متابعه تداول يوم الاحد 19-9-2010م بالتوفيق للجميع

[قديم بن عتيج]

توهقت بايكاروس

خلاص الحين اصبر علية

سهم ممتاز // وانت تشوف اغلب الاسهم كلها سقطت

وهذا تصحيح اقشر // مايغشمر

 

[كوهجي]

السلام عليكم ورحمه الله

وعليكم السلام ورحمة الله وبركاته

مساء الخير

 

[Winchester SX3]

تحليل للسوق يمثل وجهة نظري الخاصه

خرج السوق من القناة الهابطه المبينه باللون الأحمر بالتشارت المرفق والتي بدأت منذ شهر إبريل وبدأ قناة صاعد جديده والتي أكدها بإختراق القناة الحمراء بيومي 12 و 13 من شهر يوليو والتي حاليا نحن نسير بها والتي تبين بالترند الأخضر

أخترق المؤشر متوسط 50 يوم بعد إختراقه لنقطة 23.6% فيبوناتشي وصحح وإلتزم بهما وأكمل صعوده وهذا يعتبر شيئ إيجابي

وأيضا إخترق المؤشر متوسط 100 يوم بعد العيد في الجلسات الثلاث الفائته مع إختراقه لنقطة 38.2% فيبوناتشي وحاليا يقف عند وأقفل عند نقطة 6,838.70 والتي هي قبل نقطة المقاومه ( 6,841.10 ) والمبينه باللون الأحمر المنقط وحتى الآن لم يصحح السوق

توقعاتنا لهذا الأسبوع:

أن يكون هناك تصحيح خفيف وتأكيد دعم 38.2% بين 6,783 و 6,745

في حال كسر السوق 6,745 يجب رفع درجه الحذر والإنتباه أكثر وأكثر ومراجعة الحسابات


الدعم والمقاومه كالتالي:

المقاومات:
6,841
6,935
6,979

الدعم:
6,783
6,745
6,707


بالنهاية أتوقع بأن هدف القناة الصاعده التصحيحه سيكون نقطة 50% فيبوناتشي وهي 6,935 وهي التي ستحدد حال السوق لاحقا

لا ننسى بأن الإقفالات على الأبواب للربع الثالث والتي تمثل لنا أوقات لعب بالأرقام كما عهدنا السوق سابقا


كل ما ذكر اعلاه يمثل وجهة نظر قابلة للخطأ قبل الصحه وهي ليست ملزمه على أحد

تمنياتي لكم بالتوفيق

مشاركتي الساعه 8.20 اليوم

نجد بأن المؤشر وصل لأعلى مستوى حتى الآن عند 6,842.6 والتي تفرق عن نقطة المقاومه المذكورة بنقطة واحده
وحتى الآن توقعي مماثل للسوق

للراغب برؤية التشارت يضغط ( هنا )

good luck

الحد الأعلى لمؤشر اليوم هو 6,842.6
الحد الأدنى لمؤشر اليوم هو 6,784.2

نلاحظ بأن المؤشر إحترم الدعم والمقاومه بفارق نقطة واحده فقط

كل ما ذكر أعلاه ما هو إلا بتوفيق من الله سبحانه

وتبقى وجهة النظر لجلسة الغد مثل الدعومات والمقاومات المذكورة

تمنياتي لكم بالتوفيق

 

[كوهجي]

هلا وغلا

يخوك لو تقعد هناك بس الجو يشرح صدرك
درجة الحراره هناك توصل 24 و 25 بالليل

شوف التحليل بالصفحه الثانية
كان إهداء لك شوف الأرقام وقارنها بالسوق

بدال لا أكتب هنا وهنا

عليك بالعافيه

 

[سهمك اخضر]

وعليكم السلام ورحمة الله وبركاته

مساء الخير

مساء الورد

هلا وغلا بشمعه الصفحه

 

[قديم بن عتيج]

العقل فيـه افراج في كل منهاج............والشر له منتاج قـل الحسانــي

راعـي القشر مذموم لو كان ملحوم............فعل تعدى القوم عار بياني

هذا صحيح القول والغيب مجهول.............والعلم له دالول قول لفانــي

تم الكلام وبايحوني يا لسلام..........هذا كلامي وختام باتلا المعانــي

 

[مرجان]

دام الصفحه فاتحها اخونا مرجان ابشرو باللون الاحمر.

حسبي الله على ابليسك يابو عبدالله

 

[كوهجي]

مساء الورد

هلا وغلا بشمعه الصفحه

أخجلتم تواضعنا

مالحقت علينا أنا وتريليون الصبح

 

[Winchester SX3]

إهداء

وصلني بالإيميل وحبيت أهل المقناص والطيور يقرأونه


الشاعر مبارك بن عينان الهاجري

يا عيد وصيتك على فرخ شاهين
................................يا ظن من هقوى وصابت ظنونه


تراك راعي صنف في الطير وذهين
................................... صقار والصقار ما يغلبونه


شافوه في الدوحة على ذمة حسين
...............................والناس في حي النصر يذكرونه


ما صار له في السوق يا عيد يومين
............................... مره يا بو محمد ولا لك مهونه


وكانه مثل بارود يا حي ذا العين
................................ لاشافه الصقار طارت جنونه


وحده من الثنتين ما فيه ثنتين
................................هاته وعطهم فيه ما يطلبونه


وعينك عليه يسار يا عيد ويمين
................................ وتراك راعيه مكاني وعونه


من قبل لا تصدف عيون الحسودين
................................ شله قبل يا عيد لا ينقلونه


ودارك عليه اشوي ببزين وببزين
......................... وتكفى يا بومحمد من الكفخ صونه


هذا شبيه اللي غدا قبل عامين
............................ اللي عقب فرقاه كثرت طعونه


بارود عقبه ما نقلت الشواهين
.............................ابطيت من جنسه وجرمه ولونه


طرح الشبك يا عيد ما هو بتهجين
............................ خلطة نمونه من فصيلة نمونه


شبك العمودة باخر الفين واثنين
.............................. قدام عيني يومهم يمهدونه


له من طلوع سهيل في الجو ستين
.............................ليلة وريشه بين شمس ولدونه


وعلى كفوفه من صبخ فارس الطين
.......................... وفيها من حيوده وضلعه خشونه


ومن يوم شفته قلت ما فيه رايين
............................... انا زبونه يا مدور زبونه


ما هي خسارة فيه لا سقت خمسين
.......................... الف على اللي لاعبر يشبكونه


غالي ولا يستاهله كود غاليين
............................علي نذر لاشريه باللي تبونه


لو كان يلحقني ورى سعره الدين
...........................صيده يسدد في عيوني ديونه


وافي وعاري ريش والعرض شبرين
....................... وطوله مثل عرضه ولا هو بدونه


طويل عاتق مفرعه حد سكين
....................... داب ٍ على الصيد يشخص عيونه


اسود ذرير الكحل في محجر العين
............................سواد ليلا لاتضافت ردونه


ذيله قصير اليا تلاقى الجناحين
.......................... ومتفهقات لانطحته متونه


واليا قفيته كانها روس رمحين
....................... وملامسه جبره ولا به ليونه


معقل السيقان ساقه بساقين
................... ساقه جبر ما فيه صخف ومرونه


استغفر الله ما يكفيه وكرين
.....................واشلون لي شافوه بيوصفونه


لي فرعوه وبرزوا وكره يزين
..................... وان برقعوه يزين ويفرعونه


وان برقعوه ودبروا عنه مقفين
...................... ما كنهم في البرقع يبرقعونه


منين ما حافوه ومنين ومنين
....................... يزيد زينه كل ما يدرجونه


وصيده في مقناص الحنية ثلاثين
.................واقصر عددها خوف لا ينضلونه


كنه يقول ان طيروها على وين
..................... يردها والروض ما يقطعونه


والخرب لاقفى للسما عقب طيرين
......................ويشوفها الشواف ويضيعونه


وقاموا هل الجيات واهل النياسين
...................... باسمه وفعله كلهم يزهمونه


غلوه والعداد من فوق تسعين
..................... ولا عاد عقبه طير بيلقفونه


يرقى يا لين يغط ويضيع ويبين
................... واللي يشوفه في السما يتبعونه


واذا استوى يرهي على اللحق يا معين
...................يلحق يا بو محمد ولا يلحقونه


راعيه في المقناص طلق الحجاجين
..................... ما هو بقرناس يربط بغونه


حرا على وكره تقل خيشة طحين
..................... لكنهم فاللحق ما يمدحونه


تلاب للمقفين في الطلع نعمين
............... وان صادها في القاع ما يعزلونه


واليا عزمت ياخذ معاها مردين
................ وعينه على الملواح لا يحذفونه


والطير لو ياخذ مع سنينه سنين
................احسب على يوم يجي فيه خونه


اما يموت وساعته ما لها حين
.................. والا يجي له وقت ويضيعونه

 

[سهمك اخضر]

أخجلتم تواضعنا

مالحقت علينا أنا وتريليون الصبح

والله هاليومين حايس بالمراجعات حواس

 

[كوهجي]

والله هاليومين حايس بالمراجعات حواس

الله يعطيك العافيه

ويسهل امورك

 

[MOHANNAD_SA]

استفسار عاجل من الخبراء

السلام عليكم

لدي استفسار أرجو من إخواني الخبراء يجاوبوني عليه

الأول:
سهم بنك الكويت الدولي .. لوين رايح ؟؟ أنا شريت 295 والحين ما أدري شنو راح يصير بعد هبوطه اليوم 15 فلس مرة واحده؟

الثاني:
بيتك
شريت 1.180 واليوم هابط 40 فلس

شنو السالفه يا إخوان ؟؟

أنتظر وربك المعين ولا أقلل خسارتي وأبيع الحين ؟؟؟

لكم جميعا التحية

 

[Winchester SX3]

السلام عليكم

لدي استفسار أرجو من إخواني الخبراء يجاوبوني عليه

الأول:
سهم بنك الكويت الدولي .. لوين رايح ؟؟ أنا شريت 295 والحين ما أدري شنو راح يصير بعد هبوطه اليوم 15 فلس مرة واحده؟

الثاني:
بيتك
شريت 1.180 واليوم هابط 40 فلس

شنو السالفه يا إخوان ؟؟

أنتظر وربك المعين ولا أقلل خسارتي وأبيع الحين ؟؟؟

لكم جميعا التحية

الدولي:

سهم جميل وهدف إرتفاعه فاحت ريحته حتى قهوجي الديوان عرفه وهو 305 أو 310

إقفال تحت 270 غير جيد

بيتك:

وصل السهم لسعر المقاومه القويه وهو 1.180 ولم يستطع إختراقه
الدعم الحالي :
1.120 و 1.100

إقفال تحت 1.060 غير جيد

إسمحلي عالقصور عطيتك زبدة الزبدة بناء على وجهة نظري الخاصه القابلة للخطأ قبل الصحه

إضافه بسيطه

أنا لست خبير

أنا مجتهد فقط

موفق خير وعساك دوم ربحان

 

[MOHANNAD_SA]

مشكوووووررررررر

يعطيك ألف ألف عافية أخوي Winchester SX3

عضو مميز عن جد .. ربي يحفظك ..

أنا والله أخوك متحسف إني شريت بهالوقت .. لأني حساس أن الدولي لا يمكن يطلع تاني ويصل إلى فوق 300 فلس في الأيام أو حتى الأسابيع الياية .. يمكن على آخر العام

ولا شايف كلامي غلط ؟

لك وللجميع مني التحية

 

[albasha]

ملاحظه وابي تفسير لها بالنسبه للسوق ككل

يااخوان من الملاحظ ان كم شركه واعتقد العدد ليس بقليل من الشركات تعلن عن حسابات الشركه والموجودات وحقوق المساهمين والارباح وغيره
وبعد كم يوم يطلع لنا خبر ثاني يقول ورد بالخطا مادري هل هي نقص بالعلم بالحساب او الشغله متعمده من قبل هذي الشركات

اعتقد انها تضر شريحه من المتداولين

لانه بعض المساهمين او المضاربين يدخلون على هذي الاسهم من اعلانهم

وهل الشركات هذي محاسبه من قبل هيئة السوق بخصوص هذي الاعلانات او انه عمك اصمخ ؟؟؟؟؟؟؟؟؟؟

وشكرا

 

[Q8 Stock]

ملاحظه وابي تفسير لها بالنسبه للسوق ككل

يااخوان من الملاحظ ان كم شركه واعتقد العدد ليس بقليل من الشركات تعلن عن حسابات الشركه والموجودات وحقوق المساهمين والارباح وغيره
وبعد كم يوم يطلع لنا خبر ثاني يقول ورد بالخطا مادري هل هي نقص بالعلم بالحساب او الشغله متعمده من قبل هذي الشركات

اعتقد انها تضر شريحه من المتداولين

لانه بعض المساهمين او المضاربين يدخلون على هذي الاسهم من اعلانهم

وهل الشركات هذي محاسبه من قبل هيئة السوق بخصوص هذي الاعلانات او انه عمك اصمخ ؟؟؟؟؟؟؟؟؟؟

وشكرا

والله اسأله مهم جدا
ومحتاج اضاحات كثيره
محتاجين احد يزودنا بهذي المعلومات

 

[Winchester SX3]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


[YOUTUBE]Hsoo4fW3ypc&feature=related[/YOUTUBE]

 

[yarab]

اخ الباشا

ليس بالشركات الكثيرة التي يحصل بها خطأ ربما شركة او اثنان وهذا خطأ وارد من كل مكان وفي كل الدول لا ننسى حين صار الخطأ من فترة بسيطه في البورصه الامريكيه ادت الى هبوط البورصه الى اكثر من 500 او 600 نقطه في اليوم وثاني يوم تم التعديل ولا زال الامر في التحقيق في امريكا فالخطا وارد في كل مكان وليس متعمد

 

[al7boob_77]

اخ الباشا

ليس بالشركات الكثيرة التي يحصل بها خطأ ربما شركة او اثنان وهذا خطأ وارد من كل مكان وفي كل الدول لا ننسى حين صار الخطأ من فترة بسيطه في البورصه الامريكيه ادت الى هبوط البورصه الى اكثر من 500 او 600 نقطه في اليوم وثاني يوم تم التعديل ولا زال الامر في التحقيق في امريكا فالخطا وارد في كل مكان وليس متعمد

هذا انت قلتها اخي العزيز في تحقيق ومحاسبه
طيب نفرض ان مثل هذي الاخطاء متعمده من قبل ملاك الشركه وسهم وبعد ما الناس باعت بخساره او صرفوا بربح عدلوا البيانات وتوهقت العالم
منو المسؤول اهني ومنو يعوض الناس خسارتها ؟؟؟

صحيح انها ما حدثت كثيرا ولكن قاعده تحدث وبكثر هذي الايام

وبعدين كلنا عارفين انه مثل هذي الاخطاء مستبعده جدااااااااااااا جداااااااااا لانه في محاسبة الشركه وفي محاسبة الخارجيه وفي البنك المركزي وتتم مراجعة البيانات بدقه اكثر من مره قبل الاعلان عنها ...؟
ولكن لا توجد محاسبه جاده من قبل ادارة البورصه

 

[albasha]

اخ الباشا

ليس بالشركات الكثيرة التي يحصل بها خطأ ربما شركة او اثنان وهذا خطأ وارد من كل مكان وفي كل الدول لا ننسى حين صار الخطأ من فترة بسيطه في البورصه الامريكيه ادت الى هبوط البورصه الى اكثر من 500 او 600 نقطه في اليوم وثاني يوم تم التعديل ولا زال الامر في التحقيق في امريكا فالخطا وارد في كل مكان وليس متعمد

والله يالغالي مادري شقولك
الظاهر انت ليس من المتابعين للاعلانات
لانه الشي هذا انا قاعد الاحظه شبه اسبوعي