شركة المعدات القابضة ش.م.ك مقفلة ( المعدات ) .

[Mr.Jad]

هل يعقل ما يحدث للسهم ...من غير المبرر هذا السقوط الحر ....
حسبي الله و نعم الوكيل

 

[Hit_and_Sell]

اكيد يوجد اكثر من مبرر ولا نعلم به !! بس الله يكون بعون الاخوان اللي اشتروا فوق ال200فلس وبالنسبه للاخوان اللي اشتروا حاليا ف الله يعينهم على المضاربه مع العابثين بالسهم

وصبر جميل والله المستعان

 

[Hit_and_Sell]

سهم المعدات:

الكميه المتحكمه بالسوق12مليون سهم تقريبا

التداولات السابقه على هذه الكميه:

10مليون على اسعار 222-232فلس
12 مليون على 202-212فلس (سعر جديد للسهم)
9مليون على 170-184فلس (سعر اخر جديد)

القيمه الدفتريه الحاليه 115فلس (حسب موقع ارقام الاقتصادي)

ارباح النصف الاول 3.17مليون دينار

القبس - 21-10-2013

أعلنت هيئة أسواق المال العام عن تقديم بلاغ لنيابة سوق المال بتاريخ 2013/10/10، عن شبهة وقوع الجريمة المنصوص عليها في المادة 122 من القانون رقم 7 لسنة 2010، بقيام متداولين من خلال أحد الوسطاء بإجراء صفقات تبادلية في السوق الرسمي على سهم شركة المعدات القابضة (المعدات)، بهدف رفع سعر الورقة المالية وحث الآخرين على التداول على السهم.
الحين البلاغ والتشكك في الجريمه والتعاملات من تاريخ 10-10-2013 وادارة السوق ساكته ولا اتخذت اي اجراء ضد السهم !؟!؟

انزين على الاقل طلبي منهم تزويدكم بتفسير للي قاعد يحصل على السهم !! ادارة السوق والهيئه بكبرهم مايستحون على اويوههم ولا يقدرون يديرون خباز ولا محل ورد عشان يديرون سوق وهيئه !!

لا والهيئه اسمها اكبر منها .. كأنهم صج هيئه هههههه

والله ضحكوني هيئة سوق المال مال تدخل عليهم دايس 260 وتطشرهم واحد واحد

 

[SAMSUNG]

دام الشباب تشيير

خلوني اشيير وياكم

بكره ان شاء الله

يرتد من 160فلس

والله أعلى وأعلم .

 

[Hit_and_Sell]

اخوي بوسعود

ارجع للمشاركات القديمه راح تشوف تحليلنا للسهم ولكن مو كل تحليل واجتهاد يصيب..

والناس مو ناقصه شماته

وبارك الله فيك

 

[Nameless]

المعدات اشوف له هدف سلبي حدود 170-174 تقريباً
وهذا رسم توضيحي وضعته الاسبوع الماضي
والله اعلم

سلام عليكم
يا اخوان هذا مشاركه لي في تاريخ 29 سبتمبر ارجع لي صفحة 26 وشوف الشارت اللي حاطه
كان سعر السهم 250 وقلت له هدف سلبي بحدود 170 وها نحن نصل الى الهدف
المقصد من الكلام.. مفروض على كل من يملكه في وقتها أي يوقف خسارته بكسر 250 لمدة يومين وبتداول عالي
وهذا ما حصل تم الكسر وكان بتداول عالي.. واكثر من شخص حذر من معدات وقتها
العبرة من هذا الكلام يجب علينا ان نتبع التحليل الفني (صحيح هو ليس بقرآن) لكن يقينا بنسبة كبيره من المخاطر
فمثلاً ان اعطى مؤشرات سلبيه ودلائل كثيره على سلبيته وقف خسارتك واخرج فوراً

والسهم لازال سلبي بوجة نظري وهي بالتأكيد ليست دعوه لفعل أي شيء
واللي مو داش على السهم خلك بعيد عنه الى ان يعطي مؤشرات وايحاءات ايجابيه
وهذا والله اعلم

 

[BOAHMAD]

السلام عليكم

اخوي بوحمد ذكرت انه لايوجد سبب يستدعي صعود السهم ولانه لاتوجد ارباح في الربع الحالي...

بس شنو علاقة صعود او نزول السهم بالارباح وخصوصا في سوقنا الموقر؟!

في اسهم تملك خسائر وقاعده تصعد !!! وبعدين سهم المعدات يعتبر تشغيلي وعقوده واضحه ومعلنه من بداية هالسنه!!!

الرجاء التكرم علينا بالافاده وجزاكم الله خير

طويل العمر
اولاً مساك الله بالخير
لوترجع للمشاركات القديمه بداية صعود السهم من ١٠٠ فلس كانت لي مشاركه بانه لايوجد مبرّر لصعود السهم غير المضاربه والتصريف

قصدت من كلامي بالمشاركه السابقه بان الهدف من الصعود تحقق ومافي مبرر حاليا للصعود :- الهدف الاساسي كان للتصريف وليس صراع على الكراسي وبعد الانتهاء من هدف الصعود لايوجد عندهم سبب او مبرر لتصعيد السهم بالفتره الحاليه
السهم راح يتم مكانك راوح حتى يتم تجميع اكبر كميّه من الاسهم للفتره القادمه

وانا معاك حسب ماذكرت اخوي ان سوقنا مايعترف بالارباح والاسهم الخسرانه صاعده ،،

 

[BOAHMAD]

دام الشباب تشيير

خلوني اشيير وياكم

بكره ان شاء الله

يرتد من 160فلس

والله أعلى وأعلم .

السالفه موتشيير

ولو كل من قام ونجر ماظل بالوادي شجر

انا عن نفسي خريج جامعة طوكيو للشموع اليابانيه ولكنّي متواضع

 

[SAMSUNG]

اخوي بوسعود

ارجع للمشاركات القديمه راح تشوف تحليلنا للسهم ولكن مو كل تحليل واجتهاد يصيب..

والناس مو ناقصه شماته

وبارك الله فيك

وفيك يبارك يا اخوي العزيز

والموضوع ماهو مثل ماتفضلت

تابع باجر وفالك طيب بإذن الله

 

[SAMSUNG]

السالفه موتشيير

ولو كل من قام ونجر ماظل بالوادي شجر

انا عن نفسي خريج جامعة طوكيو للشموع اليابانيه ولكنّي متواضع

الله يزيدك تواضع علي تواضعك

ويزيدك هالوجه نور علي نور

 

[BOAHMAD]

الله يزيدك تواضع علي تواضعك

ويزيدك هالوجه نور علي نور

ومن يقول
جزاك الله خير

 

[fwaz70]

اخوانا المحللين الفنيين والاساسين
في ملاحظه بسلوك السهم خلال اخر ٣ سنوات ان السهم يكون اقل قيعان في هذا الوقت ويكون اعلى قمم في شهر ٤ من كل سنه
فهل هذي ملاحظه جديره بالاهتمام ام مجرد مصادفه؟

 

[Hit_and_Sell]

اخوانا المحللين الفنيين والاساسين
في ملاحظه بسلوك السهم خلال اخر ٣ سنوات ان السهم يكون اقل قيعان في هذا الوقت ويكون اعلى قمم في شهر ٤ من كل سنه
فهل هذي ملاحظه جديره بالاهتمام ام مجرد مصادفه؟

ملاحظه جدا جميله وبارك الله فيك

 

[fwaz70]

ملاحظه جدا جميله وبارك الله فيك

الله يجزاك خير اخوي
السهم لدغنا اليوم خذيته ١٧٤ بعدين راح ل ١٨٤ اطمئنيت للسهم بعدها انشغلت لمدة نص ساعه وعينك ما تشوف الا النور حد ادنى
اللي انا مستغربه انه شركه عريقه مثل المعدات ما لها صانع سوق ثقه وصايره لعبه بيد مضاربين
لكن السهم طيب حتى لو راح ١٥٠

 

[Hit_and_Sell]

السلام عليكم

ياجماعه انا اقول حقروهم وماردهم نفس ....... بيعدلون السهم

الظاهر انهم شلة ميانين ماعندهم شغل قالوا خل نلعب عالسهم

ليلحين صارفين اكثر من ٥ ملايين دينار على الشراء والتصريف

وراس مالهم ١٤مليون ههههههه

الله المستعان

 

[بيانو]

دام الشباب تشيير

خلوني اشيير وياكم

بكره ان شاء الله

يرتد من 160فلس

والله أعلى وأعلم .

صبحك اله بالخير أستاذى الغالى بوسعود
دقق على الرقم 142

 

[Mr.Jad]

شاري السهم 260 و تشجعت لما ناصر الخالدي كتب في ما بين السطور في الوطن .. عن السهم و ان محفظه حكوميه تشتري السهم نتيجه الوضع الايجابي للشركه و الحين خسارتي 100 فلس
من 260 الى 160 ..... نصيحتكم يا أخوان ... صراحه نفسيتي تعبانه من السهم
حسبى الله و نعم الوكيل

 

[نصوح]

شاري السهم 260 و تشجعت لما ناصر الخالدي كتب في ما بين السطور في الوطن .. عن السهم و ان محفظه حكوميه تشتري السهم نتيجه الوضع الايجابي للشركه و الحين خسارتي 100 فلس
من 260 الى 160 ..... نصيحتكم يا أخوان ... صراحه نفسيتي تعبانه من السهم
حسبى الله و نعم الوكيل

الله يهديك أخوي ويعوض عليك
كان لازم من كسر ٢٥٥ تشوته
وأذا كنت من متابعي الصفحة فهناك الكثير
من الأخوان حذروا من النزول
انا اليوم شريته بالحد الأدنى بس حسيت الضغط
عالي عليه بعته بسرعة بسعره ولله الحمد
مالك ألا تسأل دكتورنا بوهادي وراح يحدد لك نقاط
الارتداد وعلى ضوءها تحدد قرارك أما بالتبريد
أو بيع نص الكمية وأسترجاعها بأسعار أقل

 

[mohammed00]

شاري السهم 260 و تشجعت لما ناصر الخالدي كتب في ما بين السطور في الوطن .. عن السهم و ان محفظه حكوميه تشتري السهم نتيجه الوضع الايجابي للشركه و الحين خسارتي 100 فلس
من 260 الى 160 ..... نصيحتكم يا أخوان ... صراحه نفسيتي تعبانه من السهم
حسبى الله و نعم الوكيل

اصلا قبلها قاعد يطبل للسهم للتصريف ( يا اخوان الحذر من مابين السطور وكتاب الوطن من تشوفعهم يطبلون كون حذر منهم )
حسبي الله ونعم الوكيل فيهم

 

[BOAHMAD]

الديون ماانزلت
توزيعه ماكو
ارباح ماكو
حقوق المساهمين مازادت
ماهو سبب صعود السهم ؟؟؟؟؟؟
وين الهيئه وليش ساكته عنهم ؟؟ وين الشفافيه ؟؟
يقولون الشركه مقبله على عقود كبيره مع النفط وراح تكون من ضمن الشركات المستفيده من خطّة التنميه ،،، تقول ان شاءالله لكن هذي كلها توقعات وامنيات لم يتحقق منها شي لحد الان
شلون مايتمادون بالفساد وسرقة اموال المساهمين وماوراهم من يحاسبهم ؟؟

مشاركات بشهر فبراير