عندي 30 الف وابي مشروع مضمون

[q8rottweilers]

يعطيكم العافية
اخواني انا عندي مبلغ 30 الف بحسابي بدش فيهم مشروع وحاليا حاط فبالي افتح مؤسسة تأجير سيارات يابانية لان انا حاب هالمجال وايد....لكن متخوف منه لان راح يستهلك راس المال كله وماعندي فكرة عن ارباحه
الي يقدر يشور علي وينصحني اكون شاكرله
ومشكورين مقدما

 

[::فزاع::]

عسى الله يوفقك لكن ثق تمااامن انه مافي شي مضمون!

 

[q8rottweilers]

تسلملي اخوي فزاع وكلامك صحيح والتوفيق من الله لكن الواحد ياخذ بالاسباب
ناطرين ردود الاخوان

 

[Onset]

الله يوفقك .....
بس انا بنصحك نصيحة اشتغل بشي انت تحبة وقبل كل شي لايأخذك حبك للمشروع وماتدرس الموضوع ..... يعني اهم شي سو دراسة جدوي لمشروعك وادرسة وسجل كل شي علي الورق
واحسب كل شي وصدقني ماراح تندم والله خذ نصيحتي ..... وفالك البيرق

 

[ح.الموسوي]

السلام عليكم

ياخوي ما انصحك لان التاجير مكلف ومشاكله وايد وكثروا المكاتب بالديره والحين اكثر الناس

تبي سيارات كشخه يعني حرام تدش بمتاهات التاجير ومشاكله مع الناس

انصحك دش مجال مواد البناء عن تجربه فيه ربح ممتاز

والله يوفقك

 

[delly]

السلام عليكم

ياخوي ما انصحك لان التاجير مكلف ومشاكله وايد وكثروا المكاتب بالديره والحين اكثر الناس

تبي سيارات كشخه يعني حرام تدش بمتاهات التاجير ومشاكله مع الناس

انصحك دش مجال مواد البناء عن تجربه فيه ربح ممتاز

والله يوفقك

اخوي ممكن تشرح مجال مواد البنيان؟ طابوق و سميت يعني؟
من وين اييبهم ؟ تجار الجمله او مصانع؟

 

[saadkuwait]

تبي أخدمك خدمة العمر
أستورد فحم من مصر وراح تكسب ملايييييييين وبيعه بالكويت
بس يبيلك مخزن كبير ورخصة استيراد وتصدير
والله يوفقك

 

[ح.الموسوي]

السلام عليكم ورحمة الله تعالى وبركاته

اخوي مجال مواد البناء كبير ومفتوح

تقدر تاخذ حديد مثلا بالجمله وتبيع على محلات او طابوق او ادوات صحيه او او او وايد مجاله واسع

واذا تبي تستفيد اكثر حط رقمك على الخاص وانا اشرح لك وادليك بدايه الطريج وانت وشطارتك

طبعا انا مابي منك اي فايده ابيك تستفيد بس علما باني بالمجال هذا اكثر من 10 سنوات

يعني ان شاء الله راح تدعي لي

الله يوفقك الجميع

 

[ابو شافي]

اخوي الموسوي ياليت تعطيني فكره عن الموضوع وتشرحلي ولاتهون كيفك بالخاص او العام

 

[قناص_السوق]

بدى الحسد يعم يالموسوي طلعت من هين

 

[ح.الموسوي]

ياجماعه انا قبل فتره حطيت موضوع وطلبت شريك وطبعا ما حصلت اهميه والحمدلله اخوي اخذ قرض وشاركني وبالتوفيق من الله قدرنا نشتغل ونتوسع بالتجاره وسكرت قرضه طبعا الكل يستغرب شلون انا ما سكرت قرضه من الفايده خلال ثلاث شهور لا طبعا سكرنا القرض بضمان المحل يعني شرح بسيط عندي محل والمحل شغال صح وانزل بضاعه يومي التجار وثقوا فيني ونزلوا لي بضاعه كردت ومن فلوس البيع سكرنا القرض والفايده ندفعها حق التجار والحمدلله تحتاج توفيق من الله وقلب جامد ومشت معانا حاليا مافي دين على المحل والبضاعه اللي تنزل ندفع فلوسها كاش والشغل ماشي تمام

للعلم قبل رمضان نزلت حديد تقريبا 400طن كردت والحمدلله صعد بعد نص رمضان وبعت بربح تقريبا 8000دينار بس وبعد جم يوم نزل سعر الحديد مره ثانيه يعني الشغله تحتاج خبره

الموضوع شرحه طويل اذا الاخوان حابين يستفيدون اكثر نفتح موضوع خاص وان شاء الله اقدر افيدكم اكثر

ياجماعه لا احد يقول شراكه انا ابي افيدكم بس ومااقصر مع احد وارشده الا الطريق واهو عاد وشطارته

اتمنى للجميع الخير والتوفيق من الله

 

[kw-serv]

اولا ماشاء الله والله يوفقك ويهنيك فيهم
بالنسبة للمشاريع ماعندي اي فكرة
ولكن انصحك بشغل الانترنت
يعني شوف لك موقع مشهور وناس تدخله زواره فوق 2000 باليوم وفيه اعلانات واشتره من صاحبه ب 1000 او 2000 دينار بس يكون فيه اعلانات وايد يعني موقع المزاد الكويتي ماشاء الله ارباحه الشهريا اقل شي 1000 دينار ماشاء الله

 

[المغامر_1986]

والله انصحك بالاستيراد بشكل عام والله اعلم

 

[اخر العنقود2]

تبي مشروع ممتاز ... عندي لك مشروع قوي صافي الربح شهريا 500 دينار وقيمة المشروع 8 الف دينار . واذا جاد على الخاص اعطيك التفاصيل .

 

[عنواني الصدق]

الله يوفقك
انصحك بصلاة الاستخاره قبل كل شي

 

[fawazzz]

ماشالله عليك الموسوي عيني عليك باردة
انا عن نفسي اخاف اسوي اي مشروع لاني اخاف اخسر فلوسي اللي تعبت وانا اجمعها
انصح بشراء شقة تمليك وتاجيرها وجذي انت تضمن عدم الخسارة والله اعلم
اعتبرها نصيحة من غشيم

 

[ح.الموسوي]

والله يا فواز شقولك التجاره يبيلها توفيق من الله ثم قلب قوي وجامد وتتسهل لا تخاف الفلوس تروح وترجع لا تحاتيها مو زين تتعب عموما الله يوفق الجميع وانا حاضر بالشوفه اللي يبي يدش مجال مواد البناء يراسلني خاص ويحط رقمه وانا اعطيه امور ان شاء الله مضمونه وفيها ربح وصدقوني كل واحد وشطارته

 

[نايـف]

عسى الله يوفقك انصحك بمشروع مدخوله حلال ومافيه تعب واذا حصلت شريك معاك احسن لك بوايد وعسى الله يوفقنا وياك

 

[.:. عطر .:.]

الموسوي يعطيك العافية.. افتح لنا موضوع عن مواد البنيان و ما يتعلق فيه رح يدعيلك الكل و يذكرونك بخير .

راعي الموضوع الله يوفقك الشباب ما قصروا .

 

[q8rottweilers]

ياجماعة الله يرضالي عليكم انا اسأل عن تاجير السيايير مو البنيان ماعليكم امر لا تدخلون بمواضيع جانبية وشكرا