هذى اسالتهم 000

1- موظف ولا لا؟

2 - زوجته موظفه ولا لا؟

3 -كم طفل عنده ؟

4- شنو اصله ؟؟

5- وين يداوم ّ!؟؟

6_ رقمه المدنى وجيكوا عليه شى ولا لا حتى لو مخالفة مرور يخاف منه )

__ واللى ابلى من كل هذا -- واحد دق على قالى عندى شقق اباجرهم بس بشرط000!!!!


والله وبالله الكريم تهاوشت معاه مع انى طبعى هااادى جدا وبصعوبه انرفز !!!

يقول 00(( ابى واحد مطوع + مايدخن + زوجته موظفه + ماعنده اكثر من طفل + ياملتحى او

بدون لحيه وبدون قفل او سكسوكه (وهذا شرط)000!!!!!!!!!! اقسم بالله بالضبط 00 ناااس

انجنوا !!!

لاحول ولا قوة الا بالله !!!!!!!! موضوعك طيب وتقبل مرورى

ههههههههههههههه
حلوة سالفة السكسوكة و القفل خخخخخخخخخخ
صج بعضهم مو صاحين

اي شنو المشكله فيها لمن المالك يطلب من المستاجر صورة عقد الزواج وصور البطاقات

وانتم تبون كل من هب ودب جاب معاه وحده قال للمالك هذي زوجتي وسكنهم على

لا يحبيبي السوالف هذي في بانكوك في هولندا تلقونها بالدول اللى ماعندهم لاذمه ولا ضمير

================================
طيب انا بسالكم انت اللى الحين قاعدين بردون برد غير مقنع

منو عنده شقه او دور او ملحق ياجره لي من غير مايطلب اثباتات

وانا جاهز اخذه الحين

بشوف هياطكم هذا

=================================
من حق مالك البيت ان يطلب على المسأجر الاثباتات

ومن حقه يساله انت موظف ولا لا

ليش تبونه يتوهق ويا المستاجر يطلع واحد لاشغل ولا مشغله

ويعطيه طااف بالاجارات ويعطيه شهر ويطنشه شهر

اتمنا انكم تكلمون بعين العقل وبالشئ المعقول

ولكم تحياتي ​

اخوي انت قاعد تتعامل مع مسلمين مو يهود
الناس ما يوزعون بطاقات محارمهم على كل من هب و دب من السفهاء
الطلبات لازم تكون لها اسباب معقولة و مقبولة
و انا قلت و كررت ان التحقق من شخصية الزوجة غير ممكن لأن الديرة متروسة منقبات و مبرقعات
و حتى اللي زوجاتهم محجبات بعضهم يرفضون يعطون بطاقات حريمهم لأن هذا فيه كشف للخصوصية بدون سبب ضروري و اللي يبي يتأكد من شخصية الزوجة يجيب زوجته تشوفها و ينتهي الموضوع
مو كل واحد يقعد يتفلسف و يطلع خرابيط على كيفه
و اذا انت خايف على شقتك حط جهاز البصمة عند باب كل شقة علشان تعرف منو اللي يدخل و اللي يطلع
الظاهر ان بعض الناس شبعان ما يبي فلوس و يعرض عقاره للإيجار لأهداف ثانية غير فلوس الايجار,,, اقول بعض الناس و العلم عند الله

 

[Abdulla990]

انا موووووووووووووووووووووووووووووووووو قاهرنى الا اعلانات هاليومين
للاجار شقة دور ثالث وب300 دينار وزود
وخرتها يكتب لمعاريس او عائلة صغيرة اللعن ابو القهر
وانت شكو معاريس طرار ويتشرط يعنى اذا بجيب اطفال لازم ياخذ رايك صج شى غريب
,,,,,,,
اذا تبى عائلة صغيرة او معاريس جدد حط اجار معقول لهم 150 دينار
مومعقول اللى يدور ايجار بكونون معاريش اغلب اللى ياجرون
يطلعون من بيوت اهلهم لظيقة المكان
لو شخصين معارس كان جلسو عند اهلهم غرفة تكفيهم او غرفتين

و النكتة ان شقته تكون في الثالث مثل ما قلت و بدون مصعد و حاط بين قوسين (درج حديد) و عذره ان المعاريس اعمارهم صغيرة و لا يتعبون من الدرج

أصحاب العقارات ما ينلامون من الضيم اللي شافوه من المؤجرين يأجر يدفع أول شهرين بعدين أركض وراه علشان الأيجار عندي مؤجر سافرت المره لأهلها كم يوم خذا راحته مو بس أهوه لا و ربعه معاه كل يوم شكل

بس شنو علاقة الايجار ببطاقة الزوجة؟؟
مو المفروض الزوج هو اللي يدفع؟

يتاكد من رقم المدني

مطابق لعقد الزواج وخلاص

نعطيه الرقم المدني مو مشكلة

من كثر مامر على من اصحاب العقار اللي بنوا ويبون يأجرون على الناس 99% منهم معقد وملحوس من البنيان وحب المال .​

​

الله يعين بس

::verymad::كأن ذل يا شباب ابلعوها واسكتوا

هي فعلا صارت ذل
لو الحكومة ياخذون بدل الايجار و نعطيهم فوقه زيادة و يعطوننا شقق نسكن فيها احسن

 

[Kaubar]

لازم تفرقون اول شي بين شقه بعماره وشقه بفيلا

وبعدين اللي يبي يخربط ماتمنعه بطاقه

والى كل اللي قالوا احضار بطاقة الزوجه عادي ومافي مشكله وحق وحمايه لصاحب العقار

انتوا من صجكم ان بهالطريقه يمكن لصاحب العقار يحمي نفسه لوكانت الزوجه منقبه شلون

يجيك عليها صاحب العقار كل يوم

ترى عيب وغلط ان الواحد يكشف محارمه لناس بدون ضروره وأضطرار

اولا وأخيرا اذا كان العقار عماره صدقوني مايهم صاحب العقار شنو كان يصير المهم الفلوس

 

[man-kuwait]

مع احترامي لجميع وجهات النظر

لو نظرنا للموضوع لوجدنا ان صاحب الحلال هو حر في طرح الشروط
والطرف الثاني اذا عجبه يستاجر واذا مو عاجبه لا يدش وياه بسوالف ثانية

وفي الاسلام والقانون والعرف ان كل منطقه ولها خصوصية
فصاحب العقار من حقه اضافه اي شروط
فلو جاء مستاجر متزوج واعطى كل بياناته الصحيحه لصاحب الحلال،
فإن حصل اي حدث او اجراء يحدث بالشقه يكون مقابله إثبات حقيقي لدى صاحب الحلال بساكن هذا المكان، فهو من ناحية الامنية والقانونية والاسلامية إجراء سليم.

 

[Abdulla990]

لازم تفرقون اول شي بين شقه بعماره وشقه بفيلا

وبعدين اللي يبي يخربط ماتمنعه بطاقه

والى كل اللي قالوا احضار بطاقة الزوجه عادي ومافي مشكله وحق وحمايه لصاحب العقار

انتوا من صجكم ان بهالطريقه يمكن لصاحب العقار يحمي نفسه لوكانت الزوجه منقبه شلون

يجيك عليها صاحب العقار كل يوم

ترى عيب وغلط ان الواحد يكشف محارمه لناس بدون ضروره وأضطرار

اولا وأخيرا اذا كان العقار عماره صدقوني مايهم صاحب العقار شنو كان يصير المهم الفلوس

هم قبل غيرهم يعرفون ان هالسالفة ما راح تفيدهم بشي
لكن انا اعتقد ان الطلب هذا له دوافع ثانية غير اللي يقولونها للناس
يمكن مجرد وقاحة و لقافة و يمكن لهم اهداف ثانية
و الذمم هالأيام لك عليها و الحذر مطلوب خصوصا مع الناس اللي ما تستحي

مع احترامي لجميع وجهات النظر

لو نظرنا للموضوع لوجدنا ان صاحب الحلال هو حر في طرح الشروط
والطرف الثاني اذا عجبه يستاجر واذا مو عاجبه لا يدش وياه بسوالف ثانية

ادري انه حر و يقدر يطلب اي شي ,, مثلاً يقدر يطلب من المستأجر شيكات و يقدر بعد يطلب منه يرهن جنسيته عنده و يقدر بعد يطلب تحويل سيارته باسمه كضمان, و اذا رفض المستاجر يقول له مع السلامة
لكن انا و غيري هنا قاعدين نتكلم عن المعقول و المقبول من الطلبات بحيث يحفظ كل طرف حقه بدون مبالغات و استغلال

وفي الاسلام والقانون والعرف ان كل منطقه ولها خصوصية

اخوي الكلام هذا ضدك لأننا في بلد اسلامي و توجد فئة كبيرة من الناس تحرم كشف وجه المرأة او صورتها إلا للضرورة القصوى (مثل السفر للعلاج او الكشف عند طبيب الخ) و بالتالي يكون الطلب هذا مخالف لمعتقد فئة كبيرة من المسلمين

فصاحب العقار من حقه اضافه اي شروط

من حقه اضافة اي شروط؟؟؟
ما شاء الله
يعني لو طلب منك ترهن عيالك عنده كضمان على الدفع توافق؟؟
اخوي اكو طلب مقبول و اكو طلب له اسم ثاني تلقاه في عنوان الموضوع

فلو جاء مستاجر متزوج واعطى كل بياناته الصحيحه لصاحب الحلال،
فإن حصل اي حدث او اجراء يحدث بالشقه يكون مقابله إثبات حقيقي لدى صاحب الحلال بساكن هذا المكان، فهو من ناحية الامنية والقانونية والاسلامية إجراء سليم.

اشوفك تكرر كلمة اسلام وايد في مشاركتك!!
يعني قصدك تعطي كلامك مصداقية اكبر بهالطريقة؟؟
الناس عندهم عقول و يميزون الصح من الخطأ
اما سالفة الاجراءات الأمنية و القانونية فعقد الزواج يكفي لأن اسم الزوجة مذكور فيه مع رقمها المدني و كل شي

 

[al7oot511]

ياجماعه انا اعتقد اللي معاه رفيجته بين واللي معاه اهله بين ... وانا اشوف اذا توفر عقد الزواج وبطاقه الزوج كافي .... لانه بالبطاقه المدنيه تقدر اتجيك علي الشخص اذا عليه قضايا او لا والشغله كلها ايجار ليش التعسف الزايد

 

[Duke wahid]

اي قانون اي حمايه لصاحب العقار شقاعد تقولون وتسلفون فيه اذا فيه عقد اجار

عقد اجار عقد اجار سليم وقانوني

مايهمه المالك ولا عليه اي مسؤليه قانونيه حتى وان كان المؤجر يبيع مخدرات

ألا في حاله وحده بس انه يدري عنه ولا بلغ عليه يعني تستر عليه

وكلمه لكم كلكم القانون مع المؤجر يعني لو ينط صاحب الأجار ويقعد ماله غير فلوس الأجار

محد يقدر يطلعك من شقتك

وكل الشروط اللي يحطونها مالها اي قيمه عتد المحاكم كلها هذره وعلاك فاضي ولووو

 

[عــلى]

السلام عليكم
ترا الموضوع عادى لا تبالغون هذى تصرفات فرديه مو محسوبه على الناس كلها
ترا الدنيا بخير والناس فيها خير

 

[نائب]

اي شنو المشكله فيها لمن المالك يطلب من المستاجر صورة عقد الزواج وصور البطاقات

وانتم تبون كل من هب ودب جاب معاه وحده قال للمالك هذي زوجتي وسكنهم على

لا يحبيبي السوالف هذي في بانكوك في هولندا تلقونها بالدول اللى ماعندهم لاذمه ولا ضمير

================================
طيب انا بسالكم انت اللى الحين قاعدين بردون برد غير مقنع

منو عنده شقه او دور او ملحق ياجره لي من غير مايطلب اثباتات

وانا جاهز اخذه الحين

بشوف هياطكم هذا

=================================
من حق مالك البيت ان يطلب على المسأجر الاثباتات

ومن حقه يساله انت موظف ولا لا
ليش تبونه يتوهق ويا المستاجر يطلع واحد لاشغل ولا مشغله

ويعطيه طااف بالاجارات ويعطيه شهر ويطنشه شهر

اتمنا انكم تكلمون بعين العقل وبالشئ المعقول

ولكم تحياتي ​

الرجال ماقالك لايطلب اثبات او تقرير راتب او حتي لاحكم عليه او جييك علي الرقم المدني عن طريق النت من وازارت الداخليه

بس لاتطلب بطاقة امرته يمكن المره منقبه ؟

بس ممكن تاخذ الرقم المدني مال المره او ايجيب مرته صاحب البيت ويخليها تتأكد انها مرته صج ويطابق البطاقه مالت المره مع عقد الزواج بس لايقول عطني بطاقة المره وهي متنقبه هذا عيب هذا كشف ستر عرض مايجوز

ولكن لضمان حقه يطلب البيانات اللي يبي بحدود المعقول مع توقيعه علي عقد الاجار للاستعمال العائلي وغيره من شروط وليس المبالغه

والسلام ختام ​

 

[النجدي2007]

يمكن منم صاحب البناية نفسة ولابالعكس ماصار معاي هالشي