((@ استشارات واستفسارات فنيّة @)) ...... 1

[صبا]

رد

بومبارك الله يعافيك ايفا واعيان العقاريه انا بعت ب81وين استرد السهم اليوم اغلق على 79اتوقع ولك جزيل الشكر

 

[3lgm]

يومبارك الله يبارك فيك لوسمحت تشوفلى صكوك هل يسوا الواحد يصبرعليه ولانقطه والله يعوظنا بداله النصيحه نبيهامنك طال عمرك

لا تبيعه يخوك إلا بالـ35 , بعدين رد نطره بالـ32 .

 

[3lgm]

السلام عليكم

يعطيك العافيه اخي علقم
ممكن تحليل (اجيليتي) + (بوبيان د ق)

أجلتي مهم مهم مهم إنه ما يغلق تحت الـ480 , مقاومة 500 , بوبيان دق مو باينله مؤشرات والسهم يبحث عن قاع يرتد منه مرتين علشان يصعد , حاليا دعمه 122 ومقاومته 128 .

 

[3lgm]

الراي 106 الدعم الحالي 114 مقاومة , قاعه 100 حاول تصيده بالقاع أو جريب منه علشان إن كسر الـ100 لازم تقطه على طول , لكن إن ما كسره لا تبيع إلا بالـ 194.

ابومبارك ممكن توضح لنا هالجملة وشمعنى 194

هدف الدبل بوتوم .

 

[mohieddin]

الله يجزاك الخير يابومبارك
وفى ميزان حسناتك إن شاء الله

 

[3lgm]

اذا ممكن ابيار و ميادين بعد تداولات اليوم الله يبارك فيك ياابو مبارك

أبيار لي الـ42 ما جدامه شي بإذن الله , الدعم 35 .

ميادين 18 الدعم 20 مقاومة .

 

[3lgm]

الله يجزاك الخير يابومبارك
وفى ميزان حسناتك إن شاء الله

الله يرحم والديك خيي على هالمرور العطر .

عزيزي علقم اذا تكرمت منازل شرايك فيه ويريت دعمه ومقاومته وشنو توقعاتك للسهم

رايي يا اختي الغالية البعد عنه أفضل , والمشترا بالـ20 فلس وإلا فلا , السهم كسر وتد صاعد هدفه 19 فلس , يمكن ما يروح لها , ويصعد , لكن هذا حلال وما ينقط إلا بسهم له مستقبل زين ,وهذا السهم ما أشوفله مستقبل زين , والله أعلى وأعلم .

 

[3lgm]

]بارك الله فيك ..دعم ومقاومة بيتك والدولي..جزاك الله خير

بيتك دعمه 1200 ومقاومته 1240 , اختراق المقاومة يوديه لي الـ1340 بحول الله .

الدولي 340 دعم ومقاومته 360 الأولى والثانية 380 .

 

[3lgm]

مرحبا بومبارك لوسمحت أي أفضل للأستثمار متوسط الأجل جراند أو الأهلية
وتسلم.

جراند وايد أفضل , المشترا بالـ18 .

 

[3lgm]

صباح الخير اخواني ...

حبيت اسأل عن بنك وربة والاتصالات يقولون ما يصير ابيعهم ؟؟

ممكن تقولون لي ليش؟؟ لان انا مالي بالاسهم وابي ابيعهم ...

ويعطيكم الف عافية

أعتقد إنك تقصد بالاتصالات فيفا , لأنها وبنك وربة مو مدرجين وماكو بيع بالسوق , وإنما بيعهم يصير بسوق الجت اللي بالمباركية يم محلات المسابيح , تقدر تبيعهم هناك وراح يعطونك فلوسك بعد ما يوقعونك على أورراق تضمن حقهم لما تندرج الشركتين ويقدرون يبيعون الأسهم , مهم مهم مهم إنك ما توقع على بياض , اكتب بكل خانة واهم خانة خانة المبلغ المطلوب لما يبيعون الأسهم علشان راح ينزل الشيك باسمك تالي فراح تروح البنك تكيشه وتعطيهم الفلوس , فيشيسوون , يوقعونك على كمبيالة , مهم إن تحط فيها مبلغ لا تخلي الخانة فاضية , لا تنسى هالموضوع , لا تخلي الخانة فاضية .

 

[3lgm]

شلونك بومبارك
السلام كسر 55
شنو الحل معاه

أدري والله وخرب كل شغله , لا تبرد إلا بالـ51 , وبإذن الله من يتعدل السوق بتتعدل أموره , مؤشرات السهم مو شينة وله هدف طيب للدبل بوتوم تالي بإذن الله .

 

[3lgm]

السلام عليكم شلونك بو مبارك
شاريك بلمدينه خاطري فيه اليوم صكر 43.5

يا هلا وغلا بالغريب , أنا بخير الله يحفظك , انت شلونك بشرنا عن علومك .
نصيحة لا تاخذه إلا بالـ39 هدف الدبل توب .

 

[ahmaaad]

بومبارك السوريه مصختها كل يوم نازله فلس
شرايك فيها

 

[3lgm]

بومبارك الله يعافيك ايفا واعيان العقاريه انا بعت ب81وين استرد السهم اليوم اغلق على 79اتوقع ولك جزيل الشكر

إيفا 62 وإن كسرها حذفيه على طول .

أعيان 78-77 , نفس طريقة إيفا كسر الـ76 خروج.

 

[3lgm]

بومبارك السوريه مصختها كل يوم نازله فلس
شرايك فيها

بإذن الله باجر ارتدادها ومقاومتها 68 , إذا راس مالك طالع بهالمحاري ياريت تطلع من السهم .

 

[eng_ele]

مساء الخير اخوى علقم...ممكن صافتك والاثمار الله لا يهينك

 

[3lgm]

مساء الخير اخوى علقم...ممكن صافتك والاثمار الله لا يهينك

مساك الله بالنور والسرور , صافتك 45 مقاومة نسبة 61% وراح تكون صعبة , الدعم 42 .

الإثمار 35 الدعم , 36 مقاومة .

 

[Abo Sarah]

مساء الورد اخوي علقم ، ياريت لو تتكرم وتشوف لنا تحليل لسهم حيات كوم .

 

[عاشق الجنة]

مبرد يابومبارك لوسمحت

 

[3lgm]

مساء الورد اخوي علقم ، ياريت لو تتكرم وتشوف لنا تحليل لسهم حيات كوم .

يا مساء الياسمين يا بوسارة , السهم زين ومسوي دايفرجنس إجابي , 146 الدعم , 150 مقاومة ,