بيت التمويل الخليجي (تمويل خليج ) .......... 4

[مارس1]

عدل كلامك ي المهلب
لا تسمع كلام بعض الاعضاء اللى يدخلون الصفحه ويقولون بيعوا السهم
فى اى صفه عضو يدخل وينصح الناس فى بيع السهم بخساره !!!!
هذا انسان ما فيه ذرة احساس ولا مسؤليه كيف يطلب من شخص يبيع بخساره !!
وهل هذا الشخص وكيل على الناس ! او انه احتمال يضارب فى السهم ويتمنى انه ينزل اكثر حتى يشترى السهم !!!!
اخوى مهلب تأكد ان من ينصحك ببيع ما ينصحك تشترى سهم ثاني !!!!
لان هذه الاشكال تنصح ببيع على الخساره فقط !
اما شئ فيه فائده ما ينصحك فيه !

والله محد مخسر الناس غيرك لو باعوا على 36 فلس من احسن 35 بس اقول خلك

 

[مضارب شجاع]

والله محد مخسر الناس غيرك لو باعوا على 36 فلس من احسن 35 بس اقول خلك

انت شحارك ابيع 36 او ما ابيع !! انت شريك فى حلالي !!!
انا ما راح ارد عليك مو علشان اننى ما اقدر !! لا علشان تقدير واحترام حق المشرفين والاعضاء
وعلى قولة المثل الحبل ما ينقطع بين عاقل و ................ !

 

[الووان]

الحين شنو وضع السهم نبي تحليل يشباب

 

[ابو هلا]

متى اجتماع مجلس الاداره لاعلان ارباح الربع الثالث؟

وهل راح تتضمن ارباح التخارج من مرفا البحرين المالي؟

 

[مستريح البال]

متى اجتماع مجلس الاداره لاعلان ارباح الربع الثالث؟

وهل راح تتضمن ارباح التخارج من مرفا البحرين المالي؟

عندهم لغايه 15/11 ---------- عاد شوف لوعة الجبد والاشاعات لغايه هالتاريخ

ياخى تمسخرنا اخررررررررررررررررررر مسخره
شكلنا بنوصل لغايه 2020 وحنا كا طلعنا خاسيرنا امحق سوق

 

[مضارب شجاع]

اخوى مستريح البال مو مشكله ننتظر
ولكن خوفك من تخفيض راس المال هذا هو الموت بعينه وعلمه
المشكله ان الشركة ما نفت انها ما تبى تخفض راس المال
والله أعلم ان هناك نية تخفيض راس المال

 

[مهلب]

السلام عليكم
يعطيكم العافيه
جفتو السهم اللي كل واحد يقول ان راح يوصل 17 فلس واحد يقول ان اذا انكسر السهم وماطلع المؤشر بعد العيد والاخ يقولي التردد ماادري الترنن ياشباب وياشياب انا دخل من فتره على السوق السعودي وفي ناس شرواكم يقولون ان الشركات اغلبتها مافيه مافيه تعرفون اشلون تجمع محافظها يعني خالد عنده اسهم وعبدالله عنده اسهم وعلي عنده اسهم اشلون انخليهم يبيعون عن طريق تنزيل السهم انزل السهم ومع المافيه اللي عندهم بالمنتديات وبالسوق ان االسهم خسران والناس تقعد اتبيع عرفتو الالعاب انا بالنسبه لاسهمي ماابيع لو يوصل فلس واحد موهامني ماخذ اسهم 100 الف سهم سعره 100الف دينار كويتي الحين لو ابي ابيع 3.500 دك شسوي فيهم لا والله ماابيع خلي السهم ينزل اكثر اول شيء تمويل خليج كا ن كان في قديم الزمان سهم نشط وقوي الحين سهم فاشل اهم اللي متوهقين بالاساس عندهم معاشات وعندهم التزامات ماديه ديووون مع البنوك وعندهم بلاوي انا خلاص ايست خلينا انفلس ماعندنا مشكله خسرنا كان بها الله يعوضنا شركة باقت فلوسنا وانحاشت ماعندنا مشكله طلعنا ارتفع السهم السمعه لهم الناس اتأمن وتدخل فلوسهم والله بنك قوي اماا ذا يبون السمعه الشينه خليهم ياكلونه السهم فاشل و وبعد اليوم لاتوجد ثقه اما بالنسبة التردد والسهم اذا كسر حبيبي بينت الحقيقه مزاج الملاك اذا يبون يصعدونها واذا يبون ينزلون السهم والشرها على الحكومه ماتجوف ولاتعرف الشركات الوهميه ليش؟ مخلين مستشارين عندهم ومحاميين بس مااقول حسبي الله ونعم الوكيل لا اله الا الله الله كريم ياجماعه لحد يبيع عالاقل باجر لي افلس نقدر نرفع قضايا على البنك الفاشل

 

[Q8 Stock]

ياريت اللي يبدي رأيه
يكون بأدب واحترام
وبلاش اسلوب الطنازه
ويحترم كلام اخوانه

 

[Trillion]

ياريت اللي يبدي رأيه
يكون بأدب واحترام
وبلاش اسلوب الطنازه
ويحترم كلام اخوانه

شفت انك مشاركه منك بالصفحه قلت ادش

وصح كلامك يا بو علي يا جماعه ألتزموا ......لا تخلون الناس تضايق اكثر

فوق انه سهمها نازل بالقاع وفوق هذا الصفحه ما تنبغى من كثر مشاركات

الجانبيه والمناوشات

ولي عنده اي تحليل ايجابي سلبي عن سهم يا ريت مااكون كلام

يعني يرفق شارت

​

 

[Palo Alto]

السلام عليكم يا أخوان , هل التمويل الخليجي يزكي عن المساهمين .

 

[انت عمري]

السلام عليكم يا أخوان , هل التمويل الخليجي يزكي عن المساهمين .

يا الطيب خل يدفع ديونه مع فوايدهم اول

بعدين خل يزكي

 

[أم عزيز]

ههههههههه

شر البلية ما يضحك 000 قال يزكي قال 0

 

[بدر72]

بسم الله

السلام عليكم جميعا
-
بصراحه من زمان تركت المشاركات بأسباب كثيره منها من يضلل على الناس وحين التصدي له تجده يدخل بالف اسم ويرد ويعفس الامه .
-
لا علينا المهم
-
هذه مشاركه فقط - يعني مجرد توصيل فكره للكل من باب متابعاتي للسوق ونفسيات مجالس ادارات الشركات - ( لعلي اصيب واخطأ )
-
الشركه اذا تعثرت واصبح سهمها طارد تلجأ الى زيادة او اكمال رأس المال وذلك للحصول على السيوله و قراءة مدى تمسك المساهمين بالسهم ! .
-
اقول اذا تريدون للسهم الحركه - لا تبيعون ولا تشترون ولا تشاركون بزيادة رأس مال ولا يحزنون .
-
واذا في تخفيض رأس مال معناه ان الملاك هجروا الشركه باتفاق مع الاخرين والاخرين الموجودين يريدون تجميع بقدر المستطاع منكم .
-
لهذا اظن لا ينبغي مشاركتهم بكل ما يريدون من بيع او شراء او زيادة رأس مال .
-
واذا اصبحوا من تعثر الى تعثر هنا ينبغي رفع قضايا على القياديين منهم او تجميع عدد من المساهمين لا يستهان بعددهم بالنسبه - وطلب تحقيق بالخسائر او مايثبت تورط المختلسين لتحويلهم الى القضاء .
-
مشاركه معفوسه بس حبيت اعبر :d:d:d:d:d:d​

 

[zoom888]

بداية خير

مطلوب 1500000 بزيادة فلس عن الاقفال السابق بسوق دبي

 

[بحريني صغنون]

الان السهم في سوق دبي مطلوب بمليون سهم ب47.5 بزيادة فلس واحد

ان شاء الله هناك اخبار ايجابية وممكن احد يحلل لنا السهم وهل تنصحونا بالشراء

 

[*الأستاذ*]

الان السهم في سوق دبي مطلوب بمليون سهم ب47.5 بزيادة فلس واحد

ان شاء الله هناك اخبار ايجابية وممكن احد يحلل لنا السهم وهل تنصحونا بالشراء

اصعب سؤال هذا ؟

اتوقع الكل يمتنع عن الاجابة
وانا اولهم.......

 

[بحريني صغنون]

اصعب سؤال هذا ؟

اتوقع الكل يمتنع عن الاجابة
وانا اولهم.......

تسلم على الرد وننتظر الايام القادمة

 

[بوعزيز77]

من اشترى المخازن علا 255 فلس كان معروض بالسوق ترا اقفال يوم الاربعاء الماضي كان 510 يعني دبل ب 3 شهور
اكيد وايد كانو خايفين من المخازن علا سعر 255 الله يالدنيا اليوم اللي كان خايف منه قاعد يشتري ب 500 فلس ...
بس شكواي للي يفتهم شكواي

 

[ابو هلا]

الخير جاي انشاءالله

الصبر مفتاح الفرج يابو عزيز

 

[بوووحمد]

الخير جاي انشاءالله

الصبر مفتاح الفرج يابو عزيز

الغالي بو هلا لو تكرمت هكذا تكتب إن شاء الله تعالى, لأن معنى انشاء هو خلق أو صنع أما معنى إن شاء فهو إذا أراد ولذلك لا يجوز أن يسبق لفظ الجلاله كلمة انشاء.

وأرجو المعذره على الإطاله