Winchester SX3
عضو مميز
من قال دخلت تبي تاخذ 500 الف بس ولا 400 الف ؟
شالوا بس بذاك اليوم 800
ولمه شافوا النزول كملوا 200 على 202 واستفادوا على ظهر صغار المتداولين الي باعوا من تخويف الشارت لهم
يعني مليون سهم سعرهم فيها 200 الف دينار ناس تطقطق بالبورصه ؟
اكو احد يطقطق ب 200 الف دينار في الوقت الحالي ؟؟
عيل المحفظه الي قبلها دخلت ب 2 مليون هذي تهويشه اذا مليون سهم يطقطق :\
اما الي ما احترموا التحليل الفني خل نتكلم على مثال مثل منا نظرا للتحليل الفني المصدق يوم قالوا تصريف شصار في ذاك اليوم المشؤوم ؟
من 220 بغمضة عين وصولا الي 212 وعرض بدون شراء
وين الواحد يمديه يطلع ؟ وناس كثيره سألوني عن الي صار وليش قلت لهم لحد يطلع على 202 اليوم الي بعده ما سمعوا كلامي سمعوا كلام التحليل الفني وهم بعدها قلنا لحد يعرض بالادنى او اعلى منها مسكوا وبعد محد سمع الكلام والكثير خسروا والبعض منهم مثل ما وصلتني الرسايل انهم حطوا ردود بصفحة منا تم حذفها لاحتوائها على بعض العبارات الي ما تليق انها تنذكر لكن انذكرت من حرة قلوبهم على الفلوس الي راحت والسبب التحليل الفني ... مثل ما وصلني من العضو الي تم ايقافه وما اطلعت على الرد ماله لكن فعلا تم ايقافه بدون لا يكون رده الي تكلم عنه موجود
اتوقع رده كان قوي كفايه انه يتم مسحه
ولنا لقاء باجر في صفحة التداول
اي ناس تطقطق بــ 200,00 دك شنو المشكله !!
انت تشوف الدينار دينار
وغيرك يشوف الــ 1,000 دينار
لما تقول تجميع ولا دخول محفظه انت تتكلم عن رقم قوي
مو بس مليون سهم!
بعدين إي ممكن الــ 100,000 دينار مثل ما قالك بوعلي بإمكانك تكون صانع سوق ببعض الأسهم
بو علي قالك كثير من الأسهم ومو مشكلته لو انك ما عرفت أيهي الأسهم الي يقصدها
وانا اكثر من مره وقفت ضدك بصفحه التداول بخصوص نظراتك لبعض الأسهم وصفحات التداول تشهد وأنت تعلم بانها مبنيه على تحليل فني ومرفقها بدليلي وهو التشارت ولكنك لم تبين دليلك؟
بس تكتفي بشكله بيصعد او شكله تجميع او صاير مخامط!
والبنك الدولي آخرهم يوم تقول مخامط بالــ 222 فلس وانا قتلك لأ وبالنهايه سكر 218
صح ولا لأ؟
بعدين راح استشهد بالأخ المحترف ( لابتوب ) ومواضيعه القائمه على تحليل فني بالخروج ونقطة الإرتداد
وبإمكانك مراجعة مواضيع ( لابتوب ) للتاكد اكثر وللتثقف بنفس الوقت
وللحديث بقيه مع الأيام
سلامتك وماتشوف شر
تونا ماخلصنا
النقاش ليلحين بأوله وتعبت؟
