((@ استشارات واستفسارات فنيّة @)) ...... 1

[Trillion]

يا هلا وغلا ومرحبا , أنا بالخدمة طال عمرك , الله يجزاك خير على المرور العطر , بشر شلون أمورك عساك بخير .



الله يسلمك ويبارك فيك , والربع مو مقصرين الله يجزاهم خير , وإن شاء الله موجود بس لظروف الدورة كنت غايب لكن إن شاء الله بعوضكم عن فترة الغياب .

ادري فيك بو مبارك وما تقصر الغريب قبل القريب

واموري تسرك ان شاءالله ..انت شسويت بالدورة

في مشروع ندخله بوحده منهم ​

 

[3lgm]

ادري فيك بو مبارك وما تقصر الغريب قبل القريب

واموري تسرك ان شاءالله ..انت شسويت بالدورة

في مشروع ندخله بوحده منهم ​

الله يبشرك بالخير يا بوعبدالله , إن صارت دورة يديدة أبلغك بإذن الله , لكن طافتك هالدورة الأخيرة , تحليل مالي ومحاضرنا محلل من رويتر مسؤول قسم الشرق الأوسط , ومؤشرات ومحللنا بوأحمد ( بروكر صيني ) شي طيب حد الطيب , لكن ملحوقة بإذن الله , أي شي جديد راح أبلغك بحول الله .

 

[ابو ناهي]

شنو شنو شنو تروحون دورات من وراي الله يسامحكم زين

شلونك ابو مبارك عسى امورك طيبه ان شاء الله

اشرايك بالمؤشر السعري طال عمرك

انا اقول ماكسر الترند الصاعد مجرد احتكاك بسيط او جرح ويتأكد اذا كسر او لا يوم الاحد ف قبت الناس بوجهي ياساتر اللي يقول لا انكسر ومايحتاج تأكد خلاص ف كان ردي لازم الكسر يكون له تأكد هذا اللي قريت عنه انا ف انت شنو رايك طال عمرك

 

[الوحيد 1974]

يلومونى الناس لما أقول أحب علقم الحلو أبو مبارك فى قطاع الخدمات ولو تشوف موقع أرقام تلاقيها قبل الاخيره فوق فودافون لو سمحت ومشكور مقدما وأسم الشركه الخليج الدوليه للخدمات .

 

[knm]

ممكن سهم الرابطة

وكي جي ال لوجستيك

بومبارك

بارك الله فيك

 

[Trillion]

الله يبشرك بالخير يا بوعبدالله , إن صارت دورة يديدة أبلغك بإذن الله , لكن طافتك هالدورة الأخيرة , تحليل مالي ومحاضرنا محلل من رويتر مسؤول قسم الشرق الأوسط , ومؤشرات ومحللنا بوأحمد ( بروكر صيني ) شي طيب حد الطيب , لكن ملحوقة بإذن الله , أي شي جديد راح أبلغك بحول الله .

والله شي طيب ...والنعم فيهم والله

وعلى قولتك ملحوقه ان شاءالله وباذن الله ياي وياك

وبدام انت رحت واستفدت كأنه انا رايح يا بو مبارك

يعطيك العافيه ​

 

[3lgm]

شنو شنو شنو تروحون دورات من وراي الله يسامحكم زين

شلونك ابو مبارك عسى امورك طيبه ان شاء الله

اشرايك بالمؤشر السعري طال عمرك

انا اقول ماكسر الترند الصاعد مجرد احتكاك بسيط او جرح ويتأكد اذا كسر او لا يوم الاحد ف قبت الناس بوجهي ياساتر اللي يقول لا انكسر ومايحتاج تأكد خلاص ف كان ردي لازم الكسر يكون له تأكد هذا اللي قريت عنه انا ف انت شنو رايك طال عمرك

هاهاها , إي والله كنا ناقصينك يا بوناهي , خوش دورة , أنا بخير يا وجه الخير , إنت شلونك وشلون أمورك عساك بخير وصحة وسلامة , سلمك الله تحليل السوق بالصفحة اللي قبل هذه , طل عليها وعطني رايك .

 

[ابو ناهي]

هاهاها , إي والله كنا ناقصينك يا بوناهي , خوش دورة , أنا بخير يا وجه الخير , إنت شلونك وشلون أمورك عساك بخير وصحة وسلامة , سلمك الله تحليل السوق بالصفحة اللي قبل هذه , طل عليها وعطني رايك .

الله يسلمك ويخليك

شغلك عدل مدل نفس اللي كنت متوقعه
بس 6944 دعم متوسط 25 يوم هم بعد 6930 فجوه وسكرها وارتد منها ل 6944

 

[3lgm]

يلومونى الناس لما أقول أحب علقم الحلو أبو مبارك فى قطاع الخدمات ولو تشوف موقع أرقام تلاقيها قبل الاخيره فوق فودافون لو سمحت ومشكور مقدما وأسم الشركه الخليج الدوليه للخدمات .

تامرني أمر يا الغالي , وحبتك العافية , واللي تبي بس أشّر خيي .

 

[3lgm]

الله يسلمك ويخليك

شغلك عدل مدل نفس اللي كنت متوقعه
بس 6944 دعم متوسط 25 يوم هم بعد 6930 فجوه وسكرها وارتد منها ل 6944

الله يبشرك بالخير , اتفاق المحللين صعب .

 

[ابو ناهي]

الله يبشرك بالخير , اتفاق المحللين صعب .

ابو مبارك الشئ المتعارف عليه اي مقاومه او دعم او ترند سواء اخترق او كسر لازم يكون له تأكد على جلسه ثانيه
اللي حاصل اللحين الناس لا خلاص كسر الترند الصاعد واغلق تحته انا اقول لهم لا لا لا لا
لازم تأكيد للكسر

 

[3lgm]

ممكن سهم الرابطة

وكي جي ال لوجستيك

بومبارك

بارك الله فيك

عينك على متوسط 100 يوم إن كسره حذفه ونطره عند الهدف تحت , والله يوفقك ويسهل أمورك .

 

[3lgm]

ابو مبارك الشئ المتعارف عليه اي مقاومه او دعم او ترند سواء اخترق او كسر لازم يكون له تأكد على جلسه ثانيه
اللي حاصل اللحين الناس لا خلاص كسر الترند الصاعد واغلق تحته انا اقول لهم لا لا لا لا
لازم تأكيد للكسر

كلامك 100% , وياما سواها سوقنا وأسهم بسوقنا , وخصوصا لما يكثر الكلام على دعم معين وينتشر بين الناس , وسالفة متوسط 200 يوم والـ6970 حتى الخبابيز واللي يبيعون آش بالجمعية عندهم خبر عنها , فلازم يصير تهويش وخظ بطون لزوم اللم على السريع , ويبين إن كان تهويش أو صج يوم الأحد .

 

[الوحيد 1974]

الله يبض وجهك ياأبو مبارك ومشكور يالحبيب والله أنك طيب وأصيل عسى ربى يوفقك دنيا وآخره اللهم آمين يارب العالمين .

 

[ابو ناهي]

كلامك 100% , وياما سواها سوقنا وأسهم بسوقنا , وخصوصا لما يكثر الكلام على دعم معين وينتشر بين الناس , وسالفة متوسط 200 يوم والـ6970 حتى الخبابيز واللي يبيعون آش بالجمعية عندهم خبر عنها , فلازم يصير تهويش وخظ بطون لزوم اللم على السريع , ويبين إن كان تهويش أو صج يوم الأحد .

هم بعد ابو مبارك ماننسى انه الاخبار سلبيه بعد صفقه زين وبيت الاوراق وتكسير العظم اللي حاصل يعني بعد مانفرط بالتفاؤل

لا كن هم بعد فيه شئ يشفع ارباح الشركات معضم الشركات محققه ارباح بالربع الثالث يعني بيكون جلسه يوم الاحد مصيري من الناحيه الفنيه

 

[alotaibi^83]

بومبارك اشلونك واشلون الدورة انشالله الله يسر عليك فيها واستفدت
تر فقدنا تحاليلك ومعلوماتك بالاسبوع الاسود هذا
وبخصوصا سهم مشاريع الكويت شنو رايك فيه

 

[3lgm]

بومبارك اشلونك واشلون الدورة انشالله الله يسر عليك فيها واستفدت
تر فقدنا تحاليلك ومعلوماتك بالاسبوع الاسود هذا
وبخصوصا سهم مشاريع الكويت شنو رايك فيه

الله يسلمك أنا بخير يا وجه الخير , بشرنا عنك وعن علومك عساك بخير وأمورك طيبة بإذن الله , الدورة ممتازة والحمدلله جداً مفيدة الله يجزاك خير على السؤال , مشكور وعساك ما تفقد غالي , وهذا الأسبوع الأسود ما عليك زين حق سهمك وحق الأسهم الطيبة , ليش مؤشراتها منفوخة وما راح تقدر تصعد بهالطريقة , فلو تنزل شوية راح ترتد وتخترق مقاوماتها بقوة ليش ريحت وجمعت مستثمرين جدد ومضاربين وحملت سيولة جديدة , المصيبة على الأسهم أم 20 فلس هذه اللي الخوف عليها , عموما اختر سهمك عدل ودش صح ولا تحاتي , وسهمك ما عليه خوف , كل جم تكة في دعم يتلقف السهم , فماكو إلا العافية بإذن الله .

 

[alotaibi^83]

بومبارك مشكور وماقصرت وانشالله ذخر حق اخوانك وانا انت بذات استمتع لما اقره تحاليلك ممتازه وشرحه وافي وكافي من غير "تعقيدات" وانا هل سهم شريته لما قريت تحليلك وحبيته لما نزل السوق وسهم احترم دعوماته وما طاح علي ويه وقوع يعني سهم اصحابه قضبينه ويبونه

 

[الزمردة]

بو مبارك إذا ممكن غلوبل +السلام انا من إلي متابعين تحاليلك الممتازه مع الشكر

 

[BIG.PUN]

بو مبارك ماعليك امر
عطنا طله على الصفاة وبيان وعقارات الكويت وحالتهم الغير مستقره