الشارجر كسيارة بالنسبة لسعرها ممتازة لكن في أمور لازم تعرفها
1- الوكيل من أسوء وكلاء الكويت يعني يبيعك سيارة رخيصة لكن يطلع الفرق بالسيرفس
2- تبديل الدهن كل 5 آلاف ب 22 دينار و كل 10 آلاف ب42 دينار مع تشييك على السيارة و المبلغ يعتبر غالي و المشكلة ما تقدر تبدل بره الوكالة لأن الكفالة راح تطيح
3- شريت كشافات من الوكالة سعرهم تقريبا 40 دينار و تركيبهم ب 50 دينار يعني التركيب أغلى من سعر الكشافات
4- وهذي مهمة البريكات و كل اللي عندهم شارجر راح يأكدون لك هذا الكلام تعبانة لأبعد الحدود
5- السيارة مو ثابتة خصوصا بالمطر فلا تعتمد عليها بالسرعات العالية حالها حال الفورد الكراون فكتوريا
6- فعلا مثل ما ذكر أحد الأخوان في طقة بالجير غير مريحة ما أدري اذا موجودة في موديلات فوق 2008 لأن سيارتي كانت موديل 2008
هذي أهم عيوب السيارة و لازلت أقول ان السيارة بالنسبة لسعرها جديدة يعتبر ممتاز و اذا سياقتق راكدة أنصحك تاخذ 2010 مستعمل استعمال خفيف و اتحط 1500 دينار بجيبك أو تنطر موديل 2011 لأنه شكله متغير
موفق