((@ استشارات واستفسارات فنيّة @)) ...... 1

[الرسته جوكى]

ابو مبارك جزاك الله خير شرايك فى اكتتاب بعد تداولات امس

 

[3lgm]

مرحبا بومبارك تسلم على المجهود الطيب وماقصرت,ممكن تحليل سهم بتروجلف ووضعه العام جيد أو سيئ.

يا هلا وغلا فيك يا الغالي , شلونك عساك بخير , عينك على الـ41 , والسهم ما يخوف بإذن الله .

 

[3lgm]

يعطيك العافية بومبارك

القرين ب نزل بجلسة الامس للـ 226 ورجع لـ 232 هل هذا يعتبر ارتداد ؟

طبعا ارتداد , 240 مقاومة1 , 255 مقاومة2 و والله يعافيك ويبارك فيك

 

[3lgm]

بو مبارك اسمنت الخليج لو تكرمت

والله يا بواللطف الفوليوم بالبيع عالي وما يطمن كلش

 

[3lgm]

بومبارك الله يجزاك خير و كله بميزان حسناتك ان شاء الله ..
الله يعافيك اذا تسميح تحليل ميادين و خصوصا انه يومين ورا بعض قاعد ياخذون كميات كبيره على ال 24 فلس

السهم يتاثر بالأماية جلوبل وميزايته مو طيبة كلش لكن أموره على الشارت طيبة حيل

 

[3lgm]

الله بالخير الاخ بومبارك
ممكن تشوف لي سهم ايفا جزاك الله خير سكر على65

الله بالخيرات يا الغالي , السهم ما يخوف وعندك متوسطين وترند صاعد يدعمون السهم وبإذن الله ما عليه خوف

 

[3lgm]

ابو مبارك جزاك الله خير شرايك فى اكتتاب بعد تداولات امس

كل أسهم مجموعة المدينة طيبة , لكن للي ما فيه ضغط ولا سكري ولازم يكون قلبه قوي علشان يتحمل خظ البطون اللي على أصوله .

 

[vartona]

بو مبارك السلام عليكم الكويتيه 201 هي فترة تجميع او ....تصريف شكله متذبب و المؤشرات مو حلوة ودنا ندخل علية

 

[الطير القطامي]

يعطيك الف عافيه يابومبارك

مجهود اكثر من رائع ,,نسأل الله الكريم ان يكون في ميزان اعمالك

وان يجزيك الله عنه خير الجزاء,,,,,

 

[3lgm]

يعطيك الف عافيه يابومبارك

مجهود اكثر من رائع ,,نسأل الله الكريم ان يكون في ميزان اعمالك

وان يجزيك الله عنه خير الجزاء,,,,,

الله يجزاك كل خير أستاذنا العزيز على المرور العطر وشرفتني بطلتك البهية وأسعدتني جدا , كلام من القلب ومو مجرد مجاملة .

بو مبارك السلام عليكم الكويتيه 201 هي فترة تجميع او ....تصريف شكله متذبب و المؤشرات مو حلوة ودنا ندخل علية

شلونج يا أم عبدالرحمن عساج بخير يا اختي العزيزة , الله يسلمج التصريف كان بالـ168 بدليل الدايفرجنس السلبي الموضح على الشارت , سلمج الله الحين فترة خظ بطون لزوم طرد المضابين واللي دشو بالغلط بالعالي , التجميع والله العالم بيكون بالـ150 .

 

[جمبازي]

الله يعطيك العافيه يابو مبارك


يا شمعة المنتدى

 

[3lgm]

هلا وغلا , هلا بأغلا الناس , هلا بوردة المنتدى , شلونك حجي عساك بخير , بشرنا عنك .

بوعبدالله قاعد أسوي دراسة تحليلية مالية حق الشركات , يا خوي أداء يفشل وشي يقهر , ملايين لو تنحط وديعة تطلع أكثر من اللي تلعب فيه هالشركات .
توني مخلص من معادن , شوف عندهم 7 مليون نقدي + 7 مدينون (عقود توريد لهم على الغير) 1 مليون مخزون = 15,5 مليون حاظرة .
4,51 مليون ممتلكات + 5,73 مليون استثمارات = 10,55 مليون موجودة لكن مو حاظرة .
مطلوبات : 2,6 مليون قروض قصيرة (النقدي اللي عندهم يفوق القرض 300%) + 2 مليون دائنون (عقود توريد عليهم للغير) = 4,68 مليون .

الحين قائمة الدخل المصيبة : إيراد 3,12 مليون (شي طيب)
مصروفات : 2,82 تكاليف انتاج + 680, ألف مصروفات إدارية + 070, ألف فوايد تمويل
= خسارة 120, ألف

شي يفشل , الحين لو حاطين الـ7,5 مليون نقدي وديعة ثلاثية في بيت التمويل بيعطونهم بحدود 140, ألف دينار , يعني يحصلون أكثر مردود ويوفرون مصروفات إدارية وتمويلية وعل قلب , شرايك خيي .

 

[منور]

اخوي الطيب علقم.شرايك بسهم السلام انا خيته ب71 ونزل اخر يومين تنصحني بالصبر ولا اقطه بخساره؟؟
وعندي سؤال ثاني قريت صفحه اخونا تاهو عن وضع الشركات وقررت استثمر سهمين واضارب بسهم
فكر بسهم انوفست لانه قاع قلت اخذه واطر عليه شهرينزوفكرت بعد بعقارات الكويت وفكرت باسمنت الخليج بحدود 124
شرايك وشتنصحني؟واذا عندك شركه حلوه للاستثمار القصير يليتك تفيدني

 

[راعي الصفرا]

السلام عليكم

مساء الخير ابو مبارك كيف حالك؟ وشلون الصحة؟ اكبر عيالي يا الغالي فهيد تصغير فهد وان شاء الله يكبر ويصير فهد واذوق نفعته وعسى ربي يبارك لنا ولك في الذرية ويجعلها من الذرية الصالحة والبارة آآآآآآآمين يا رب العالمين

 

[3lgm]

اخوي الطيب علقم.شرايك بسهم السلام انا خيته ب71 ونزل اخر يومين تنصحني بالصبر ولا اقطه بخساره؟؟
وعندي سؤال ثاني قريت صفحه اخونا تاهو عن وضع الشركات وقررت استثمر سهمين واضارب بسهم
فكر بسهم انوفست لانه قاع قلت اخذه واطر عليه شهرينزوفكرت بعد بعقارات الكويت وفكرت باسمنت الخليج بحدود 124
شرايك وشتنصحني؟واذا عندك شركه حلوه للاستثمار القصير يليتك تفيدني

يا هلا وغلا باختي الغالية , أنوفست ممتاز بالـ104-106 , وخلج فيه لي 126 , اسمنت الخليج 124-126 ممتاز , خلج فيه ولا تطلعين منه ليمن أقولج , عقارات الكويت إن قطو عليج بالـ65 اخذيه وإن شفتيه غرز بالـ70 قطيه , لكن إن حسيتي بإنه بيروح خلج فيه ولا تطلعين ليمن أقولج .

 

[راعي الصفرا]

ابو مبارك فضلا وليس امرا ممكن تشوف لي جيزان وين رايحه؟؟ والله اني مكيش يوم الاربعاء وبربح والحمدلله لكن اللقافة خلتني انقز على جيزان 71 يوم الخميس...نورني الله يزيدك من علمة ويتم عليك نعمته بالصحة والعافية

 

[3lgm]

ابو مبارك فضلا وليس امرا ممكن تشوف لي جيزان وين رايحه؟؟ والله اني مكيش يوم الاربعاء وبربح والحمدلله لكن اللقافة خلتني انقز على جيزان 71 يوم الخميس...نورني الله يزيدك من علمة ويتم عليك نعمته بالصحة والعافية

مو بس تامر إلا تامر وتتدلل طال عمرك , بإذن الله السهم بيعطي فرصة للخروج لا تحاتي الدعوم موجودة , لكن السهم وايد متضخمة مؤشراته ولازم ينزل .

 

[راعي الصفرا]

ما يامر عليك عدو وماقصرت اطال الله عمرك على طاعة

 

[iqbalalsoud]

انا دايما ارفق شارت يا اختي علشان اوضح الاساس اللي بنيت عليه تحليلي للسهم , وعلشان ان اقتنعتي تاخذين فيه وان ما اقتنعتي ظربيه بالطوفة بدون تردد

تسلم يا إستاذ علقم وعساك علي القوة وفي ميزان حسناتك إن شالله
مجهود جبار اللي قاعد تقدمه لإخوانك وأخواتك بالمنتدي
لكن ما نقدر نقدم لك إلا الدعاء لك في ظهر الغيب عساه من الدعاء المقبول إن شاءالله
بس إذا سمحتلي أبي أستفسر عن الشارتات اللي تحطها من أي برنامج
ولك كل الشكر

 

[why`not]

يعطيك العافيه أخوي بومبارك على المجهود الواضح لخدمة أخوانك بالمنتدى, بومبارك أحتاج منك النصيحه والتحليل , أنه متدبس بشركة منشأت بسعر 190فلس بكمية 110,000سهم أوضع الشركة غير مطمن والمشكله أنه ماعندي مبلغ لتبريد بالوقت الحالي لأني مليت أبرد عليها كنت ماخذها بالسابق بسعر 450تنصحني أصبر عليها ولا تنصحني بسهم أخر ممكن أبدل فيه, وشكرا