هادى ابو محمد
عضو نشط
- التسجيل
- 17 سبتمبر 2006
- المشاركات
- 674
اللى واصله الدور على التوزيع يأخذ وبعدين يبدل وعصفور باليد ولا عشرة على الشجرة ليمتى وانت تنطر
دورة المؤشرنت للتحليل الفني
50 دينار كويتي
مثل ما قال أخونا هادي أبو محمد عصفور باليد ولا عشرة على الشجرة
يعني ألحين قسايم القيروان صارلهم من 2001 وتوه النفط يتخلى عنهم ويسمح للأسكان بتوزيعهم فما بالك عن غرب هدية اللي عليها خلاف بين الأسكان وبين النفط وما يندرى متى بتتخلى عنها النفط.
بعض الناس تقول إن غرب هدية جاية جاية بس الكلام متى؟
آنا من الناس اللي نطرت ونطرت غرب هدية وطوفت كذا تخصيص وآخرهم كان قسايم شمال عرب الصليبخات على أمل الإنتظار لقسايم غرب هدية لأن يوم يقولون راح يوزعونها ويوم يقولون إن النفط رافضة ويوم يقولون إن في خلاف على عدد القسايم بين النفط وبين الإسكان ويوم يقولون إن النفط رافضة لأن الأرض ما تصلح لبناء بيوت عليها والله ملينا من هل التصريحات ونبي واحد من الأسكان يطلع ويصرح بالكلام الأكيد والصحيح علشان لا يوهقنا ويوهق الشباب اللي صاروا ألحين شياب من كثر النطرة واللي عيالهم صاروا ألحين أطول منهم من كثر النطرة وآنا مثل ماقلت آنا واحد منهم....
شكلي راح أنطر إلى بعد العيد إذا ما صار شي وماكوا أخبار أكيدة بروح أخصص على أي مكان وأخلص والله زهقت ومليت من كثر النطرة ومن الإيجار اللي نتف جيوبنا
والله يوفق الجميع
عزالله صدقت بكل كلمة قلتها طال عمرك ...
والله اني اتذكر تصريح الحمدي وزير الاسكان السابق لما طلع بتلفزيون الكويت سنة 2006 قبل اليوم الوطني بأيام وقال ان غرب هديه راح تكون هديه من صاحب السمو الامير لابنائه المواطنين
اسألكم بالله فيه اقوى من الصريح!!! وهم ماطلع شي
الحين آخر تصريح كان من الفوزان رئيس هيئة الاسكان قبل
شهرين بالجرايد انه خلاص تسكر ملف غرب هديه نهائياً
لان المنطقه غير صالحه للسكن
حنا بهالبلد اذا تشوف الشي بعينك لاتصدق
لان كل من يصرح من صوب والمواطن هو اللي ضايع
اخذ منطقه صباح لاحمد
انتضر غرب هديه
اخواى اللى يقول اصبر
اقوووووووووووووووووووووووووووولة اتق اللة ولا تنطز بهالكلمة
اى اصبر انت منت حاس بالهمووووووووووووووووووم اللى تواجة رب الاسرة
ياخي البنات كبرو والعيال والشيب كثر بالراس من الهم والعمر والاجارات
انت منت حاس
الناس من لورى الى لورى تنقل بالعفش والاجارات وتحويل المدارس
ولا فى شى هذا صابرين مثل الحمير كرمكم اللة
15 سنة والعيال كبرو واحنا ننتظر وبعدين
اخواى اللى يقول اصبر
اقوووووووووووووووووووووووووووولة اتق اللة ولا تنطز بهالكلمة
اى اصبر انت منت حاس بالهمووووووووووووووووووم اللى تواجة رب الاسرة
ياخي البنات كبرو والعيال والشيب كثر بالراس من الهم والعمر والاجارات
انت منت حاس
الناس من لورى الى لورى تنقل بالعفش والاجارات وتحويل المدارس
ولا فى شى هذا صابرين مثل الحمير كرمكم اللة
15 سنة والعيال كبرو واحنا ننتظر وبعدين
اشفيكم ماسكين على غرب هديه شوووووفوووو الخزانات الجديده ..... للنفط في قلب غرب هديه تحت الانشاء ...(( 9 ))خزانات وبي القرب من الخط السريع وتسوير ها . . من ناحيه الشمال والجنوب بوجود مسامير الشبك الجديد .... وين تطلع غرب هديه والربع شبكوا ... وانتهو من فتره ... حدث العاقل بما يعقل ... سبحان الله ... ناس ماتبي تفهم ليش ؟؟
روح واظر لها في ارض الواقع .... عجبا لامركم
الحال من بعض ياخوي استهدي بالله
انا تقديمي 93
وقاعد بأجار من 95 وانا ادفع في هالاجارات ومن شقه الى دور وانت رايح
وعيالي اطول مني صاروا
بس يخوك شنسوي نطرنا كل هالمده مانبي نخربها بالاخير
لو ماخاذين من زمان في المناطق اللي توزعت جان ابرك بس صبرنا وقلنا يمكن
او شارين ايام الرخص بس ما لنا نصيب
الحين عقب هالنطره والصبر
والاخبار كلها زينه من الشيخ احمد الفهد تبينا نغامر لا انا اقول راح الكثير ومابقى شئ لا زم نكمل المشوار على الاقل يكون من نطرتنا سنع مو نجي بالاخير ونخربها ناخذ مشاريع بعيده وانا من الطلبات القديمه حراااااااااااام
وعسى الله يفرجها عنا وعنك وعن جميع المسلمين في هالشهر المبيارك
دورة المؤشرنت للتحليل الفني
50 دينار كويتي