... بسقيك من نهر الهوى لين تروى ....

[لاتجريحينى]

,
سرابي .. هاجس الذكرى ولا ني بحاجة التذكير
لأني عايشٍ أصلاً .. بلاه .. بروح .. تذكاره


إذا .. هو يذكر .. ايام الغرام .. ويشتكي للغير
فانا .. ماغير افكر به .. وصدري ، حافظ اسراره


واذا هو صار بفراقي .. قصيده مابها .. تصوير
فانا لازلت ، بفراقه .. لحن من دون .. قيثاره


حزن ماهو حزن .. لكن حزين .. ومالها تفسير
غريب .. ولا غريب ..الا غريبٍ .. داخل دياره


الى من قالوا .. شلونك .. أحمْد الله واقول بخير
مدامٍ .. صاحبي .. يذكر .. وأنا لا زلت .. باشعاره

 

[لاتجريحينى]

.
تعبت أسولف لك وانا ما تكلّمت
............................أسكـت أنا وأتـرك عيوني تكلّم




لاتفهم احساسي ولا تفهم الصمت
............................مـدري وش أسوي علشان تفـهم




ودي أقول فـ يوم كم فيك أنا همت.!
............................لكنّي خايـف,,خايـف أقـول وأنــدم




كل ما بغيت أقـول أحبك تلعثمت
............................حتى وأنـا أحلم فيك كنت أتلعثـم





كم ضقت منك وكم عشانك تبسمت.!
............................الله هو اللي بـس في حالي أعلـم





أحبك لحالــي ولا يــوم علمت
............................إحساس أحس المـوت من طعمه أرحم





لو بـس تدري كيف أحبـك تألـمت
............................عن كل لحظة منك كنت أتـألـم




تعبت أسولف لك .. وأنا ما تكلمت
............................يارب تفـهم بس ..يارب تفهـم !

 

[لاتجريحينى]

,
أحيان .. أشوفك لي أبعد من فضا جوّي
وأحيــان .. مــا بينـي و بينك و لا ملّي..!



تبي الصراحه ... ما عاد أدري وش آسـوّي
أن آتــواصــل معــك و الا أنسحـب كلّي..؟

 

[لاتجريحينى]

.

وبسقيك من كاس الهوى لين ترووووووووووووى .....


ألم ....... حسره ....... وغم .... ويمكن ضياع


لصار قادم عينيك ولا تقدر تطوله.........

لصار قادم عينيك ولا تقدر تطوله.........

 

[bonoor]

بارك الله فيك اسقيتنا من كاس شعرك بس مارتوينا استمر امتعتنا

 

[السيدةالانيقة]

عيوني كيف ينسونك صحيح مشغولين بالدنيا لكن ماتغيرنـــــــــا ..

ندوس الوقت لو فكر على كيفه يمشينـــــــــا ..

ونعيش العمر ونقدر عيون اللي تقدرنـــــــــــا ..

ونعرف ان الزمن مهما يباعدنا يجيه يوم ويجمعناالمحب

​

 

[السيدةالانيقة]

قالوا تحبه ؟؟ قلت بالحيل أحبه
وأحب التراب اللي وطت به
خطاويه..قالو غلاته ؟؟؟؟
قلت ياناس صعبة أوصف
غلا اللي عن غلا الروح مغليه
سعادتي لو هي دقايق بقربه
تسوى العمر كله مع كل ماضيه ...

​

 

[السيدةالانيقة]

ج ر و ح ي

تفداك وإذا ماكفاك

احذف (الجيم )

وخلي الباقي معاك.....[url=http://www.0zz0.com] [/URL]

​

 

[لاتجريحينى]

.
تِصَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. . ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني


وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته و عيَّى النُوم , يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني , ما هقيته يصير
لأنِّي كِنتْ .. ( متأكد ) .. بأنْ البُعد ينهيني

 

[لاتجريحينى]

.
وينه غلاتي ؟؟ يا "بحر" وينــه الحين !
مرك ... ؟ لمحته ..؟ مانشد عن حناني ؟؟
بـ الله قول أنه هنا قبل يومين ,
ودّي أحـس انه هنــــا / مانساني !

 

[لاتجريحينى]

.
زعلانه مني وتنهدم فيني ملايين القصور..... لأنك طموحي ورغبتي وتخطيطي ل مستقبلي
" بركان " شعري ما هدى وخايف مع المُده يثور.... في غيبتك شفتي الشعر وشلون فيني ينغلي ؟
زعلانه أدري وضيقتك في داخلك أربع شهور .... وتأكدي إنَّ إزْعَلِك هو يُعتَبَر نفس إزعَلي
يا زهرةٍ وسط العمر مو مثلَهَا باقي الزهور.... يطاوعك قلبك كذا ؟ عن زارعك ما تسألي
ما كني إلا لك سما وفي هـ الفضا إنتي طيور.... يعني وجودك زينتي ولزوم فيني تمتلي
من يوم ما غبتي وأنا : ضايع بلا قلب وشعور .... تايه ولا عندي أمل في آخري وفي أولي
يا أطهر اللي قابَلَت عيني على مر العصور.... تعالي عندي وإسكني فيني كفى لا ترحلي
يرضيك أقابل هـ البحر وأرمي من الضيقه صخور... ؟ وأذكر سوالفنا ب وَلَه وش قلتلك وش قلتِلي
في غيبتك حالي تَعَب وصرت ما أحب الظهور .... ما غير أتمتم في نِدَم : يا وَيْلَ لي يا وَيْلَ لي

 

[لاتجريحينى]

.
ياصدر احنك عن الضيق وتضيق .... اليا متى ذا الحزن ياصدر قلي
ياصدر هالدينا حظوظ وتوافيق.... وانا من الثنتين ذي ما حصلي

 

[لاتجريحينى]

.
تكفـى لا تسألني عنه من كثر حبه زهقت
كل ما بغـفَـى ـىَ وألمّـك مر بالبال ووعيت
تجربـه ولا لها حظ وعلى طول افترقت
اِنتهَـى المشو1ر فيهـا / كان بايع واشتريت
واحدٍ سيّـر على قلـبي وخذ وياه وقت !
أي وقت ؟ إلا خذا وياه قلبي.. وِ وش خذيت ؟؟!
كود جرحٍ / وونّتِـيـن / ودمعة العين .. وحرقت
قلبـ منهو يسمع ابيـات القصيـدة بيت..بيت
هو نساني ! واحسب اني لا عشقته انعشقت
وانت أبيلي عيب واحد فيك ما عمري لقيت !!
هو سرق مني ابتساماتي وانا منك سرقت ؛.
قلبك .. ومذكر عطيت بيوم من قلبي ووفيت
حتى في عز إندمـآاجِـي في غر1مِـك ما نطقت
إلا اسمه ...والمصـيـبـة قلتلي .: ســم و رضـيت !!..
لا شرهت ولا زعلت ولا تغيرت وفرقت !
هيه هيه الابتسامة ما تكدرت ومشيت
بس دمعة من عيونك وان سألتك ما صدقت
قلتلي الدخان داخل في وسط عيني وبكيت

 

[لاتجريحينى]

,
دايم تفارقني قبل حزّة العيد ....... وأقول صدفه يعني هالشي وارد
توّي عرفت المسأله بكل تأكيد ....... ما يجتمِع عيدين في وقت واحد

 

[لاتجريحينى]

,,
والبارحة... ما هَجَدْتْ ولا حَوَتْني الدُّورْ
ماغير أشتِّمْ غيابك... وأرجَعْ أشكي لكْ !



بلحالي.. كِنِّي الفقير.. وكِنّ زَعَلْكْ السُّورْ
كل مابغيت أشحذك.. هجَّتْ محاصيلَكْ !



بشويش قل لي: شَسَوِّيْ.. وأجْمَعَ المنثُورْ
بس إنت آمر.. وأنا بهبالي... كلِّيْ لكْ !



ودِّي أكونِكْ.. وإنت تكونني.. وبالدّورْ :
أنا أحضنَكْ بُنّ.. وإنت تضُمِّني هيلكْ !



ماهو بوقت لـ تغلِّي... سيِّدي المَمْطُورْ
بالحُسنْ / .. وأمَّ المسافة تنتخي بـ خيلكْ !



العُمرْ: دفترْ... وأيام الوصال سطورْ
يا دفتر العُمرْ... لا تحرمني سطري لكْ !



ثلاثة شهور ... والوحدة بليَّا شعُورْ..
تهِدّ بي حلم... وأرجع كلِّي أبْنِي لكْ !



لله... قل لي: إذا مَرّيتني بـ غرورْ :
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!
من وين أجيب لعيوني دَمعْ.. وأبكي لكْ ؟!

 

[لاتجريحينى]

,,,,

أنا بعدك سطر أعلن رحيله وأنتهى دوره ......... بنى قصره على رمل الشؤاطى وطاح من طوله

نسمه هوا وجا من طوله..........
هبت هوا وطاح من طوله .......

 

[طالبه]

مآهو لزوم آقول للنآس ....... آغليه
هو يدري آن صمتي دليل لْ / غلآته..

 

[طالبه]

يآشين الليل لآمن طآل..ولآبه من يسولف لكـ..
.........ويآشين آلنفس لآآعتآدت.. على روحٍ تخـآويهـآ

 

[لاتجريحينى]

,,,,,,

على طاري الغلا بسأل:بعدْه القلب مغليني؟
بعدْه الصبح متوَلّه لفنجاني وبعض عطور؟

على خد الوَلَه دمعه تجيك بشوق وتجيني
تدلّلني على كيفك وتجبر خاطري المكسور


على غنوَة (أعزّ الناس) وغنوَتنا (يا بنت النور)
تذكّر دفتري لاحمر واسمك في دواويني

ذكّرت بسمتي بمقطع (يا عِقد مْن الوَلَه منثور)
وانا انثر من بعض بوحي كأن الشوق معميني

منى وانتظر وقتٍ صعب تتوَسّله..مغرور
وتتذكّر هذاك الود..ونبضاتي..وتلاحيني


تعال لمملكة شعري..وشوف الفرق والجمهور
ملايين الوجوه إنته..وهذا بس يكفيني

وعلى طاري الغلا بسأل:بعدْه القلب مغليني؟

 

[لاتجريحينى]

,,,,,,

.
ليش أزيد الج‘ـَرْح . . ؟
وأتكلّم , مدام حتى قلبي~
قرّب إح‘ـَساسه يموت . . !
اللي مثلي , ما هو مح‘ـَتاج الكلام~
اللي مثلي , بس : يحتاج الس‘ـَكوت . .