عبر عن حالتك النفسية في بيت شعر..

[بن عجاج]

عمري وعمرك لا حسبناه محـدود
ماعاد بـدري لا تقوليـن ملحـوق

من طول صبري حيلي اليوم مهدود
حالي كسير والدمع حـرق المـوق

يانور عينـي لا تزيـد العنـا زود
الليل عدا مـا تبيـن لـك شـروق

يامن شغلت البال بعيونـك السـود
ارفق بخل يدفعه صوبـك الشـوق

لمصافحك كفه على طـول ممـدود
مدي يمينك واحضني الكف من فوق​

 

[النايفه]

بكيت ودمعتي لليأس والحرمان تسبقني
وقلبي من فراقك يحوي داخله جرحين..

دفعني للحكي جرح الليالي مارحم سني
يردد للألم قصه غيابك عن سواد العين...​

 

[faisal_pontiac]

اقوووووووول

صغير السن لكني كبيرٍ واصغر العقًال...اخذت من البحر عمقه واخذت من الصبر جاله

رزينٍ جاهلٍ عاقل كريم بحبتين هبال...غليض فض من حولي يفض البخل وحباله

حشا ماانذل لاوالله وانا راسي عليه عقال...وانا مانيب رجلٍ هيبته في ميلة عقاله

 

[النايفه]

لامر يوم(ن) ملتقي فيه ويــــاكــ
.........................................وش هذا ينحسب من حيـــاتـــي ,,,​

 

[قلم حر]

لامر يوم(ن) ملتقي فيه ويــــاكــ
.........................................وش هذا ينحسب من حيـــاتـــي ,,,​

انا لو مكانج ما احسبه ​

 

[النايفه]

يلوح البرق من يم الجنوب وذعذع النسناس
وريح الورد مـع ريـح النفل تسبـق ذعاذيعه​

 

[بن عجاج]

تثقل علي شوي واروح واثقل
نظلم محبتنا ونظلم هوانا

مدري متى نفهم بعضنا ونعقل
قبل المنية لاتداهم حدانا​

 

[النايفه]

لعب فينيّ الصداع / ولا لقيت علاج !
ياربي رحمتك ..
لا ( ينفجر راسي ) ,
قدرت :
أمثّل الضحكه !
ما أبي الإحراج ,
لكني : ما قدرت [ أمثّل إحساسي ] ,
شعوري لو حسبت أنه :
( حبيس أدراج ) !
لقيته منكشف فـ / عيون جلاسي
()​

 

[يوسف_007]

يآ مالك الملــك يآ ذو العطـــــف و المنه
,,,,,,,,,,,,,,,,,,,,,,,,,,,, عبدك بدونك ضعيف و حالته حالـه !اسـألــــك ياربــــي الغفـــــرآن .. و الجنه
,,,,,,,,,,,,,,,,,,,,,,,,,,,, في يوم ما ينفــع المؤمـــن ســـوىَ أعماله !​

 

[بن عجاج]

قدرك بصدري كبير ٍ لو تجاهلته
والحب يغلب وحبك دوم يغلبنــــي​

 

[يوسف_007]

إلهـي , عظيـم المـلـك والـجـآه والسلـطـآن
الأول و الآخـــــر مـبـتـديـهــا و مـفـنـيـهــا

أسبح بحمدك وأخضـع لـك رجـاء وإذعـان
وعـلـيــك أتــوكـــل لا أدلـهــمــت لـيـالـيـهـا

لك اسجد و أحني الرآس مولآي والغفرآن
طمـع نفسـي بـجـودك مــن الـنـآر تنجيـهـا

انـا طالبـك تملـئ خفوقـي رضــى وإيـمـان
وعـلـى طاعـتـك تخـتـم حـيـاتـي وتنهـيـهـا

فـلاحـول لــي مــن دون مـدتـك يــا حـنّــان
ولا قــــــوة إلا كـــفـــك الـــلـــي تـقـويــهــا​

 

[بن عجاج]

البنت واجب على طبعك تداريها
لو ما بكت تخفي الدمع إبتسامتها

وأحيان عادي تزعلها وترضيها
لو تشتكي عند خالتها وعمتها

إذا إزعلت قصدها وشكثر تغليها
وإذا رضت لا تحلفها بـذمتها

مادامها إتشوفك الدنيا ومافيها
سو ماتبي بس لا تجرح كرامتها
​

 

[زبن]

عشت الزمن مصدر اعجاب الكثيرين
وماهزني في رحلة العمر غيرك ...​

 

[يوسف_007]

الحمد لله إني صرت إعجاب الجديدين

وهزيتك إنت واللي سجلو غيرك


ههههههههههههههه

حياك الله في منتداك قبل أن يكون منتدانا وصحفحتك قبل أن تكون صفحتي وتقريبا أول مره أعلق في صفحت الشعر هذي بس لكونك ثاني مشاركه لك تكتب في صفحتي الشعريه وهذا فخر لي وشكرا لمشاركتك وإقبل مني هذا الترحيب ​

 

[النايفه]

كثير اللي يخون الود ويعني لو تخونيني انا ادري وشضيعني.. شعوري
وطيب نياتي
لعبتيها معايه صح عرفتي كيف تنهيني عرفتي للاسف وشلون ابدا في نهاياتي...
تعالي واحسبي وياي في كم مره جرحتيني وربي ماعرفت ارتاح ويني وين راحاتي...
اذا به جرح ناسيته جديد ولاهديتيني وفيتي وحيل كفيتي تفننتي بصدماتي..
خسرت وهذي الدنيا.. ويعني لو تخونيني اجل بعدين كيف اربح لو ماحسب خساراتي..
ولكن وش نقص او زادغلطه في ملفاااتي ...​

 

[ورد و هيل]

ما خفيته بقلبك
ينقرا في عيونك
لا تحاول تخبي
لوعتك في سلامك


انت منتا و طبعك
مات بالورد لونك
تبتسم لي و حزنك
ينعرف من كلامك


كل شي فيك ينطق
حتى ثوره شجونك
زادها الشوق غيره
وانكشف لي غرامك

وين شوق التلاقي
وين لحظه جنونك؟
وين ردٍ تفتح من رياض ابتسامك؟


وين قلبك و فكرك
وين سارح بكونك؟
كل شي فيك
يدعو للتعجب علامك


ليت يا نور عيني
ما تصدق ظنونك
في عشيرٍ تهمه
راحتك وانسجامك

في عشيرٍ شؤونه
يا حياتي شؤونك
عاش منك و لجلك
وافيٍ بالتزامك​

 

[هيفا]

كيف ابخفي الحب وجروحي صريحة

وين اودي دمعة العين الشقية

كيف احجب الشمس ياخلي بيدياااا

كيف أداوي علة الروح الجريحة

وين اودي دمعة العين الشقية ​

 

[بن عجاج]

لا تعض إبهامك الأيمـن نـدم
النـدم ما فاد لـه نـاس كثيـر

يوم كنت بخير صاروا لك خدم
ويـوم طار الطير عـزاك الفقيـر

من بنى ساسه على جرف انهدم
والعـمر لو طال آخرتـه قصيـر​

 

[يوسف_007]

أبشرك حنّا بخير وسلامه

لا ينشغل بالك يا بو متعب ارتاح

شايل هموم الدار حب وكرامه

ما همك أوجاعك ولا همك جراح

نادى الشمال وجاوبته اليمامة

راح وخَطَاك الشر يا تاجنا راح

وقال الجنوب لنجد مرت غمامه

واللي بشرق المملكة همه انزاح

وقام الحجاز يوزع الابتسامه

لضيوف بيت الله ويطمن أرواح

يا من رفع قدر النسا في كلامه

في شدتك مؤمن وطيب ومزاح

الليل يسري ما نحسّ بظلامه

دامك تشوف النور فالنور وضاح

والعالم اللي قد كسبت احترامه

لولا وجودك كان من عيننا طاح



كلمات الشاعر السعودي: عبدالله أبو راس

الله يرده بالسلامه للأمه الأسلاميه كافه ولشعب السعودي خاصه

اللهم ألبسه ثوب العافيه​

 

[يوسف_007]

الطمـع : ما هـو بـ عيب ... العاام الطمّاعه
..............................يا طموحاتي : عن عيون الضعوف .. إنخشّي !
فارق التوقيت : شهر ، اسبوع ، ليله ، ساعه
..............................الوصول ! بـ يوصل الراكض مع .. المتمشّي !
ما على المخلوق ضيقه لا غدنّ أوضاعه :
..............................1) طيّب ،
.................................2) ومتريّق ،
.................................3) ومتغدّي ،
.................................4) ومتعشّي !​