((@ استشارات واستفسارات فنيّة @)) ...... 1

[3lgm]

ياحلوك

يا حلوك إنت .

 

[zizo 40]

تحياتى بو مبارك, لو سمحت سهم المصالح العقاريه, أدري إنه ثقيل شوى لكن عندهم صفقات وعقارات طيبه, وين دعمه ومقاومته؟ هل يصلح للإستثمار المتوسط-الطويل؟ ومشكور مقدما

 

[vartona]

120 دعم1 116 دعم2 , 130 مقاومة1 140 مقاومة2 .

يعطيك العافية بو مبارك المال هل في نظرك مسوي نموذج سلبي (راس و كتفين ) والا لك نظره ثانيه مع جزيل الشكر

 

[3lgm]

تحياتى بو مبارك, لو سمحت سهم المصالح العقاريه, أدري إنه ثقيل شوى لكن عندهم صفقات وعقارات طيبه, وين دعمه ومقاومته؟ هل يصلح للإستثمار المتوسط-الطويل؟ ومشكور مقدما

السهم طيب وتبي الصج لفت نظري له الله يجزاك كل خير , لكن أنا عن نفسي بتحبله بالـ75 وأهو الدعم الأقوى والسعر الأطيب للشراء , لكن إذا كنت مستثمر فالخمس فلوس مو فارقة والـ80 دعم نسبة قوية وفي احتمال السهم ما يشوف الـ75 بعد.

 

[3lgm]

يعطيك العافية بو مبارك المال هل في نظرك مسوي نموذج سلبي (راس و كتفين ) والا لك نظره ثانيه مع جزيل الشكر

الله يعافيج يا أم عبدالرحمن , تبين الصج امبلا وعلى الآرأس السناريو المستقبلي مرسوم وخالص , لكن دامه ما كسر ماله داعي نخرع الناس , خصوصا وإن في ناس راح تفسر هذا النموذج بان الصفقة راح تتعرقل وإن المجموعة ككل راح تتأثر , ففي رايي ما نستعيل ونتريث ليمن نشوف شيصفى عليه السهم .

 

[صبا]

رد

بومبارك جمعه مباركه عليك وياريت تشوفلنا المدينه هل السهم اعطى اشاره خروج

 

[3lgm]

بومبارك جمعه مباركه عليك وياريت تشوفلنا المدينه هل السهم اعطى اشاره خروج

الله يجزاج خير يا أم غزل , كسر 46 أهو الخروج , لكن دعمه الحالي 48 ومقاومته 51 .

 

[ADEL ALAZMI]

بـــو مبارك الدانه شـــ ناوي عليه صكرة تحت الدعم بفلسين وصارله مده على الحال

 

[3lgm]

بـــو مبارك الدانه شـــ ناوي عليه صكرة تحت الدعم بفلسين وصارله مده على الحال

المجموعة تعبانة يا بوعبدالله والسوق تعبان وسياسياً البلد تعبان , والله كريم .

 

[ADEL ALAZMI]

لاهنت بو مبارك وفعلا الوضع سيئ والله يستر على الوضع السياسي والاقتصادي بالكويت

 

[دربك أخضر 2]

السلام عليكم أبو مبارك الله يرحمك ويرحم والديك ويرزقك من كنوزه ويبارك لك ،ما عليك أمر ودى أعرف رأيك الموقر أيهم أفضل مشاعر أو أنوفست وماهى الأسعار المناسبه للدخول على السهمين
وجزاك الله خيرا

 

[3lgm]

السلام عليكم أبو مبارك الله يرحمك ويرحم والديك ويرزقك من كنوزه ويبارك لك ،ما عليك أمر ودى أعرف رأيك الموقر أيهم أفضل مشاعر أو أنوفست وماهى الأسعار المناسبه للدخول على السهمين
وجزاك الله خيرا

مشكور ما قصرت وعساك سالم , أنوفست أفضل من ناحية إنه متماسك ومشاعر مو راظي يوقف نزول , ثانيا أم مشاعر أعيان على شفا جرف , وأبو أنوفست التمويل جبل ما يهزه ريح . أفضل سعر للشراء 110-108 , أول مقاومة 116 من يطوفها يروح لي الـ132 بحول الله , وموفق يا الغالي .

 

[خفاق]

يعطيك العافيه بو مبارك ممكن تحليل عربيه عقاريه لو سمحت
نبيع والا نمسك المشترى 65 فلس فيه امل يعوض
وشكرا لك

 

[3lgm]

يعطيك العافيه بو مبارك ممكن تحليل عربيه عقاريه لو سمحت
نبيع والا نمسك المشترى 65 فلس فيه امل يعوض
وشكرا لك

الدعم44 مقاومة1 47 والثانية 49 , والمؤشرات متشبعة بالبيع ولازم يرتد , لكن بيكون ارتداد مؤقت , فحاول تطلع فوق وتسترده تحت و وخل عينك على الـ49 , إن شفت فيه نسم صعود إمسك لي 51 , لكن إن شفت الطلبات أقل من العروض حذفه فوق وتلقفه تحت , والله كريم .

 

[منور]

اخوي علقم..ممكن صفاه الطاقه لوسمحت؟
وشنو سبب نزول الانماء الى 75؟

 

[3lgm]

اخوي علقم..ممكن صفاه الطاقه لوسمحت؟
وشنو سبب نزول الانماء الى 75؟

صفاة طاقة وخري عنه , والله العالم إنه يستهدف الـ41 , أو إنه قاعد يسوي نموذج ما , لكن دام كسر الـ56 وجرح الـ55 معناته عنده جولة هبوط .

الإنما قاعد يعبي بانزين , دايما الأسهم السنعة تعطي مجال للمستثمرين بالدخول علشان يشيلون السهم , على عكس أسهم الحيالة اللي تهايط على ماميش , عموما دعمه 74 مقاومته 81 , والسهم طيب .

 

[zizo 40]

السهم طيب وتبي الصج لفت نظري له الله يجزاك كل خير , لكن أنا عن نفسي بتحبله بالـ75 وأهو الدعم الأقوى والسعر الأطيب للشراء , لكن إذا كنت مستثمر فالخمس فلوس مو فارقة والـ80 دعم نسبة قوية وفي احتمال السهم ما يشوف الـ75 بعد.

ويجزيك كا خير يا بومبارك, عساك على القوه.
تحياتى

 

[دربك أخضر 2]

الله يسلمك ومشكور على النصيحه

 

[طبعنا]

يسعد مساك بومبارك
شمعة الجزيرة الاخيرة شتقول
بارك الله فيك

 

[منافس]

جزاك الله خير
إشرايك بأسعار ( أنوفست + والصفوه + ومستثمرون ) للشراء