الي كل من يحتاج مساعده من البنوك

[مدير مالي]

حياك الحبوب تم الرد

 

[مدير مالي]

حياك مهلب

تم الرد

 

[نياف]

سلام عليكم
يعطيك العافية أخوي على الخدمات اللي تقدمها لأخوانك واللة يجزاك خير

سؤالي طال عمرك
ابي اطلع شهادة رصيد من بنكي او من اي بنك ؟

 

[مدير مالي]

حياك ليكود

تم الرد

 

[مدير مالي]

حياك اخوي نياف

بخصوص شهادة الرصيد

اولا تحتاج شركه او مؤسسه بأسمك لها حساب جاري مستثمر

ولحد يقولك ان يطلعون شهادات رصيد لان هذا كان اول وغير معترفه والحساب لازم يكون شغال ومتحرك لمده لا تقل عن 6 اشهر

بهالطريقه تقدر تصدر شهادة رصيد

اما غيره راح يكون بطريقه مشبوهه وخذ حذرك

واتمنى لك التوفيق

 

[مدير مالي]

كل عام وانتم بخير

 

[fayezq8]

يا الغالي والي يرحم والديك ويطول عمرك ويخليك لعيالك في حل عندك حق اعادة جدوله ولا شراء مديونيه من بنك ثاني وجزاك الله خير واتمني الرد السريع

 

[مدير مالي]

حياك الله فايز

اخوي ياريت بس اعرف انت جم مديونيتك وعلى اي بنك وجم راتبك بالضبط ؟

وبخصوص اعادة الجدوله او شراء المديونيه هذي عند المركزي ومثل ما انت عارف واقفه على مجلس الامه والحكومه

 

[fayezq8]

اخوي مدير مالي راتبي 1109 وقسط 432 ومبلغ القرض 49700 الف
ومتوهك ابي كم الف مو عارف وشكرا::verymad::

 

[قناص_السوق]

اخوي مدير مالي

شريت رخصه و طالبين مني شهادة رصيد ب 200 الف حتى يحولونها باسمي ,,,, و الصراحه ما املك هالمبلغ شنو الحل و اقدر اطلعها عن طريق البنك او عن طريق شركه تخليص معاملات

ابي احد يسوي لي ياها حتى اكمل اجراءات تحويل الرخصه


شغله ثانيه اخوي ..... عندي مديونيه 7600 دينار قسطها 200 دينار اقدر اسوي طريقه انزل المديونيه و القسط ؟ للعلم لو دفعت المديونيه كامله يقطون تقريبا 300 دينار من سعرها

 

[مدير مالي]

حياك اخوي فايز كويت

بالنسبه للقرض اللي عليك مقارنه براتبك وقسطك فأنت متجاوز الاربعين بالميه اللي محددها المركزي

تحتاج تجديد القرض بحيث ان يتسدد كامل المبلغ وينسحب قرض جديد

وهالامر صعب لان لو فرضنا ناك بتجدد قرضك يادوب يغطي تكاليف غرضك القديم وديونيات اخرى وبتزيد الفوائد ومااتوقع بطلع بأيدك المبلغ اللي تبيه

انا أسف وشاكرلك

 

[قناص_السوق]

اخوي ما رديت عليي

 

[94409144]

بارك الله فيك وجزاك الله خير

انا علي مديونيه بالبنك وعلي سياره بشركه ثانيه وابي اخلي الاقساط اللي علي بالبنك فقط

وللعلم حاولت اخذ قرض ثاني وتم الرفض بسبب تاخر دفع الاقساط السياره

اذا تقدر تفيدني رد علي بالخاص

 

[مدير مالي]

حياك كويت فور

أسف عالى التأخير

بالنسبه لشهادة الرصيد سبق وذكرت هذا كان اول استخراج شهادات رصيد من بنوك او شركات او حتى شركات وهميه

الأن شهادات الرصيد فعليه فقط بمعنى بعلم البنك المركزي والرصيد فعلي متحرك وليس ثانبت وبتاريخ معين

فبالنسبه لهالموضوع لازم يكون الرصيد فعلي اما غيره ماكو فايده حسب علمي

بالنسبه لقرضك لو كان فقط هذا القرض مستقطع من راتبك ممكن انه يستدد بالكامل ولكن بشرط تحويل راتبك لبنك ثاني واستخراج قرض أخر بنفس القيمه ممكن انه يقل ويقل القسط

واتمنى لك التوفيق

 

[العقل الحر]

مسا الخير اخوي مدير مالي

بغيت اخذ معاملة تورق مالي من بنك بوبيان وراتبي على الاهلي المتحد وقالو لي المده اقصى شي سبع سنوات وبغيت اطول المده اذا لها دبره عندك

تقبل تحياتي اخوك ابو محمد

 

[q8rottweilers]

اخوي مدير مالي

شريت رخصه و طالبين مني شهادة رصيد ب 200 الف حتى يحولونها باسمي ,,,, و الصراحه ما املك هالمبلغ شنو الحل و اقدر اطلعها عن طريق البنك او عن طريق شركه تخليص معاملات

ابي احد يسوي لي ياها حتى اكمل اجراءات تحويل الرخصه


شغله ثانيه اخوي ..... عندي مديونيه 7600 دينار قسطها 200 دينار اقدر اسوي طريقه انزل المديونيه و القسط ؟ للعلم لو دفعت المديونيه كامله يقطون تقريبا 300 دينار من سعرها

بعد اذن صاحب الموضوع
اخوي في بنوك تطلعلك شهادة الرصيد وانت واقف، انا اتكلم عن الخليج لاني موظف بالخليج بس الشرط الوحيد يكون عندك مستندات او وصولات تثبت شرعية المبلغ الي وياك، الشهادة تطلع بنفس اليوم واذا تاخرت بالكثير مو اكثر من نص ساعة وتكون جاهزة بس بالنسبة للرصيد لازم يكون المبلغ موجود بالحساب ماتقدر تطلع الشهادة برصيد وهمي مثل ما تفضل صاحب الموضوع ولكن سمعت ان في شركات تسويلك اياها ياخذون منك توكيل خاص وتوقع كمبيالة ويصدرون لك الشهادة وارد اكرر سمعت يعني روح وتاكد من هالشي عن طريق المكاتب
بالنسبة للمديونية مايصير تنزل المبلغ والقسط او ترفع المبلغ والقسط العلاقة بينهم عكسية بمعنى لو زاد القسط وقلت مدة السداد راح تكون الفوائد اقل (انا اتكلم عن 7 الاف) والعكس صحيح بس بالاول تاكد من راتبك والتزاماتك اذا يسمح هالشي ولا لا وثاني شغلة لازم تشوفلك احد ثقة يسددلك لان البنوك بشكل عام موقفة شراء المديونيات

 

[q8rottweilers]

بالنسبة للاخوان الي يسألون عن الحد الائتماني
في بنوك تعطي قرض مساند للقرض القديم بشرط ما تتعدى نسبة التزاماتك الى الراتب 40% للموظف و 30% للمتقاعدين
طريقة الحسبة بسيطة تضرب راتبك في 0.4 يطلعلك حدك الائتماني جم
واذا بتعرف جم مسموح لك تاخذ بقسط ثاني تطرح قسطك من الرقم الي يطلعلك من حدك الائتماني
نفرض واحد راتبه 1000 وقسطه الشهري 280 دينار
1000×0.4=400
400-280=120
يعني تقدر تاخذ قرض ثاني بقسط شهري 120 دينار
بس اذا كنت متقاعد تضرب الراتب في 0.3
واذا بتعرف جم النسبة الي واصلها تقسم القسط على الراتب وتضرب في 100
نفرض شخص قسطه 200 وراتبه 700
(200÷700)×100= 28.5
يعني نسبة الحد الائتماني 28.5%
اذا شفت نفسك طايف 40% شوفلك حل
اتمنى الشغلة واضحة
اتمنالكم التوفيق
تحياتي

 

[مدير مالي]

العقل الحر

تم الرد

 

[مدير مالي]

حياك روت

شرفت

وشكرا للأفاده

 

[مدير مالي]

شكرا للأفاده مره اخرى

وللمرور