ابومسامح
موقوف
- التسجيل
- 11 يوليو 2010
- المشاركات
- 130
مساء الخير اخوي برقاوي
اتمنى انك تتمعن في كلامي وآنا ذكرت ضمن كلامي مايلي:
(( اذا طلع كلامي غلط مو عيب هذا الطرح عباره عن توقعات شخصيه وليس نظريات علميه)) وانا ما أقصد أخربط أفكارك0
وبقول لك معلومه قلتها أكثر من مره
محد يعرف بالتأكيد السهم بيصعد او ينزل الا ملاك السهم حتى مدراء الشركات معلوماتهم محدوده واعرف وايد منهم انصادو بأسهم الشركات الي يديرونها او شركات زميله وفلسو 000 مره ينصاد ومره تضبط معاه
وعلى فكره الكلام والمعلومات المؤكده ما توصل لك الا عقب ماتطير الطيور بارزاقها 00 وارجع الى شركة منا قبل لا يطيرونها ميزانيتها فاضيه ولا محلل او تاجر توقع صعودها الى 1800 قبلها السهم دايخ محد يلتفت عليه
وكلامك خطأ00 هذا الموقع للنقاش وابداء الرأي والتوقعات ووجهات النظر الشخصيه اللتي قد تصيب وقد تخطأ
واكرر التوقعات الاقتصاديه المبنيه على نظريات علميه ودراسات تعتمد على جمع البيانات الماليه المبنيه على ادله واثباتات علميه ماتحصلها ببلاش لازم تدفع عليها مبالغ كبيره يقولون السلع باثمانها0
واذا انت بتاخذ كل معلوماتك من موقع عام بمحمل الجد ما اقول الا (( الله يعين محفظتك )) دير بالك اخوي االله يخليك وانصحك لله تابع قيعان الاسهم التاريخيه وموجودات وقروض الاسهم وتحليلات الاخوان لمؤشر السوق وتحليلات البنوك وخاصة الوطني ولا تتبع القيل والقال واستخدم المنطق في تقييمك لأن محد يقدر يجمع كل المعلومات لكن تقدر تقيم الموضووع منطقي او لا0
وابيك اتعرف شي مهم جدا هذا الكلام بالمنتدى مو خرابيط اللي نقوله المقصود منه ان صانع سوق السهم يعرف ان احنا عارفين اهو شلون يفكر و نخربط افكاره و مانخليه يتحكم فينا لأن هذا الهدف هو غاية صانع سوق السهم بالصفحه اللي تخص شركته
لأن صانع السوق اكثر واحد يعرف تحليل سهمه ويعرف ان كل الناس اتابع التحليل وتتفاعل مع الاخبار ويحاول يوظف افكارهم لمصلحته الشخصيه للاستفاده ماديا لاقصى حد ممكن 0
وهذه رأيي الشخصي وكل عقله براسه ويعرف خلاصه
