تعاون لحرق صغار المستثمرين

[مضارب بورصوي]

الله يحرق قلوبهم مثل ماحرقو قلوب العالم

 

[بلاحدود]

المشكلة زيـــــــن

والمشكله الاكبر صاحب زيـــن

ومن صالح زيـــــــــن السوق مو زيـــن

والوضع كلش مو زيـــــــــن

وشاطر اللي يفهمني زيــــــن

تابعو التوقيع

كلامـك زيـن..
عالراس والعين..
و فاهمينه زين..
إن صاحب زين..
ماخـذله دين..
وغرقان بالطين..
ولو يروح للصين..
ما يسد الدين..
بيلعبها ويـن؟

أكيد بيلعبها في البورصة عشان يسد الدين!

والشــاطر يــفهم!!

 

[مجد 91]

كلنا عارفين الدرب ياخال يا بوثنتين ـ وشفنا وسمعنا عن خساير الناس في سوق المناخ اوفي البورصات العالمية ... مافيه زعل واللي مايتحمل الازمات يبحث عن مشروع آخر بعيد عن البورصة اذا بقى عنده فلوس

 

[dr.teeth]

يا شباب ذكرو الله و خلو عنكم الندم و التحسر و الدعاوي و نتوقف و نفكر شوية لمدة دقيقتين فقط !!

- هل النزوول هذا لصالح ملاك الشركات (العائلات و المجوموعات و التحالفات و البنوك او لصالح صغار المستثمرين او المضاربين ......) !!
بما انه معظم الشركات هية شركات عائلات و بنوك و مؤسسات و تحالفات و فلوسنا طبعا وياهم و المضارب اكيد ويانة مع انه البعض منهم صار مستثمر بالغصب و تجمدت فلووسة ما نقوول الا انه الوضع لابد انه يتصحح ببساطة و هية مجرد فترة زمنية معينة !!

بالنسبة لنا احنا صغار المستثمرين ما اقوول الا الحمد لله و الشكر على كل شيء و بالعكس الي قاعد يصير الان شي ايجابي جدا و صحيح جدا ووضع ممتاز لانه السووق لازم يصحح عدل و تتضح الرؤية طالما ليس هناك شفافية و لمعرفة وضع الشركة بالمستقبل هل نكمل الاستثمار فيها او نقول العوض عليها و نكرر مع شركة تشغيلية قليلة الديون كثيرة الارباح من الي عدوو الازمة .....

السوال الان كيف تعوض الي خسرته باقل فترة ممكنه !!!!!
- تقسيم المحفظة الي ثلاث اثلاث :
الثلث الاول : التبريد اذا سعر السهم الي خسرت فيه اكثر من 70% اقولك زيد كميتك او الذهاب الي سهم جديد اذا خسارتك اقل من 70% .

- الثلث الثاني: للمضاربة باخذ نقاط الدعم و المقاومة بالاعتبار لانها مضاربة يمكن تكون :
1- قصيرة : ايام.
2- متوسطة اسابيع الي اشهر.
3- طويلة اشهر الي سنة.

-الثلث الثالث : توفر السيولة بالمحفظة و هية مهمه جدا لاقتناص الفرص فقط .

طبعا الكل راح يقووول ماكووو كاش و الكاش كله راح انا اقووولكم هذا الكلام لما يرد السوق و يصحح و يوصل الي المستويات الي الله عالم فيها اولا و ثانيا الي توقعوها المحللين قرابة ال 4900 -5500 او يمكن اقل من ذلك بكثير و ما اعتقد انه بتكون بشهر ولا شهرين (فكر بالعقل و خلو عنكم العاطفة) !! اكيد بتكون اكثر من جذي و السالفة مطولة تو الناس و القادم اعظم احنا الي الان ما شفنا شي و على الاقل في دعم لبعض الاسهم شنو بنسوي لما يكوون سقوط حر و ماكو احد يشتري اسهمنا يعني بالمختصر يمدينا يا شباب نكون راس مال جديد و ناسس على اسس صحيحة .

 

[مليون دينار]

مطلوب معاقبة كل من تسبب بخسارة الكثير من صغار المستثمرين وسرقة أصول الشركات

 

[سين من الناس 75]

السلام عليكم

التجار هم الحكومه يا فطين ههه

اغلب وكلاء الوزراء من التجار