هل تعرف احد متزوج علي زوجته بالسر ؟

[ابوبدر33]

السلام عليكم

الموضوع مثل عنوانه عن الزواج الثاني بالسر

انا عن نفسي اعرف كذا واحد متزوج علي زوجته الأولي بالسر زواج رسمي وعنده اولاد ولكن حقوقها اقل من حقوق الزوجه الأولي من ناحية المبيت والمصرف وذلك لأتفاق مسبق بينهم
يعني الزوجه الثانيه شايله نفسها بنفسها من راتبها ومتنازله عن بعض حقوقها

اعرف واحد تزوج علي زوجته 5 سنين ومحد صاده ورزقه الله من الزوجه الثانيه اولاد وبعد 5 سنين زواج تم كشف زواجه الثاني وطبعاً زوجته الأولي زعلت وراحت اهلها شهرين ثلاثه وبعدين رجعت لزوجها وطاح الحطب

السؤال

هل تؤيد لاحظ اني قلت تؤيد ماقلت تؤيدين الزواج الثاني بالسر يعني علي الأقل كم سنه وبعدين يحلها الف حلال

 

[ابن تيميه]

لم يمر علي أحد متزوج بالسر على زوجته الاولى ...نعم أؤيد

 

[الصامد.م]

لا اؤيد الزواج بالسر لأني اعتبر اللي يسويها جبان وما يقدر يواجه

 

[سرور]

الاحسن عزوبي بالسر ..هههههههههه

 

[ADEL ALAZMI]

طبعا لا اويد .... لان مو حرام ولا عيب الزواج من ثانيه وثالثه ورابعه

 

[acton]

بالسر ليش لازم بيي يوم راح ينكشف الا اذا عنده علاقه غير شرعيه ​

 

[صقر3]

مافي وحده تقبلني بسرررر​

 

[الحقيقة في جيبي]

للأمــــــام ســـــــــــــــــر

 

[مسـتـثـمـر]

بيني وبينك اللحين محد يعلم انة متزوج ثانية بالسر

عن نفسي والله لو احصل بنت حلال تبي الستر آخذها ولا عندي مانع

خاصة متدينات ومتطوعات في العمل الخيري كويتية او غير كويتية

طالما اني اخاف الله وتوني شباب الحلال ابرك

يا رب احفظ شباب و بنات المسلمين​

 

[سهمك اخضر]

الي متزوج على زوجته اكيد فيها تقصير يعتمد من اي ناحيه

واذا هي مقصره ولا فيها خير ليش اخليه عندي اطلقه واخذ غيرها

احسن من اني اتزوج بسر والي يتزوج بسر هذا جبان ولا يقدر يوجه


عموما" الزواج توافيق وأولفه بين الاثنين

لا ما اويد


والله يخلي حريمنا لنا حافظين بيتنا وعيالنا

 

[الصدق منجاة]

طبعا لا اويد .... لان مو حرام ولا عيب الزواج من ثانيه وثالثه ورابعه

يالعازمي كلامك صحيح بس اذا كان ماخذ اربع ؟؟؟؟؟

انا اقول من الخامسه اوارا بالسر

​

 

[weld.q8]

الصرااااحـــــــــــــــــــــــــــــه راحـــــــــــــــــــــــــــــــــــــه ياأخـــــــوان

 

[السيدةالانيقة]

ما قوووول الا الله يعييين الحريم ....
السر مو نفس المسيار والا هذي طريقة أخري من طرقكم المبتكرة ::verymad::

​

 

[ماجد العلى]

الزواج بالسر اولى من الزنا لكن اغلب الحريم عندهم ان الزوج يخون من وراها افضل من الزواج عليها مما زاد من انتشار الزنا فى المجتمعات واعتقد لو المرأه توافق لفكره الزواج عليها وماتقلب الدنيا عالزوج لكان ابرك للمجتمع الملىء بالمطلقات والعوانس والزنا ,,

 

[صقر3]

الزواج بالسر اولى من الزنا لكن اغلب الحريم عندهم ان الزوج يخون من وراها افضل من الزواج عليها مما زاد من انتشار الزنا فى المجتمعات واعتقد لو المرأه توافق لفكره الزواج عليها وماتقلب الدنيا عالزوج لكان ابرك للمجتمع الملىء بالمطلقات والعوانس والزنا ,,

الله يهديك شكو زنا في الزواج السر في زواج بسررر من غير لا تعرف الزوجه الاولي هذا المقصود ​

 

[ماجد العلى]

الله يهديك شكو زنا في الزواج السر في زواج بسررر من غير لا تعرف الزوجه الاولي هذا المقصود ​

اقصد انه من الأولى ان تتزوج بالسر من ان تزنى ..الله يهدينى معاك يالغالى

 

[كويتيه @]

اساس الزواج الاشهاااااااااااااار

 

[سرور]

اساس الزواج الاشهاااااااااااااار

اسمحيلي ما اتفق معاك
شروط الزواج الايجاب والقبول وشاهدين ( هذا ما درسته في الفقه الاسلامي)

 

[بوحميد]

اساس الزواج الاشهاااااااااااااار

شهادة الشهود هي الإشهار ... يعيني مو ضروري أحد يعرف غير الشهود

 

[kuwaitey]

لا تبوق لا تخاف

طالما انه زواج وعلى سنة الله ورسوله ليش يكون بسر لا والله اعلنه ورسمى بعد

الله يبعد عننا الزواج من الثانيه ومشاكله