الشركة الوطنية للميادين... (ميادين)

[النصار]

امس السوق نازل السهم صاعد اليوم السوق صاعد السهم نازل

 

[cesc]

داااايخ السهم

اقسم بالله انه مثل اللغز
لكن الحمدلله ع كل حال ..

 

[مستثمر 2009]

الكميه المتداوله 4000.000
الكميه المطلوبه 400.000
الصفقات 40

ارقام مميزه
ان شاءالله تصعد 40 فلس
اللهم امين

 

[bluesoft]

اشتدي يا ازمة تنفرجي

 

[sporty72]

لاتغركم كميات العروض الموجودة انا بروحي عارض نص مليون وطالب قرابة المليون للمضاربة
وأقدر ألغي الأوامر اذا صارت حركة عالسهم سواء بالعرض أو الطلب
يعني حتى صغار المستثمرين يقدرون يأثرون عالسهم بهالأسعار

 

[debtor]

لاتغركم كميات العروض الموجودة انا بروحي عارض نص مليون وطالب قرابة المليون للمضاربة
وأقدر ألغي الأوامر اذا صارت حركة عالسهم سواء بالعرض أو الطلب
يعني حتى صغار المستثمرين يقدرون يأثرون عالسهم بهالأسعار

شيلهم واللي يسلمك ....قهرني ه السهم ....صج خارج كل التوقعات

 

[حدى راهى]

ههههههههه والله هالسهم نكته لازم نسويله برودكاست

 

[frozen]

هالسهم حرام عليه بورصة الكويت المفروض نشوفه بالبورصات العالميه لندن و طوكيو لان ماشاالله سعره متماسك 4 اشهر

 

[النصار]

هالسهم حرام عليه بورصة الكويت المفروض نشوفه بالبورصات العالميه لندن و طوكيو لان ماشاالله سعره متماسك 4 اشهر

بورصة باكستان وايد عليه

 

[مستثمر 2009]

لاتغركم كميات العروض الموجودة انا بروحي عارض نص مليون وطالب قرابة المليون للمضاربة
وأقدر ألغي الأوامر اذا صارت حركة عالسهم سواء بالعرض أو الطلب
يعني حتى صغار المستثمرين يقدرون يأثرون عالسهم بهالأسعار

اخوي انا لاشفت كمية الطلب اكثر من العرض
استانس رغم خسارتي واحس ان الناس تبي السهم
اذ تقدر تطلب كميات اي والله اطلب تكفه
حتى لو تطلب على 17 فلس بس امهم ان الطلب اكثر من العرض

 

[debtor]

والله حيرة

والله احترت في هذي الشركة

ليس ما يستدعي هذا الوضع ....

أخاف في مشاكل خفية

ان صعدت تصعد نص فلس

والسوق مشلع اليوم فوق وهي نازلة نص فلس

أحد يفك هذا اللغز اللي مأرقني ومحيرني

 

[bluesoft]

حسب خبرتي بتجارب مماثلة في شركات اخرى كالمجموعة الدولية وغلف انفست
هذه الاسعار والاوضاع نتيجة لتسييل كثير من كبار الملاك لاسهمهم في وقت قصير او قبل تاريخ معين
صارتلي بغلف انفست واحنا نقول شلي صاير اثاري الاهلية تقط ملايين كل يوم

وطبعا كبار الملاك ما يتخلون عن سهم الا اذا كانو مضطرين للتسييل لاسباب خارجة عن ارادتهم مثل القروض والضمانات المحجوزة للبنوك

او عارفين اخبار خفيه
والعلم عند علام الغيوب

ويمكن كثير من صغار المستثمرين يبون يسيلون قبل الارتفاعة القوية للسوق الشهور القادمة دام ان ميادين محلك سر

 

[smsxxxsms]

مجرد رأي:
"ميادين" في هذا الوقت لديها حركتين:
1-مضاربات بشكل "احترافي" وهي واضحة جدا جدا الآن وبطريقة "مملة"
2-"استثمار" من هذه النقاط المتدنية 19-21 فلس وهذه الطريقة "تحتاج وقت وصبر" فقط للانطلاق الى مستويات اعلى
"من يزرع يحصد"

 

[sporty72]

اخوي انا لاشفت كمية الطلب اكثر من العرض
استانس رغم خسارتي واحس ان الناس تبي السهم
اذ تقدر تطلب كميات اي والله اطلب تكفه
حتى لو تطلب على 17 فلس بس امهم ان الطلب اكثر من العرض

والله يا أخوي يعني شكثر أقدر أطلب ومو كل مرة أقدر الا اذا كنت مسيل باجي الأسهم
وبعدين اذا ملاك السهم مايدعمون ولايحركون سهمهم تبينا احنا يا المساكين ندعم السهم
عشان جذي عجبتني فكرة المضاربة النص فلس بكميات كبيرة هم فيها لقمة حلوة

 

[debtor]

مجرد رأي:
"ميادين" في هذا الوقت لديها حركتين:
1-مضاربات بشكل "احترافي" وهي واضحة جدا جدا الآن وبطريقة "مملة"
2-"استثمار" من هذه النقاط المتدنية 19-21 فلس وهذه الطريقة "تحتاج وقت وصبر" فقط للانطلاق الى مستويات اعلى
"من يزرع يحصد"

والله ياخوي هذي الشركة ما يبيلها أي صبر

ما ينفع الا صبر أيوب

من شهر 9 السنة اللي طافت كانت 50 فلس

نشفونا

 

[حدى راهى]

منقول
من الزميل 1st choice
«الميادين» تمدد مفاوضات استكمال مشروع شمس أبو ظبي شهرين

كتب تامر حماد:
أبلغ مصدر مسؤول في الشركة الوطنية للميادين «الوطن» ان الشركة مددت مفاوضاتها لمدة شهرين اضافيين مع مستثمرين من الصين وبلجيكا بشأن استكمال مشروع شمس أبو ظبي.
وافاد المصدر ان التركيز حاليا ينصب على مشروع شمس أبو ظبي وانها عمدت الى ايقاف جميع اعمال التطوير في المشروعين في شمس أبو ظبي ومدينة دبي الملاحة بدولة الامارات المتحدة وذلك حتى استعادة قدرتها على توفير اللازم لمتابعة اعمال التطوير والتسويق، لافتا الى ان المباحثات لاتزال مستمرة وقائمة مع المطورين.

 

[مستثمر 2009]

شنو قصة السهم نص فلس نازل
صاعد نص فلس

 

[الهدف البعيد]

هالسهم دخانة واصل لي فووووووووق
لكن نارة موباينة ليمي الحين

 

[مستثمر 2009]

الحمدالله رجع لسعره
وان شاءالله يرتفع

 

[debtor]

سهم غريب ولا اكه مثله

رح أفتك والله يعوض.....

مع السلامة