شرايكم تستاهل 210 ؟؟

[عنودي]

عموما شكرا لك اخ بندر

 

[بندر العجمي]

عفوا لالا ماسويت شي

 

[m7jooob]

والله انا اشووف انهاا غاليه

لو القسيمة كامله مكمله ماتحتاج شي سعرها طيب وانتي تقولين يبيلها شغل يعني 35 الف تقريبا

لو تخاذينها 155 او 160 انتي الربحانه وشكرا

 

[عنودي]

صح كلامك المفروض هذا سعرها

يالله عسي ربي يعوضني خير منها

 

[q8_king1]

قسايم العدان علي 210 هذة السعر بالسوق واغلب الملاك هذي اسعارهم والمنطقة مرغوبة والمعروض قليل اذا تصبرين اشوي ودورين يكون افضل يمكن تحصلين شي علي طلبج سرداب واذا متعجلة توكلي علي الله الانة هذي اسعارهم

 

[ياسر الروقي]

من افضل مناطق الكويت العدان وخاصه قطعه 2 قسايم
لكن البيت راح يطلع عليج 210 وراح يكلفك 40 الف تقريبآ 250 في هالوقت مغامره
والله العالم اللي قاعد اشوفه ان العقار يتم تصريفه بألاسعار الحاليه شهر 3 هو المحك
والله يوفقك

 

[فنان999]

قسيمه دورين وسرداب بالعدان

يبيلها بيبان ودرايش وتكييف والدور الارضي الارضيه يبيلها سيراميك ورخام

ومن بره مصبوغه مو حجر ولا شي

هل تستاهل 210 ؟؟؟؟؟

عفوا مصبوغه ولا سجما
اذا سجما وباقيلها للتشطيب 20 الف واذا كانت بقطعه 6 او 7 او 8 وعندك جزيره مصفط سيارات
توكي على الله وخذيها سعرها يكون مو غالي ولا رخيص سعرها عادي

 

[فنان999]

من افضل مناطق الكويت العدان وخاصه قطعه 2 قسايم
لكن البيت راح يطلع عليج 210 وراح يكلفك 40 الف تقريبآ 250 في هالوقت مغامره
والله العالم اللي قاعد اشوفه ان العقار يتم تصريفه بألاسعار الحاليه شهر 3 هو المحك
والله يوفقك

عفوا اخوي قطعه 2 مو افضل من قطعه 6و7و8
ققط لتصحيح المعلومه

 

[ياسر الروقي]

عفوا اخوي قطعه 2 مو افضل من قطعه 6و7و8
ققط لتصحيح المعلومه

قطعه 2 مقابل صباح السالم ولها كاثر من مدخل ومخرج وارضها مرتفعه وهي بالاساس تسمى العدان لان الارتفاع موجود فيها والله اعلى واعلم

 

[عنودي]

الكنج
ياسر
فنان

اشكر لكم اراءكم لانها تفيدني حيل

 

[مو طبيعي]

انا اشوف انها غالية ونتي و كيفك
بس شوفي الاسعار من كذا مكتب هذا حلالك و تتعبين اشوي
ممكن تلقين شيئ احلى بنفس السعر و جاهز للسكن او اقل من السعر
و الله يوفقكي

 

[عنودي]

الف شكر مو طبيعي

وكلامك صحيح مليون بالميه

 

[عنودي]

اخوي فنان شنو يعني سيجما ؟؟

 

[فنان999]

اخوي فنان شنو يعني سيجما ؟؟

سيجما هي تكسية للبيت بدل الحجر وهناك انواع منها ولها حماية

انت ذكرت مصبوغه هل هي سيجما ولا صبغ عادي

 

[عنودي]

مادري صراحه انا شفتها مصبوغه من بره هل هي سيغما والا صبغه مادري ماعندي خبر

 

[أبوعبدالرحمن1]

اولا 210 ويبيله تشطيبات غااااالي جدا

ثانيا البيت الي بالعدان بيت حكومي وانا رحت وشفته ووقفت عليه هم غاااالي جدا مايستاهل هالسعر

ثالثا الله يرزقج بيت ترتاحون فيه وبالتوفيق

 

[عنودي]

صح كلامك بوعبدالرحمن هو صراحه غالي حيل والمشكله انه مو كامل

بس ترا قسيمه مو حكومي وفيه سرداب

يمكن انته شفت ثاني غيره

عموما بمشي برايكم وبنطر وبشوف اكثر

ماتقصر اخ بوعبدالرحمن ويجزاك ربي خير

 

[sma]

اختي اللة يرزقكم البيت المريح الي يجمعكم ,,,, بس نصيحة وانا اخوك وانا الحين صايم ديري بالك لاياكلون افلوسك ها الناس الي ماتحرم ولا تحلل حنا رياجيل وياللة ياللة وياهم , بس ونا اخوك شوفيلك رجال من ربعكم والي من جيرانكم يدورلك على بيت لئنة صعبة على المره تفتر على المكاتب والبيوت والعناوين وتفاصيل البنيان وعمر البيت والمواد الي فية وتكيفة وتشطيباتة وفرق المواقع والارتدادت والمنطقة الي تبون فيها والاسعار على حسب المنطقة وديري بالك من البنيان التجاري ؟ يعني شطب من جديد؟؟

 

[عنودي]

اخوي سما

يسلمك ويخليك ويرزقك يارب عالكلام الطيب اللي يبرد القلب
المكاتب ماروحلها الا معاي رجال وحتي البيوت ماقد رحت بروحي الا معاي اخواني او عمامي .. ربي يخليهم
هم ماقصروا يفترون بالمكاتب بس كل مارحنا علي شور المكاتب بيت طلع مو شي
عشان كذا انا تشوفني بالنت كله ادور يمكن احسن من المكاتب والمساله مهي يوم يومين انا ادور بيت لعمر جدام

لاتحاتي يخوي وعلي قولتك الرجاجيل ويالله تضبط معاهم سالفه البيوت

وانشالله ربي ييسر الامور ويرزق كلن علي نيته

اكرر شكري

 

[صقر3]

نصيحه خذي بيت جاهز لسكن