... بسقيك من نهر الهوى لين تروى ....

[لاتجريحينى]

كنى لمحته البارحه مر مناك .... أكيد يعنى هو ولآ يترواللى​

 

[لاتجريحينى]

.

احاول آسج انـي احبـه / عسـاي أسـلاه
وعيت غلاتـن " وسـط جوفـي " تعـزوى بـه

غلاته مثـل طلبـة رفيـق { قبالـة جـاه . .
وعيـب ٍ علـي [ آخـون عهـدي ] وطـلابـه

على رمل قلبي جرتـه يـوم | جـر أخطـاه !!
وعلـى كـل ضلـع ٍ لـه شخابيـط / وكتابـه

يا ليته جرحني جرح . . } وآعرف ويـش دواه
ولا صد منـي دون مـا [ يشـرح اسبابـه ] ​

 

[لاتجريحينى]

كنت فعلًا راعي واجب
[ في الغياب ]
وحيل وجّبت الحنايا بقسوتك ​

 

[لاتجريحينى]

ماهمّني لو تروح وتاخذ البسمة
.................................. خذ مني الصدق حتى لو تبكّيني :
الدمعة اللي تسيل تسيل محتشمة
.................................. تنزل من العين بس تطيح فـ يديني ..! ​

 

[لاتجريحينى]

مادريـت أن البحـر ماقـال لأمواجـه تــروّي ..
و مادريت أن الغـرق هـو حجّـة غيـاب السفينـة !

مادريت .. أو مابغيت أدري .. ولاأدري وش بسـوّي ،،
لو رجعت .. وشفت طيفك فـي الممـرات الحزينـة ،،

وين ابنسى وانت طيفـك صاحبـي مـدري عـدوي
مارضى يترك لغيـره شبـر واحـد فـي المدينـة !!​

 

[ابو رجا]

هذي الابيات لي اهدا الى لا تجرحيني

وشلون ابضحك وانا في داخلي غصه//// وشلون اعدي حدود الضيق بغيابه

من يوم ماغاب صار الحزن لي قصه ////وليا طرالي اعاف النوم بسبابه

قلب(ن) اخذته امانه ردلي نصه //// الموت عقبك ترا بانت لي انيابه​

 

[لاتجريحينى]

هلا وغلا ابورجا وحياك الله وعاش من شافك وتسلم يالغالى على الاهداء بصراحه شوفتك هى اكبر اهداء يالغالى ​

أنا جريح الأمس واليوم والغد,,
وهاذي جروح العمر احصي عددها,,
لقيت أنا الدنيا ترى ما به سد,,
فيها االضباع السود تأكل أسدها,,
صدقني غيرك انت ما اشوف انا احد,,
ومن ماتلد مثلك خسارة ولدها,,
ومن ماتلد مثلك خسارة ولدها
ومن ماتلد مثلك خسارة ولدها,, ​

 

[لاتجريحينى]

ياكثر غلاطاتى معه هو بالذات .... ويكثر طيبه معى ويصبره​

 

[لاتجريحينى]

.

احــلا الليـالـي انتهــت ولا لها عـمـرٍ يـطـول
عانقن درب الجفى و من ٍطبعه القاسي ] قسن
الليل قصة غربتي واصبحت من شـوفـه مـلـول
و اليا ابتهج ليل الشقا / نجوم ليلي ما نعسـّن
يا مـا دمـحـت من الـخطا ولا حـسبـت انها تطول
عروق قلبي يـ الغضي من فعلك القاسي ايبسن ​

 

[لاتجريحينى]

تدري متى العبرة تجي غيض وتحير؟
و أحسها بحلقي سـواة المراره
لا جيت تنشدني عن الحال ونصير
مثل القتيـل وقاتلـه بالجنـازة ​

 

[لاتجريحينى]

حوريـة كـن المهـا مرضعتهـا
وكنه يجريهـن عليهـا قرابـات
كن الغـزال ام الغزيـل غذتهـا
العفو مالي من خطرها سلامـات
ان سلهمـت بعيونهـا واطرقتهـا
منهن سهوم الموت للقلب عجلات
منهن سهوم الموت للقلب عجلات​

 

[ابو رجا]

بشارك بقصايدي واتمنى ان تكون حقوق الطبع محفوظه

​

سافرت ابرتاح لكن ضيقتي زادت //// بغيابك احس كل الناس خلوني

اتبع هوا النفس وين النفس مارادت//// مخطي وعارف خطاي ولاتلوموني

صورتك بالعين لاشانت ولابادت //// وليا تضايقت ابسكر بها جفوني

واليوم فـ البعد لا غنتني ولا فادت //// من عقب فرقاك لا تسئلني شلوني

تبي الصراحه ثمان ايام لاعادت //// مغير ادور على صورتك بــعيوني

 

[لاتجريحينى]

سافرت برتاح لكن ضيقتى زادت .. وبغيابك أحس كل الناس خلونى
​

بقلم ابورجا

صح لسانك وسلمت يمينك كسبنا شاعر جزل معنا فى المنتدى ماشاء الله تبارك الله ( شوف أنا أول واحد لطش القصيده )

أخوى أبو رجا جرت العاده القصائده الخاصه لا يتم نقلها أذا كتبت تحتها بقلمى
يعنى شبه محفوظه أن شاءالله حتى العم القوقل بعد البحث راح يقول هذى بقلم فلان فلا تحاتى أنشاءالله فحقوقك راح تكون محفوظه خارج المنتدى وطبعا بتأكيد هى محفوظه فى منتداك بس أنت أبدع وحنا راح نستمتع بأبداعاتك
وصباحك فنجان هيل مقند بمسار وحياك الله أخوى

 

[لاتجريحينى]

وش الطاري على طاري .. [ طريت البارحه عالبال ]..!
. . . . . . وش اللي ذكّر إحساسك .. وخلاني أجيلك [ شي ]


أبي تقنعني أسبابك .. وتلْبسني الهوى سلسال
. . . . . . أماري به قدم عين العذول ويعتبرني [ حي ]


ولو مرّه على شاني .. تجرّعني ألم / وأهوال
. . . . . . تعلّم تحضن الخافق .. وتطويني بقلبك طي


على طاري الألم لحظه ترى بعض الألم ينقال
. . . . . . وبعضه صعْب تحكي به ولا تلقى مثاله زي


تمرجح بي حنيني لك وهمّك ترتسم رجّال
. . . . . . بعين اللي يصفّق لك / وتحسبهم لقلبك في


تعثّر هالصبر وابطى خفوقي يرتجيك اوصال
. . . . . . أغض الطرْف عن عين الحزن واعطش لشربة مي


سمعت أنغام تتغنى [ من اللي جابني عالبال ]
. . . . . . وصرت ابكي وأتسائل بـ [ توّه يعتبرني شي ] ..؟
​

 

[لاتجريحينى]

تدري ويش الي عذب القلب تعذيب....

................... يومي سـآلتك عن غلاتي ودنقت...
................... يومي سـآلتك عن غلاتي ودنقت
​

 

[لاتجريحينى]

سئل الحسن البصرى عن سر زهده فى الدنيا فقال أربعة أشياء: علمت أن رزقى لا يأخذه غيرى فاطمأن قلبى، وعلمت أن عملى لا يقوم به غيرى فاشتغلت به وحدى، وعلمت أن الله مطلع علي فاستحييت أن يرانى عاصيا، وعلمت أن الموت ينتظرنى فأعددت الزاد للقاء ربى​

 

[لاتجريحينى]

حكى الغزل فى صدرك أشكال وأنواع ... لكن صمتك حول الصدر تابوت​

[YOUTUBE]yAcNUzfuXM0[/YOUTUBE]​

 

[لاتجريحينى]

علمتهم وشلون البطولات تنجاب .... علمهم تكفى فن المهارات وشلون​

 

[السيدةالانيقة]

جميلة هي اللحظات التي تمر كلمح البصر..

و ما أصعب الشعور بالشوق لشخصٍ ما ..

و ما أصعب عندما تجد الصد من قبل أقرب الناس على قلبكـ..

ما أصعب أن تشتاق ولا تجد قلب يحتضن مشاعرك..

ما أصعب أن تعيش مهموم ولا تجد من يزيح همكـ..

ما أصعب ترسم البسمة على وجهكـ و الدمعة على خدكـ..

ما أصعب أن تعشق بجنون و لا تجد قلباً يحتضن حبكـ بدفء كلماته و
أحاسيسه و مشاعره..

ما أصعب أن تكون أسيرَ حبَ قلبٍ يهواكـ و لا تجد فيه مبتغاكـ..

ما أصعب الحب حين تعشق و تهدي ولا تجد من يقدر حبكـ..

ما أصعب الدموع من قلبٍ مشتاق..

ما أصعب الدموع من قلبٍ مهموم..

كم هي كثيرة هذه الصعاب..

حين لا تجد قلب يحتضنكـ و يفهم ما يخالجكـ بصدركـ..



​

 

[لاتجريحينى]

قومى ألعبى له ياحروف الشعر وأهتزى
له منزلا بين الجدى وسهيل وفوق الثريا
...................................وفوق الثريا
..................................وفوق الثريا
​