لااحب المعاكسة والمعاكسين اطلاقا //// ولكن احب قصيد الغزل فقط

[قديم بن عتيج]

قال الذي وان جهـل معنـاه فسّـر................فسّـر معانـي كلمـتـه باللبـاقـه

مانيـب فـي رد الجـواب اتعسـر................مالي مـع احـدٍ بالتعّسـر علاقـه

أبني من أمثالـي رصيـفٍ مجسّـر................مـن لا تحـذّر منـه بتـر بساقـه

وأضمن كلامي كان مـولاي يّسـر..............عن الهجـا بالنـاس ولا الطفاقـه

جيل مثل طلع النخـل حيـث بسّـر...............اليا انتصـف بامـه تحـلا مذاقـه

الله مـن قلـب غرامـه تحـسّـر..................مـن فقـدة أيـامٍ عليهـن شفاقـه

خطرٍ ضلوعه مـن نهيتـه تكسّـر...............تكسـر اغصـان الهشيـم الدقاقـه

أشوف نـاس بالسوالـف تجسّـر...............علـى تعاجيـب الفتـاة الدقـاقـه

لو هو كبير السن والجسـم مسّـر..........والوجه بان من المشيـب احتراقـه

يبـي مثـل فـرخٍ نقـوره ينسّـر...............من جوف خرب صلف الاطلاق عاقه

تالي الصبا مثل الحويض الموسّـر.............وسره ضعيف ودرعت فيـه ناقـه

العاقل اللي يفهـم الضـرّ والسّـر............ولا يرتكب عسر المراقـي عشاقـه

لا شفت مالك مصلحـة لا تخسّـر..............ان كـان مالـك بالخسـارة لياقـه​

 

[قديم بن عتيج]

ألا يـا عشيـري ويـن أنـا وأنـت.........أشوف الجفا جت لة دلايل


تبينـت لـي بـالحـرب و أعلنـت.............نسيت المودة والجمايل


وأظنــك علـى مثلـي تمـدنـت..........قصرت الشعر والفرق مايل


علامـك تقـص الـرأس لا هنـت.........حسافة علي ذيك الجدايل​

 

[قديم بن عتيج]

أشهد أن دنياي ماجت في عدال .......................زودها إنا كل عام ترذلون

ذوقتنا الكدر من عقب الزلال......................... وعلقت رمحينها بين المتون

خمسة أشهر ماقعدنا بالظلال ..................كود ظل اللي به العاف إمخزون

في تصاريف الحجر هي والحبال.....................وإن قضوا ذولا هذولا ينزلون

قالو إن الصبر تقنية الرجال .........................غرهم شيل الجلادا والمنون

يامسولفين السوالف بِلْعدال ...........................أثركم فينا حكيتوا تكذون

أشهد أن الصبر تقنيه الجمال ....................... كلما حطوا عليهم يحملون

يردون الموت في كل الأحوال .....................غير ذلك والسكارى يضحكون

واعذابي الموت في كل الأحوال ...............أشهد إن الغوص راعيه إمغبون

كلما كمل هلال جا هلال ...........................من محاتاهن يشيبن العيون

أربعة جرد نكملهم كمال ..............................لين يكمل حتنهم ويقفلون

يالنشاما ياكريمين السبال............................كل كونٍ غير كون الله يهون

بد من يومٍ تشوفون العدال........................عقب مارحتوا جنوب تشملون​

 

[قديم بن عتيج]

شوقي نوى يجفاني عقب الغلا نساني........واحترت في زماني مع ناقض الجديله

شباب وراسي شايب من فرقة الحبايب........يا ما اكبر المصايب راعي الهوى ياويلة

يازين خاف من الله وش بك على خلق الله.......احكم بنا شرع الله والحق اعرف دليله​

 

[قديم بن عتيج]

يامعـهـد الاهلي يـعـلـك تـهـدم................من عقب بنيانك يجيك الهدامي


حتي اتريح منك معاد اداوم................وصـيـر من عقب الكدر في سلامي


انا لاجـيـت المعلم يـعـلـم............اصبـحت من عقب السفـر في ظـلامي


الياحضرت الدرس ماني ابـفاهم.........لو درسـونــي فيـة عـشـريـــن عـامـي


يضيـق صدري يوم الشوف المعلم.......الي يـدوخـنـي في كـثـر الـكـلامــــي


جـعـلة يددل للي عيـونة امسلهم.........جـعـلة فــداء للابساتي النـــقابــــي



اسمع يافيصل..>>>


المعهد الي قلت ماهو لنا بهم..............ومــدرسـة ماهــو عليــنا الـزامــــي

يافيــصل افـهـم كلمتي يوم تفهم...........تري المراجل ماتجي في الكلامي

احشم من طابلك تراك تحشم...........وسبق علي العيا في ذروس العدامي

تراك حرن من حرار المدسم.................والحــر صيـــدة من كبـار القسامي

من جنب العليا تراة ينــدم......................لا تلتفت في مصرخات الحمامي

والله لاشرق عنة ولااتيمم.................وليا تـركـتة يافيـصل ماعليـنا ملامـــي​

 

[قديم بن عتيج]

دايم يخاصمني الحزن يوم لقياك


ودايم يعاتبني الفرح يوم شوفك


ياشوق لا تترك أسير تمناك


لا غبت عن عيني شقتني وصوفك


يشهد علي الله لا غبت ما أنســـــــــــــــاك


ما أنساك لو تجرح خفوقي بســـــــــــيوفك​

 

[قديم بن عتيج]

الموقف اللى جر حزن الطواريق.......................لومايسلي خاطرى مابديته

طعنه ياسيف ولكن طعنتن بالمعاليق..............ماهوب جرح لا سمرنى كويته

من اول اضحك لو على خاطرى ضيق.............واليوم ضاق الصدر واهتز بيته

حصاه طاحت من حصا قمة طويق.................ومن بعدها رجم الغلا مارقيته

انام من طول السهر وارجع افيق.....................واجمع خويطر اللى سريته

ابيات فيها من قصيد العشاشيق..............واصدق منه وابلغ من اللى قريته

ان فسروها قلت من غير تعليق....................وان بينت لى ابن عم ونخيته

ملفاى مقدام الوجيه المطاليق......................اللى ليامن دبر الوقت جيته

ماهو ملفق حولى الهرج تلفيق....................وفي لازمي لرحت يمه لقيته

من لابتن مثل الجبال الشواهيق................وعلى الظروف عزومه مستميته

ربعى مضامين العهد والمواثيق.................وان طمع جار البيت في جار بيته

حققت شي وشي يحتاج تحقيق..................حلمن بقالي حي لوماخذيته

ان قالها الله والليالي توافيق.......................لقطع ضرم نفسي ولو مارويته

مهو ضرم فنجال دله مع ابريق.......................ضرم وصال اللي يعله يليته

تسمحله ضروف الزمان اللواحيق....................اللي تناسيني وانا مانسيته

فوق الخطر دون الوصل نشفه الريق................وحبل اللقاء لو ماربعته ثنيته

البعد شلفا ذياب سم الصناديق...................والقرب يرفا جرحا لو مااهتنيته​

اللى يعاتبني ،/////

مايخاف الله ،/////

 

[قديم بن عتيج]

دار الـحـبـيــب مـــــا بـــقـــى دونـــهـــا دار.....تــقــرب شــــوي شــــوي وتـنـشــاف بـالـعـيـن

الـمـغـربـيـه صـــــوب خــيــطــان مــــــرار......بـيــت الـغـضـي عـــن وقـفـتـي بــعــد مـتـريــن

صـــرت اعـتـبـر نـفـسـي بـعـيـد عــــن الــــدار.....ســهــم الــهــوى عــــذب قــلــوب الـمـحـبـيـن

كـتـبــت فــــي الـقـرطــاس بـيـتـيـن تــذكـــار.....فـــي كـــل يـــوم اعـيـدهــا مــثــل ذا الـحـيــن

مـــن خـالــق الـجـنـة ومــــن خــالــق الــنــار.....والــلــي رزق عــبــده وســــواه مــــن طــيــن

والـلــي بـعــث طـــه فــــي الــنــاس واخــتــار.....حــتــى بــكــت خـلـفــه جــمــوع الـمـصـلـيـن

يـشـفـيـك يـــــا قــلـــب مـتــيــم ومـحــتــار.....تـفــجــرت بــيـــن الــضــلــوع الـبـراكــيــن​

 

[قديم بن عتيج]

انا والله طيب القلب ، وعندي العاطفه احيانا تسبق عقلي

لاتضايقوني اكثر من الذي يجرلي في المنتدى من توقيف وعقاب

يكفيني الدنيا التي ليست لي ولا انا لها ، ولم اقبلها من مولدي

مع العلم اني ولد عز وغنى والحمدلله ، ولكن لازلت ارفض الارض والعيش بها

​

 

[سهمك اخضر]

اخصمك اه اسيبك لا وناسي باجي القصيده

 

[قديم بن عتيج]

اخصمك اه اسيبك لا وناسي باجي القصيده

ايا الشيطان طحت علي،، هههههه

انا منحاش عنكم في صفحه الاقتصاد ، بس تشطبون مواضيعي​

 

[قديم بن عتيج]

فاضت القريحة وانا مااقدر اعبر عن شعوري حتى لو في قصيدة

هكذا الدنيا تفعل بنا​

 

[إبن الوليد]

انا اشهد انة شعر صخر

كل قصيدة ابلا من الثانية

خروج للصلاة المغرب