هل تعرف احد متزوج علي زوجته بالسر ؟

[بو متعب]

الزواج بالسر اولى من الزنا لكن اغلب الحريم عندهم ان الزوج يخون من وراها افضل من الزواج عليها مما زاد من انتشار الزنا فى المجتمعات واعتقد لو المرأه توافق لفكره الزواج عليها وماتقلب الدنيا عالزوج لكان ابرك للمجتمع الملىء بالمطلقات والعوانس والزنا ,,

الاخ ماجد اصاب كبد الحقيقة
نعم هناك من تدري و بالنسبة لها عادي بس لا يتزوج عليها رسمي
ولكن الخطأ من الرجل الزاني وحسب مفهومها هي تريد الحفاظ على البيت لو انها عوبه وتبي اي زله عليه جان قالت له شكو محلق لحيتك ليش كاشخ و ليش متبخر ومتعطر وليش وليش ووو بعدها الانفصال ياتي تلقائي
لا للخيانة
ما احب زواج الخوافين يا قدها وتعلن او ارتاح بالقهوى وشيش
نعم للتمتع بالحلال والزواج الشرعي
من ناحيتي لو افكر اتزوج الثانية اتزوج بكل شجاعة الا اذا هي قالت لا تعلن لان عندها ظرف معين هذا موضوع ثاني

 

[مجد 91]

الزواج من ثنتين شخص غير منتج ولا فائدة منه في المجتمع

 

[zidantheking]

ما اويد

لاني اعتبر الي يتزوج بلسر خواف و جبان درجة بلاتينية

 

[ابو عيسى]

انا اعتبره مو خوف اللي يتزوج بالسر ,,, اعتبر الزواج بالسر من قلة الماديه ولا لو عنده ويملك ما انخش

ولا اشرايكم

 

[ريّس نفسه]

اساس الزواج الاشهاااااااااااااار

الاشهار عند اهل الزوجة الثانية .. ماكو مشكلة

ما اويد

لاني اعتبر الي يتزوج بلسر خواف و جبان درجة بلاتينية

يشرفني اصافح انسان جبان ولا يشرفني اصافح انسان رايح راد دول مشبوهة

 

[ريّس نفسه]

اؤيد .. وبقوة

دام انه تشريع *سماوي*

دام انه حل لمشكلة تحول البنات في سن الورد الى عوانس

دام انه حل يرضي الله لمشكلة عدم اكتفاء الزوج

وبعدين.. باب اجر توكل على الله وانا شاهد اول

 

[away1979]

انا اعتبره مو خوف اللي يتزوج بالسر ,,, اعتبر الزواج بالسر من قلة الماديه ولا لو عنده ويملك ما انخش

ولا اشرايكم

كلك صح وانا مأيدك يابو عيسى ​

 

[kuwait1979]

اللي عنده فلوس خل يتزوج بدل الوحده أربع .
بس اذا انت على المعاش وعلى قد حالك
ابلع العافيه وقول الحمدلله - العيشه صعبه
هالايام مع وحده هالنوبه مع ................. .

 

[الهمس الخجول]

تبــــــــــون الصدق من قرأت الموضوع واحس انو الكاتب يحكي بصوت واطي عشان محد يسمعه :

اقوول تزوجوا بالسر محد بداري عنكم خالي متزوج بالسر وعندهـ درزنيين عيال ولحد الأن زوجته الأولى ماعندها خبر بس جدتي ومامي وخالاتي يعرفون انو متزوج وحلف يمين وبالطلاق اللي تخبر زوجته الاولى انو بيخلي زوجها يتزوج عليها طبعاً الحلوات خافوا من التهديد وامسكوا ارضهم واهجدوا ولا بعد راحوا للعروس وباركوا لها

 

[ابو عيسى]

الاشهار عند اهل الزوجة الثانية .. ماكو مشكلة






يشرفني اصافح انسان جبان ولا يشرفني اصافح انسان رايح راد دول مشبوهة

عاد في حريم يقولون روح جهنم بس لا تتزوج علي

يخافون من كلام الناس بس

وانا بصراحه ما اعرف منو يتزوج بالسر ولا أأيده بتاتا

يا تواجه ولا بلاش ,,, وصح اللي قال لاتبوق لا تخاف

 

[ريّس نفسه]

عاد في حريم يقولون روح جهنم بس لا تتزوج علي

يخافون من كلام الناس بس

وانا بصراحه ما اعرف منو يتزوج بالسر ولا أأيده بتاتا

يا تواجه ولا بلاش ,,, وصح اللي قال لاتبوق لا تخاف

يا جماعة انتوا ماخذين سالفة السر على انها خوف بس مو كل الحالات خوف

ترى الحريم يتفاوتون بردة الفعل، عندك وحدة عاقلة، الثانية تلقاها متهورة الثالثة حساسة ... الخ ... ما نقدر نحط مسطرة ونقول هذي المعادلة ناجحة مع كل الحريم .. ما يصيرررر .. كل بيت وله ظروفه..

فالرجل اللي يفكر بموضوع الزوجة الثانية تلقاه رجل يبي الستر والحلال بدون لا يدخل عياله في متاهات هم كانوا بعاد عنها .. منها الخلافات اللي ممكن تحصل جدام العيال .. وممكن توصل الى طلاق ومحاكم وجلسات
واليهال يضيعون ما بين الاب والام ..

فالسالفة مو سالفة خووف وجبن كثر ماهي درء لمفسدة ممكن حلها واحتوائها مع مرور الوقت .. يعني مو شجاعة الواحد يسوي روحه بطل ويخرب بيته بإيده .. يقدر يسوي اللي براسه وبالحلال وبدون لا يدخل البيت في عاصفة مالها اي داع غير .. اثبات رجولته وشجاعته!

 

[fesalll]

اؤيد الثانيه خاصه اذا بنت فلوس

 

[اكسبلورر]

يجب ان لانعطي اونتكلم بالموضوع بشكل عام بان نؤيد اولا نؤيد
لكل شخص حالة خاصة هو ادرى فيها
واذا كان سبب قوي بالنسبة لشخص نفسة الذي يريد الزواج
فيكون جبان اذا لم يتزوج
يعلن او لا يعلن حسب الظروف
وعلي فكرة يمكن يكون السبب جدا عادي ولكن الشخص الذي
يريد الزواج يرى انة كبير فهو كبير خلاص

 

[zidantheking]

الاشهار عند اهل الزوجة الثانية .. ماكو مشكلة






يشرفني اصافح انسان جبان ولا يشرفني اصافح انسان رايح راد دول مشبوهة

تتكلم عن منو

 

[باناسونيك..]

في الزواج بالسر لكل حالة (سواء رجل او امراه) ولها ظروفها لكن للأسف زواجاً لا يخلو من المعانااااااااااة

 

[باناسونيك..]

يا جماعة انتوا ماخذين سالفة السر على انها خوف بس مو كل الحالات خوف

ترى الحريم يتفاوتون بردة الفعل، عندك وحدة عاقلة، الثانية تلقاها متهورة الثالثة حساسة ... الخ ... ما نقدر نحط مسطرة ونقول هذي المعادلة ناجحة مع كل الحريم .. ما يصيرررر .. كل بيت وله ظروفه..

فالرجل اللي يفكر بموضوع الزوجة الثانية تلقاه رجل يبي الستر والحلال بدون لا يدخل عياله في متاهات هم كانوا بعاد عنها .. منها الخلافات اللي ممكن تحصل جدام العيال .. وممكن توصل الى طلاق ومحاكم وجلسات
واليهال يضيعون ما بين الاب والام ..

فالسالفة مو سالفة خووف وجبن كثر ماهي درء لمفسدة ممكن حلها واحتوائها مع مرور الوقت .. يعني مو شجاعة الواحد يسوي روحه بطل ويخرب بيته بإيده .. يقدر يسوي اللي براسه وبالحلال وبدون لا يدخل البيت في عاصفة مالها اي داع غير .. اثبات رجولته وشجاعته!

أحسنت بارك الله فيك كلام منطقي يدل علي رجاحة عقل

 

[Balloons Shop]

دام أنه زواج شرعي أنا أؤيده سر وألا علن
كيفهم وعلى حسب ظروفهم المهم مطبقين شروط الزواج الصحيحة

خلوا العالم تتزوج وتعف نفسها إمرأة أو رجل

وخل بعض الحريم يتأدبون بعضهم المهملات بأزواجهم في غيرهم سنعات وتقوم بالزوج وتتمنى ظله

الرجل ربي شرع له أربع لطبيعة فطرية فيه ، فما ذنبه لو تزوج بوحده حنانه زنانة غبية ومهملة بنفسها وبشكلها
إلا إذا هو غبي فالوحشين وحاشتهم تحميهم على قولة رشد أباظة في فيلم أذكياء لكن أغبياء ههههه

 

[صقر3]

اؤيد الثانيه خاصه اذا بنت فلوس

هذي وينها بنت فلوس تعبنا وحنا ندور

 

[bo fawaz]

نعم اعرف شخص متزوج على زوجته بالسر
:d
1- سهمك خضر

2- ابوسليمان​

 

[ورد و هيل]

المفروض الانسان القوي الشخصيةو الواثق من نفسه يخبر زوجته من الاول عشان يرتاح الكل
خلوني اخبركم هالقصة الطريفة
في شخص مسؤول يمرني الدوام لانهاء معاملاته
وهذا الانسان الله اعطاه االوسامة و الشخصية القوية والمال والجاه والهيبة و العايله الكبيرة والنسايب الاغنى منه والاهم طبعا الالتزام القوي بالدين
واهوا متزوج واب وجد
كل مرة يدخل مكتبي - اول سؤال يطلبه مني - شوفي لي بنت حلال
او مطلقة او ارملة اتزوجها --انا ابتسم واقول له هذا مكتب عمل مو خطبة - يرد بجملته المعهودة -اللي تعرفه احسن من اللي ما تعرفه --المهم اهم شروطه زواج سري - مافي عيال - والزوجة الاولى هي الباقية اذا درت بالزواج الثاني يعني راح يطلق الثانية

بذمتكم
منو فيكم راح يزوج اخته او بنته حق هالشخص ؟