شرايكم تستاهل 210 ؟؟

[عنودي]

قسيمه دورين وسرداب بالعدان

يبيلها بيبان ودرايش وتكييف والدور الارضي الارضيه يبيلها سيراميك ورخام

ومن بره مصبوغه مو حجر ولا شي

هل تستاهل 210 ؟؟؟؟؟

 

[m7jooob]

السلام عليكم
شنو موقع القسيمة
وياليت تحطين عنوانها يمكن نمر ونشوف ونقيم

 

[عنودي]

اخوي

القسيمه بالعدان علي شارع واحد

يعني لاراس ولا شي

بالمميزات اللي قلتها هل تستاهل ال٢١٠ ؟؟

 

[أبو عبد الرحمن]

لا أختي غالية وماتستاهل

شوفي العرض إلي بهالرابط وقارني

http://www.indexsignal.com/forum/showthread.php?t=252367&highlight=%C7%E1%DA%CF%C7%E4

 

[عنودي]

يجزك ربي كل خير اخ ابو عبدالرحمن والله فرق بالسعر
القسيمه اللي اتكلم عنها سعرها كذا غالي عشان السرداب
بس اللي بالرابط هم حلوه
بشوف عنها بس انا اهم شي السرداب وهذي مافيها

مشكور ماتقصر

 

[أبو عبد الرحمن]

القسيمة المذكورة بالرابط إلي أرفقته لك دورين فقط مافيها سرداب ولكنها جاهزة وموقعها حلو

إلي معروضة عليك دورين وسرداب لكن يبيلها تشطيبات وأنتي ذاكره انه يبيلها تكييف وما ادري شنو التكييف هل هو وحدات ولا سنترال

بسراحة حيل سعرها مبالغ فيه لو قلنا إنه هذا سعرها وهي جاهزة للسكن وموناقصها شي راح تفرق بالسرداب واعتقد السرداب ان طار ماراح يكلف ٢٠ ألف

أنا أقول استخيري الله عز وجل واتصلي بالرجال إلي حاط العرض وشوفي القسيمة وإذا جازت لكم حاولي فيه إنه ينزل من قيمتها اشوي وتوكلي على الله

إلا إذا أنتي راغبة بالسرداب فهذا شي ثاني

الله يوفقكم

 

[عنودي]

ماتقصر يخوي والله انك صاج حيل مبالغ فيها ويبيلها تشطيبات مكلفه حيل

بس مشكلتي ان السرداب شرط اساسي

بس بروح انشالله بشوف هالقسيمه لان بالرابط مبين العنوان

وانشالله ربي يرزقنا قسيمه زينه

اكرر شكري

 

[ناس و ناس]

غاااااااااااااليه حييييييييييل

 

[أبو عبد الرحمن]

ما سويت شي أختي والله يوفقكم

بخصوص السرداب أعتقد الموقع يعوض عن السرداب وهالشي راجع لكم

إذا عنوانها واضح لك مري عليها اليوم بالنهار وشوفيها من برى إذا أعجبتك اتصلي على صاحبها واطلبي منه انك تشوفينها من داخل لأن بعضهم من برا الله الله ومن داخل يعلم الله وتقدرين تبنين دور ثالث أفضل من السرداب وأرخص

وتأكدي من أسعار المنطقة عدل لأني مبطي عن العدان وأسعارها ولا تنسين الإستخارة والإستشارة هذا بيت مو أي شي

 

[endless77]

يا اختي لا ينصبون عليك شارع واحد وبدون تشطيب هذي حدها اذا قطعت نفسها 120 - 130 ألف
لان التشطيب يبيله من 20 - 30 ألف

لا يحوشك

سوميها بالسعر اللي قلت لك والا يفتح الله

حسبي الله عليهم ما يخافون الله هذيلا!!!!!!!!!!!

 

[بوطلال-عقاري]

لا أختي غالية وماتستاهل

شوفي العرض إلي بهالرابط وقارني

http://www.indexsignal.com/forum/showthread.php?t=252367&highlight=%c7%e1%da%cf%c7%e4

السلام عليكم

ياجماعت الخير ترى البيت الي بالرابط بيت حكومة مو قسايم لانا العدان ق 4 مو قسايم


وبخصوص القسيمة سعرها مبالغ فية وتحصلين شي مشطب راقي بحدود 230


وتقبلو مروري.

بوطلال

 

[المطبه]

الضاهر لاقينج صيده حلوه زين أنج أسترشتي أخوانج في المنتدي الرائع

للأسف بعض الشريطيه الي مايخافون الله يستغلون خاصه خواتنا النساء ألي أغلبهم مايعرفون الاسعار الله لايوفقهم​

 

[ابو غانم]

غاااااااااااااااالي موووووووووووت

أنحااااااااااااااشي منه هذا

 

[rikan]

ما قصروا الشباب بالرد والتوضيح فعلا السعر غالي جدا جدا ( ما خاب من استشار ) ​

 

[أبو عبد الرحمن]

السلام عليكم

ياجماعت الخير ترى البيت الي بالرابط بيت حكومة مو قسايم لانا العدان ق 4 مو قسايم


وبخصوص القسيمة سعرها مبالغ فية وتحصلين شي مشطب راقي بحدود 230


وتقبلو مروري.

بوطلال

هلا أخوي بو طلال

الأخ ذاكر فيلا ماذكر بيت حكومة والله أعلم إن كلامك صحيح

عموما حتى لو بيت حكومة يبقى السعر المعروض على الاخت غالي حيل وهم يبيله تشطيب والحمد لله إنك مأيد إنه غالي

المنطقة غالية بس مو لي هالدرجة

قبل كم سنة أخوي عنده قسيمة بالعدان ثلاث أدوار ونص وسرداب شغل ديلوكس شارع واحد باعها ب 175 ألف والله على ما أقول شهيد

صج إن العقار غلا اشوي بس مو لي هالدرجة

الله يعين إلي بيشتري عقار بهالوقت

 

[بندر العجمي]

أستخيري ومن شاور ماخسر موفقه خير

 

[بوالعيس بيك]

والله انا رايي لاتطوفين هالقسيمه ترا صعب تحصلين بهالمنطقه صج مبالغ بالسعر بس حاولي فيهم ينزلون من سعرها ولايقصون عليج ويقولون ماتسوي ومن هالكلام الفاضي ترا قبل فتره نزلت اسعار اراضي بوفطيره بأسعار لقطه وكلمن قال لاتاخذون ترا العقار بطيح وبتصير الارض علي 50 الف واقل والناس مساكين صدقو وماخذو وشوفي الحين جم اسعار بوفطيره طارت ومحد محصلها وعشان تعرفين هالقسيمه تسوي ولا لأ شوفي جم اسعار بيوت الحكومه بهالمنطقه وراح تعرفين اذا كانت تسوي او لأ..هذي وجهة نظري واسف عالاطاله

 

[المهندس حسين]

غالية شوي ... يمكن 180 ألف سعر مناسب

 

[عنودي]

اخواني الافاضل :
محجوب
ابو عبدالرحمن
ناس وناس
اندلس
ابو طلال
المطبه
ابو غانم
راكان
بندر العجمي
بو العيس بيك
المهندس حسين

يجزاكم الله كل خير علي ردودكم لانها بجد فادتني كثير
مشكوورين وماتقصرون ... صح كلامكم حيل غاليه
وانا والله ماسآلتكم الا لاني عارفه انكم اخبر واعلم بهالامور

اكرر شكري لكم وبالنسبه للقسيمه راح ندور غيرها بسعر مناسب ومعقول

 

[بندر العجمي]

لا انا ماعندي خبره