اللي عنده رأس مال وماعنده مشروع يتفضل بدون مقابل

[Watcher]

جزاك الله خير
و الله يزيدك من عنده

 

[نايـف]

جزاك الله خير بس اخوي فهد اذا ماحصلت 8 رؤؤس شنو البديل له ومشكور وماقصرت

 

[فهد97788]

جزاك الله خير بس اخوي فهد اذا ماحصلت 8 رؤؤس شنو البديل له ومشكور وماقصرت

حياكم الله اخوني جميعاً اللي مرو على الموضوع وبارك الله فيكم


اخي نايف البديل هو متوفر بكثرة بالسوق

وهو 6 رؤوس ولكن تأكد من نظافة السياره

والله يوفقك

 

[مساهم11]

عسي الله يجزاك ويجعل بطن جابك الجنه
والناصح قليل هالايام
وانا الحقيقه سنة 2003 نصحني اخ فاضل مثلك بالتنكر
وبالغعل كنت ادور وكنت معزم ما اذني ماي
المهم جاني شيطان في صورة انسي ناصح الله يجزاه بما يستحق
ونصحني بشغل صهاريج البنزين ايام شغل العراق
وهو عزم بي وقالي انا معزم اشتري وخمر الفكره براسي
المهم قطني علي صخر ورحت فيها
رحت خذيت سياره علي التمويل ب 12.000 الف دينار
واشتريت صهريجين وسلمتهم للي نصحني فيه

مالك بالطويله حاجه

طلع الاخ نصاب صاحب الشركه
وبعت الصهاريج بنص الثمن وبحبة خشم بعد
وازيدك من الشعر بيت وهقت معاي رجال شرواك
وكانت عدد الصهاريج 9 كان لي منهم 2 والباقي للربع

والحمدلله علي كل حال
والله يخلف الخساير الي توني خلصت منهم

 

[فهد97788]

عسي الله يجزاك ويجعل بطن جابك الجنه
والناصح قليل هالايام
وانا الحقيقه سنة 2003 نصحني اخ فاضل مثلك بالتنكر
وبالغعل كنت ادور وكنت معزم ما اذني ماي
المهم جاني شيطان في صورة انسي ناصح الله يجزاه بما يستحق
ونصحني بشغل صهاريج البنزين ايام شغل العراق
وهو عزم بي وقالي انا معزم اشتري وخمر الفكره براسي
المهم قطني علي صخر ورحت فيها
رحت خذيت سياره علي التمويل ب 12.000 الف دينار
واشتريت صهريجين وسلمتهم للي نصحني فيه

مالك بالطويله حاجه

طلع الاخ نصاب صاحب الشركه
وبعت الصهاريج بنص الثمن وبحبة خشم بعد
وازيدك من الشعر بيت وهقت معاي رجال شرواك
وكانت عدد الصهاريج 9 كان لي منهم 2 والباقي للربع

والحمدلله علي كل حال
والله يخلف الخساير الي توني خلصت منهم

أولا الحمدلله على سلامتك من هـ الشرك اللي حطك فيك هالانسان

لان لو تعثرك بسداد الدين ممكن تكون بالسجن لاسمح الله

لكن اسمحلي بنصيحه من اخوك

انت تشاركه بالغلط لأن مو كل نصيحه ناخذها

ومو كل كلمه نتبعها

صحيح دافع الشباب والحماس حلو لكن غلط لو زاد

وانا والله بديت من راسي ولكن ما مشيت على طول

طولت جدا وانا امشي واسأل اصحاب الخبره

والتوفيق من الله

وانا نصحت صديق وأخو دنيا ونصحته ووقفت معاه والحمدلله

الحين يمتلك مجموعة سيارات وصار اشطر مني الله يوفقه


واي سؤال اخي الكريم انا بالشوفه

والله يقدرنا على فعل الخير

ودعوتك بأول سطر كتبته لها وقع عظيم على قلبي

وكانك ملكتني الدنيا بما فيها

بارك الله فيك

 

[c_4]

الله يجزاك خير على النصيحة

 

[maax1]

جزاك الله خير والله يرحم والديك

الله يوسع فى رزقك امين

لآن الزمن الحين الى نايم على شغلة مايقول حتى لآقرب النااااس
مايعرف ان الارزاق من رب العالمين

ودنا بربعنا يشتغلون اولى من الى جاى من برا عسى يفكون من ضيقهم شوية

الله يكثر من امثالك ويبارك لك وبعيالك اخوى فهد شخص ناااادر فى الوقت هذا مثلك

( خل عينك فوق على رب العالمين مو على بشر وماتشوف الا كل خير )

 

[فهد97788]

الله يجزاك خير على النصيحة

والله يجزاك الف خير على الدعوه العطره والطيبه

 

[فهد97788]

جزاك الله خير والله يرحم والديك

الله يوسع فى رزقك امين

لآن الزمن الحين الى نايم على شغلة مايقول حتى لآقرب النااااس
مايعرف ان الارزاق من رب العالمين

ودنا بربعنا يشتغلون اولى من الى جاى من برا عسى يفكون من ضيقهم شوية

الله يكثر من امثالك ويبارك لك وبعيالك اخوى فهد شخص ناااادر فى الوقت هذا مثلك

( خل عينك فوق على رب العالمين مو على بشر وماتشوف الا كل خير )

ايوالله ان الارزاق بيد الله سبحانه وهو مقسم الارزاق

ويشهد الله اني لو اشوف اي شاب كويتي يتشغل بأي مجال

ومتوفق والله تجيني فرحه بشكل جنوني وكأن نجاحه وفلوسه حقي أنا

ولما اشوف العماله واقول الله يرزقهم بعد لما اشوفهم ماكلين

البلد اقول ياخساره على شبابنا اللي بالأسواق

ياخي عندي صديق باكستاني ما شاء الله الحين وصل لمليون دينار

ويقول الكويت ثروه بس مستحيل الكويتي يستقلها

ويقول كل سنه نجيب صديق ولا اخ لنا من باكستان ونعلمه الشغل

وبالأخر كلهم يطلعون بالملايين والله يوفقهم ويوفق شبابنا


بس مشكلة الكويتي معتمد على الراتب ومكبر المخده مايدري

إن النعمه زواله ودوام الحال من المحال


اشكرك اخي الغالي واشكر مرورك الطيب

 

[M F]

جزاك اللة عنا كل خير انشاللة
وعسا الله يفتحها عليك ياخوي
بس عندي استفسار بسيط
انت الحين جم تنكر عندك ؟
وجم صارلك تشتغل فيهم ؟
واذا اقدر اشتري تنكر وتشغله لي بشركة عن طريقك ؟

 

[فهد97788]

جم تنكر / خير من الله

جم صارلي اشتغل هالشغله / من 6 إلى 7 سنوات

وإذا تبي تشتري تنكر انا اوجه فقط واقولك شلون تبدأ بالشغل وعن اي طريق واحاول احط
رجلك على اول درجه .. لكن اقولك اشتر وانا كفيلك بالشغل .. هذا بيد الله سبحانه لكن انا اقدر
اقولك اسامي الشركات وانواع العقود واسعار عرض الاسعار

لأن هذا حدي بالأمر هو المساعده والأرشاد فقط

وعسى الله يوفقنا لما يحب ويرضى

 

[علي سالم]

السلام عليكم ياخوي فهد

والله يجزاك خير ياخوي وربي يوفقك يارب

حبيت اسالك ياخوي انا بشتري تنكر وفلوسي كاش ان شاء الله
بس ترا صاحبك غشيم وانا من زمان عندي هل فكره بس ماعندى الي يوجهني
وقلت خل استانس بشبابي واشتري سياره واسافر والحين خلاص ابي اشتغل
مثل ماقلت المعاش والله مايجي 10 الشهر الى انت مقحط الله يكون بالعون بس
بس حبيت اسال اذا تقدر تجيبلي تنكر مضبوط وكل شي اوكي وعقد بعد
طماع صاحبك
بس حبيت عن اسعار العقود ومدتها تقريبا سنه اهيا صح ؟
وشكرا جزيلا وعساك على القوه وربي يفتحها عليك على نيتك الصافيه
فمان الله

 

[فهد97788]

السلام عليكم ياخوي فهد

والله يجزاك خير ياخوي وربي يوفقك يارب

حبيت اسالك ياخوي انا بشتري تنكر وفلوسي كاش ان شاء الله
بس ترا صاحبك غشيم وانا من زمان عندي هل فكره بس ماعندى الي يوجهني
وقلت خل استانس بشبابي واشتري سياره واسافر والحين خلاص ابي اشتغل
مثل ماقلت المعاش والله مايجي 10 الشهر الى انت مقحط الله يكون بالعون بس
بس حبيت اسال اذا تقدر تجيبلي تنكر مضبوط وكل شي اوكي وعقد بعد
طماع صاحبك
بس حبيت عن اسعار العقود ومدتها تقريبا سنه اهيا صح ؟
وشكرا جزيلا وعساك على القوه وربي يفتحها عليك على نيتك الصافيه
فمان الله

والله ياخوي حالياً ماني شايف قدامي سياره

لكن اوعدك راح اسأل وادور لك وبشوفلك افضل نوع وافضل مميزات

لأن السياره إذا كانت نظيفه جدا ترتاح من خراباتها

وارسلي رقمك واسمك على الخاص وعسى الله يقدرنا على فعل الخير

لأن الدال على الخير كفاعله


وللمعلومه انا كنت مثل تفكير اي شاب كويتي

اشتر سياره فارهه وفراره بالأسواق وشريت السياره ومليت فراره

لكن لما فكرت باللي قاعد اسويه عرفت اني على خطأ

لذلك لاتقط فلوسك بشيء مامنه فايده

وعسى الله يوفقنا ويحسن خاتمتنا

 

[kw-serv]

مشكووور

 

[علي سالم]

الله يجزاك خير ياخوى وان شاء الله ادزلك المعلومات رساله خاصه

 

[kefyq8i]

ياجماعة والله ماكو احسن من تأجير السيارات الثقيلة خاصة التناكر شغلها داخل الديرة واتعب على السايق ثم السايق ثم السايق وهذا الكلام من واقع تجربة طويلة مع التناكر وبفضل من الله قبل كل شي
وغلطتي الكبيرة اني حولت من التناكر الى البورصة طمعت ودشيت على سهم المخازن أيام النكسة على العموم نصيحة يأخواني صدقوني ماراح تخسر شي التنكر شيك بالمخبى واهم من هذا كله التوكل على الله والنية الطيبة تلقاه قدامك

والشكر الحزيل لصاحب الموضوع عسى الله يكثر من امثالك

 

[فهد97788]

ياجماعة والله ماكو احسن من تأجير السيارات الثقيلة خاصة التناكر شغلها داخل الديرة واتعب على السايق ثم السايق ثم السايق وهذا الكلام من واقع تجربة طويلة مع التناكر وبفضل من الله قبل كل شي
وغلطتي الكبيرة اني حولت من التناكر الى البورصة طمعت ودشيت على سهم المخازن أيام النكسة على العموم نصيحة يأخواني صدقوني ماراح تخسر شي التنكر شيك بالمخبى واهم من هذا كله التوكل على الله والنية الطيبة تلقاه قدامك

والشكر الحزيل لصاحب الموضوع عسى الله يكثر من امثالك

الله يبيض وجهك على الدعوه

وانت صاحب معرفه والدليل انك تاكد على السائق

فـ والله انه اهم من العقود لأنه 98 % منهم حرامي

لكن الحافظ الله


واليوم لاتنسون توقيع الدوله مشاريع بقيمة 2 مليار دينار

وكلها بنيان وإعمار

يعني شغل التنكر راح يصير الدبل

طبعا اهل المليارات مثل الخرافي وربعه هم ياكلون الكيكه

بس احنا اصحاب التناكر نستفيد على قد حالنا

والدينار الحلال أفضل من المليون الحرام



شكرا عزيزي على المرور

 

[investor100]

بارك الله فيك اخوي على النصائح الطيبه اللي قاعد اتقدمها للناس.... فعلا شي يثلج الصدر ان انشوف ناس مثلك و شرواك يتمتعون بروح التعاون و حب مساعدة الناس....

بالتوفيق يا اخي العزيز و الى الامام

 

[فهد97788]

بارك الله فيك اخوي على النصائح الطيبه اللي قاعد اتقدمها للناس.... فعلا شي يثلج الصدر ان انشوف ناس مثلك و شرواك يتمتعون بروح التعاون و حب مساعدة الناس....

بالتوفيق يا اخي العزيز و الى الامام

بارك الله فيك اخي الكريم

والشخص لايريد سوى الدعوه الصادقه فقط

 

[فهد97788]

اجمعين اخوي