((@ استشارات واستفسارات فنيّة @)) ...... 1

[صبا]

رد

اتوقع ارتداد باجر لمجموعه الخرافي للمتابعه

 

[3lgm]

تعبناك معانا يالغالى بومبارك


واعتبر هالمشاركه ..تقدير منى لجهودك .


مثل ماقال حبيب الشعب ..نافيقاتر ..اخذ الامور بسهوله وبساطه واترك التعقيد بالتحليل .

ولك مطلق الحريه بالتغيير على الشارت ..

يا مال العافية يا بوعبدالله , وما نستغني عن طلتك البهية طال عمرك , كلامك 100% صحيح وما عقب قولك قول , الحين يا بوعبدالله عندنا نموذجين , واحد إيجابي وواحد سلبي , والبساطة حلوة ومريحة لكن هم الحذر واجب , شرايك .

 

[3lgm]

هالكلمه تحليلها صعب ...


اترك تحليلها لاخونا بو سليمان

هاهاهاها , أدري فيك تحب تتصيد هالسوالف , لكنها مو بدلية بل تصحيف : منوين = فعل مضارع مستمر لـ ناوين .

 

[راس مالك]

اخوى علقم الله يسعدك ماعليه ثقلت عليك تمويل خليجى مره ثانيه شنو قاعد يسوى

 

[ابو ناهي]

يسعدلي مساك ابو مبااارك ابيار مشكل نموذج مستطيل


والمؤشر السعري مشكل وتد صاعد او كل هذي اللي اشوفها تهيأت

 

[3lgm]

اخوى علقم الله يسعدك ماعليه ثقلت عليك تمويل خليجى مره ثانيه شنو قاعد يسوى

مساك الله بالنور والسرور , السهم مستوي ومؤشراته تطبخ والصعود بالطريج بإذن الله .

 

[3lgm]

يسعدلي مساك ابو مبااارك ابيار مشكل نموذج مستطيل


والمؤشر السعري مشكل وتد صاعد او كل هذي اللي اشوفها تهيأت

يا هلا وغلا يا بوناهي , لا ما من تهيؤات عيني عليك باردة .

 

[راس مالك]

مشكور عسى الله يحفظك ويرعاك اخوى علقم (مسك & عنبر )

 

[ابو ناهي]

عزيزي ابو مبارك بالنسبه للمؤشر السعري اذا كسر لتحت يكون هدفه 6400
طيب اذا كسر لفوق وين بيكون الهدف


وبالنسبه لأبيار تفعل نموذج المستطيل اذا اغلق اقل من 25 افترضنا لاسمح الله اغلق تحت 25 وتفعل المستطيل بيكون الاهدف بالافلاس معقوله


وبالنسبه لأبيار بيتفاعل مع خبر جدوله الديون بشراسه

 

[الساهر_qt]

السلام عليكم ...
يعطيك العافية بومبارك على المجهود الاكثر من رائع وعساك على القوة
سؤالي ياالغالي شنو وضع نابسكو وليش كل هالسكون؟؟؟
رايك يهمني وجزاك الله خير ...

 

[ابو ناهي]

ابومبارك عزيزي انا كنت متوقع دانه الغذائيه بأقفالها فوق 126 تكون مخترقه القناه الهابطه لاكن بعد تداول اليوم رسمت القناه مره ثانيه للاسف مو مخترقه القناه

 

[راعي الصفرا]

يعطيك الف عافية ....ولا عليك امر جيزان تصريف تجميع وين رايح؟؟

 

[سكندكب]

مساك الله بالنور والسرور , السهم مستوي ومؤشراته تطبخ والصعود بالطريج بإذن الله .

أخوى بومبارك يارك الله فيك على التحليل الاكثر من رائع دقق اكثر بالتحليل ما عليك أمر أعتقد فى بطنه شىء و أمس بالبحرين حد أعلى ليش ما أدرى و جزا الله ألف خير مرة ثانية ,,,,,

 

[sqry]

جزاك الله خير يابو مبارك
الله يجعلها بميزان حسناك
والف شكر لك على المجهود الطيب ياطيب

 

[3lgm]

عزيزي ابو مبارك بالنسبه للمؤشر السعري اذا كسر لتحت يكون هدفه 6400
طيب اذا كسر لفوق وين بيكون الهدف


وبالنسبه لأبيار تفعل نموذج المستطيل اذا اغلق اقل من 25 افترضنا لاسمح الله اغلق تحت 25 وتفعل المستطيل بيكون الاهدف بالافلاس معقوله


وبالنسبه لأبيار بيتفاعل مع خبر جدوله الديون بشراسه

بوناهي إذا صعد المؤشر واخترق رقبة الوتد الصاعد ما يصير أكو هدف وإنما يبطل الوتد اصاعد , لأنه الوتد الصاعد نموذج سلبي انعكاسي وماله هدف إلا لأسفل , وكذلك مستطيل أبيار , لاحظ من وين ياي السهم في النموذج فوق , في حالة أبيار لازم يكون في ترند صاعد والمستطيل راح يقوي استمرارية الاتجاه الصاعد ويعطينا هدف يتم حسابه بطلايقة هندسية , أما إن كسر إلى أسفل فيبطل المستطيل وندور على نموذج ثاني .

 

[3lgm]

يعطيك الف عافية ....ولا عليك امر جيزان تصريف تجميع وين رايح؟؟

الله يعافيك يا الغالي , حاليا وضعها مو تمام , خننطر إغلاق السوق ونشوفها على الأسبوعي , والله كريم .

 

[Winchester SX3]

صبحك الله بالخير

يا ريت رأيك في هالمشاركه ( هنا )

بطني حاشه مغص منها !!!!

 

[3lgm]

السلام عليكم ...
يعطيك العافية بومبارك على المجهود الاكثر من رائع وعساك على القوة
سؤالي ياالغالي شنو وضع نابسكو وليش كل هالسكون؟؟؟
رايك يهمني وجزاك الله خير ...

نابسكو علتها بصانع سوقها الميت , اليوم مو مداوم , لكن السهم طيب و حاول تصيده بالـ200 لي الـ210 والبيع بالـ240 ليمن الله يفرجها .

 

[3lgm]

صبحك الله بالخير

يا ريت رأيك في هالمشاركه ( هنا )

بطني حاشه مغص منها !!!!

يا هلا وغلا يا بوغازي , وصبحك الله بالنور والسرور , أدري والله يا بوغازي , موجود بأعلا الصفحة هذه :

http://www.indexsignal.com/forum/showpost.php?p=3125867&postcount=827

لكن محد حذر منه لا بومحمد (حقائق) ولا بوعبدالله (لابتوب) بموضوعه الجديد وهذا اللي مخليني أشك فيه , لكنه واضح ومستوفي الشروط , و100% , والوضع بعد يدل على وجوده , نتائج الشركات وملاعين الخير المحافظ توصلهم العلوم قبل فيتم التخلص من الأسهم الخسرانة والمتعثرة قبل لا تخسر وتتعثر (وهذا شي قاعد يتكرر كل ربع) البنوك بدت تصحح ومحد صعد المؤشر غيرها , فالوضع يخوف, لكن اللي مطمني إنه محد تكلم عنه , شرايك إنت .

 

[3lgm]

أخوى بومبارك يارك الله فيك على التحليل الاكثر من رائع دقق اكثر بالتحليل ما عليك أمر أعتقد فى بطنه شىء و أمس بالبحرين حد أعلى ليش ما أدرى و جزا الله ألف خير مرة ثانية ,,,,,

الله يعزك يا الغالي ومشكور ما قصرت , خننطر الإغلاق ونشوفه على الأسبوعي بإذن الله , ويكون الأسبوعي أوضح ليش يختصر الأسبوع كله بشمعة وحدة فيكون أوضح بإذن الله .