((@ استشارات واستفسارات فنيّة @)) ...... 1

[ابواللطف]

اخوي علقم متحده وانوفست وشكرا0

 

[alharbiq8]

أسأل الله لك خير الجزاء في هذه الليالي المباركة ,
وممكن تحليل ل أدنك

 

[3lgm]

اخوي علقم متحده وانوفست وشكرا0

هذا والله أعلم يا بواللطف

 

[3lgm]

أسأل الله لك خير الجزاء في هذه الليالي المباركة ,
وممكن تحليل ل أدنك

الله يحفظك يا الغالي ويجزاك خير , السهم اليوم كسر دعمه , ومؤشراته تعبانة حيل , والله أعلم .

 

[Economic HitMan]

لي الحين ماكو إلا العافية يا الغالي

الله يعافيك ياخوي ويجزاك الله الف خير

 

[المؤشر67]

السهم مثل المركب الطبعان , وأول ما يبلش المركب يغطس تلاقي الفيران يطبون بحر , وبعدين البحرية والدريول , والنوخذة تلاقيه قاعد يعابل بلنجه مو راظي يرضى بالحقيقة المرّة وهي إنه مركبه طبع , لكن فقير من يهده ويطب بحر و يطلعون تجار حرب يحاولون ينزفون الماي ويطفحون اللنج علشان ياخذونه ببلاش ويظبطونه ويبيعونه ويترزقون الله , فإن كنت نوخذة وخسران وايد مالك غير الصبر والله يعوض صبرك خير , لكن إن كنت تاجر حرب فأنطره تحت والله العالم .

بصراحه خوش وصف بس انا الى طبعان يابومبارك الله يقويك ويكثرمن امثالك بس مارديت على البناء طال عمرك

 

[3lgm]

عساك منت طبعان بحول الله , البناء خيي صار عليه خوش نقاش اليوم وبوسلمان عطاه شهادة إيزو للجودة :

http://www.indexsignal.com/forum/showthread.php?t=70376&page=2

 

[أهم كويتي]

اخوي ممكن تحليل ايفا

 

[3lgm]

اخوي ممكن تحليل ايفا

يا الغالي للأسف ماني صايد تحليل يعتمد عليه حق هالسهم , ولا مؤشراته مبين لها مايه يوم تصعد ويوم تنزل , لكن من يومين خطوط البولنجر ضاجت عليه , وخطوط البولتجر إن ضاجت يا ينفجر السهم لي فوق أو يدمّ لي تحت , والحين مؤشراته عطت إتجاه الصعود , فإن شاء الله الصعود إتجاهه , الدعم 55 وراه 58 وأهو الدعم اللي ما انكسر من أسبوعين , مقاومته 64 , إن فعلها واخترق هالمقاومة وراها 67 والأخيرة 71 , والله أعلم .

 

[BiG_BOSS]

يا هلا وغلا يا الغالي , شلونك بشرنا عنك عساك بخير

الحمدلله بخير الله يسلمك

جزاك الله خير يابومبارك
وكثر الله من امثالك

 

[kakpal]

ممكن تشوف لـنـا السـاحـل شـنو وضـعه ومشـكور ومـاتـقصـر

 

[3lgm]

الساحل والله أعلم

 

[jozef2005]

السلام عليكم بو مبارك



تتوقع المثلث يدز المؤشر لي قوق ولا.

 

[Q8 Stock]

يا الغالي للأسف ماني صايد تحليل يعتمد عليه حق هالسهم , ولا مؤشراته مبين لها مايه يوم تصعد ويوم تنزل , لكن من يومين خطوط البولنجر ضاجت عليه , وخطوط البولتجر إن ضاجت يا ينفجر السهم لي فوق أو يدمّ لي تحت , والحين مؤشراته عطت إتجاه الصعود , فإن شاء الله الصعود إتجاهه , الدعم 55 وراه 58 وأهو الدعم اللي ما انكسر من أسبوعين , مقاومته 64 , إن فعلها واخترق هالمقاومة وراها 67 والأخيرة 71 , والله أعلم .

ركز بومبارك

 

[3lgm]

ركز بومبارك

وأنا أطالع المثلث مالك أقول العمي يشوفه شون أنا ما شفته , لكن ما يستوي الأعمى والبصير يا بوعلي , لا إله إلا الله عيني عليك باردة .

 

[Q8 Stock]

عادي بومبارك
ساعات تحوشنه هذي الشغله
وانت ما شاء الله
تحلل السهم من كذا زاويه

وجل من لا يسهو

لا تنسى تأثير الصيام

 

[3lgm]

السلام عليكم بو مبارك



تتوقع المثلث يدز المؤشر لي قوق ولا.

أنا عيني يا جوزف على ترند مو قادر الماكد يخترقه من أول شهر 8 .

 

[ساره78]

عادي بومبارك
ساعات تحوشنه هذي الشغله
وانت ما شاء الله
تحلل السهم من كذا زاويه

وجل من لا يسهو

لا تنسى تأثير الصيام

وتأثير ..استكانه الشاى المخدر .!!

 

[Q8 Stock]

وتأثير ..استكانه الشاى المخدر .!!

بالعكس
تخلي الواحد يفتح عدل
ويستوعب عدل

 

[3lgm]

عادي بومبارك
ساعات تحوشنه هذي الشغله
وانت ما شاء الله
تحلل السهم من كذا زاويه

وجل من لا يسهو

لا تنسى تأثير الصيام

مشكور طال عمرك على العذر والتشجيع , لكن المشكلة التحليل هذا عقب الفطور , فماكو فايدة العذر مو راكب علي , لكن هم مشكور ما قصرت , ولا تخلي يا بوعلي أي شي تشوفه .