Cozmo
موقوف
تفضل اخوي كوزمو الشارت المحلل يعرف الدخول من حجم التداول والشموع ورسم الترند ومن هنا يقول دخول او خروج كما موضح بالشارت وشكرا
كلام جميل
واذا ما خانتني الذاكره انت سألتني قبل فتره عن تحليل لسهم منا القابضة هل اقدر اخالف التحليل الفني فيه ولا لأ
ورديت عليك بقولي اذا جاوبتك راح اخرب بيوت وايد ناس
كوني شخص مالي بالتحليل الفني او الشموع وتحليلها فأنا راح اجاوبك بالمنطق او الكلام الي اعرفه واهو صوت الدينار مثل ما قلت لك
شخصك الكريم يقول من كميات التداول ودخول السيوله للسوق انت تعرف انه وقت الدخول من الشموع
كلام جميل
لكن هالشموع متى تطلع ؟ هل قبل دخول السيوله ؟
لنفرض سهم نقول س من الاسهم
المحللين قالوا السهم كسر سعره او الترند او ما ادري شنو يسمونه اخوانه المحللين المهم قالوا خروج خلاص
والناس قطت الي عندها كله ووصلوه بالادنى
وبنفس اليوم ايي انا اشيل المعروض كله وبسعر يكون رخيص جدا دام انه وصل للادنى او اسعار نازله طبعا نظرا لانه المحللين قالوا خروج من السهم
انا الحين بجذي شلت السهم من الادنى او باسعار نازله الي مستويات ثانيه
ممكن ارده فوق السعر الي كسره علشان ادخل الناس مره ثانيه
المحللين وقتها راح يقولون رد فوق سعره دشوا على السهم
الناس راح تدش وانا اصرف عليهم
منو الي استفاد من التحليل الفني الحين ؟
هل صغار المستثمرين ؟؟ او صناع السوق ؟
هذا جوابي لسؤالك الكريم عن سهم منا القابضة
ولاحظ السهم انا ما ظهرت اتابع وانصح واوسي عليه الا لمه قالوا خروج من السهم بعد كسر ال 275
ويوم انا وصيت عليه على سعر 168 دخول وقت ما كل المحللين قالوا خروج قام السهم وارتفع
حركات صناع سوق
التحليل الفني اخذها مني انا اكيده يبا
يفيد صناع السوق اكثر من صغار المستثمرين
وراح احط موضوع عن التحليل الفني والمستفيد الاول منه علشان اوضح المخفي والي حاصل في سوقنا
واسمح لي على الاطاله
بس وجب التنبيه