دورة المؤشرنت للتحليل الفني
50 دينار كويتي
سؤال يشغل بالي..
ماهو تأثير القانون اللي يلزم ملاك الاراضي اللي يملك اكثر من 5الاف متر برسوم على اسعار الاراضي..؟؟
وشنو الحلول المتوفره للتجار للهروب من هذا القانون...؟؟؟
بو عبدالوهاب انت ودك تشتري ارض او بتسأل عن الاسعار والنزول والصعود
اذا بتشتري ارض لك توكل على الله ودور بالسوق مالك في سوالف الصعود والنزول
اما اذا قصدك تسولف عن الاسعار تفضل في مواضيع كثيره بالمنتدى في هالموضوع
تقبل مروري
صاج يا بوصالح لكن من حق بوعبد الوهاب يسأل ويطمن على مشروعه هل
هو مغامره طائشه والا مشروع ناجح ..
بالنسبه للسؤال اللي شغل بالك يا بوعبدالوهاب
انا بعرض عليك هالحسبه وانت فكر فيها ... مع احتمال انه تكون صائبه او خاطئه...
أولا:
بناء على كشف العدل الاخير اقل سعر في ابو فطيرة 110 الاف دك.
ولو استمرت سياسة التجار بالتحكم بكمية المعروض وواصلت اسعار الاراضي الارتفاع باقل تصور 3500 دك للقطعه بالسنة.
فستكون اقل ارض بعد 3 سنوات 120 الف دك وهذا اقل تصور ووارد جدا بعدما تابعنا الارتفاعات الاخيره.
يعني معدل الزياده بالسعر = بالسنه 3.1%
ومعدل الزياده بالسعر خلال 3 سنوات = 9.3%
---------------------------------------
ثانيا:
الاسعار في ابوفطيره حسب كشف وزارة العدل 110 الى 170 الف دك.
متوسط سعر الارض= 140 الف دك.
سعر المتر =350 دك.
لوفرضنا ان احد التجار يملك 50 قطعة ارض بمساحة 400م2
اجمالي المساحة= 20,000م2
أجمالي سعر الـ50 قطعه = 7 مليون دك
-----------------------------------------------
ثالثا:
الضريبة= 10 دك للمتر المربع
الضريبه للـ 50 قطعه = 200 الف دك بالسنه
الضريبه خلال 3 سنوات= 600الف دك
نسبة الخسارة بالسنه = 2.8%
نسبة الخسارة في 3 سنوات= 8.4%
--------------------------------------------
اذا كان معدل الزياده بالسعر لـمدة 3 سنوات = 9.1%
واجمالي السعر = 7 مليون دك
فان الربح = 637 الف دك
في حين الخسارة= 600 الف دك
يعني التاجر لو دفع الضرائب لمدة 3 سنوات وما باع اي قطعه ارض فهو ربحان 37الف دك
--------------------------------------------
واذا ما واصلت الاراضي الارتفاع فالحسبه الاسهل وهي 50 قطعه= 20 الف م2
20الف م2 تقسيم 4اشخاص= 5000م2 وهذي المساحة لايدفع عليها الضريبه.
ولا زلت اقول الاسعار غاليه جدا ولو اني موشاري بالرخص جان ماشريت الحين ولا فكرت ابدا ان اشتري
اخوي القانون لايخرع ولاشي والقانون هذا موجود من زمان بس كان يدفع للمتر نص دينار وكان القانون غير مفعل
الحين طوره وخلو 10 دك للمتر فوق 5000م و القانون اذا صدق وتنفذ راح يضر الشركات الى ما صرفت اراضيها في وقت الطفره
بس التجار ما اعتقد ينضرون لسبب لنفرض انه تاجر يملك 30000م وعدد افراد اسرته 6 راح يحول الأراضي بأسم افراد اسرته هذا مثال صغير
ناهيك اذا عند اراضي اكثر عنده اخوانه احفاده وغيره من هالمور
وبعدين في حال اذا كان يملك اكثر راح يصرف الي عنده او يدفع الضريبه
احد الثقرات الي موجوده في القانون لازم تكون البنيه الأساسيه متكامله كهرباء ماء تلفونات شوارع اناره خارجيه وغيره من هالأمور
يعني القانون اعتقد اذا يبي يطبق عدل برايي موقبل 10 سنوات هذا اذا فعلا تتطبق
ولنفرض انه القانون تطبق من تاريخه تتوقع راح توصل سعر الأراضي 40 و50 الف ما أعتقد
بس ياخوي كل الي ذكرته هذا رايي ولا تعتمد عليه علشان لاتدش بذمتي
لانه فيه ناس عندها عادي توهم الناس بالخطء
دورة المؤشرنت للتحليل الفني
50 دينار كويتي