شركة منا القابضه (منا قابضه)

[fahad78]

ماشالله عليك كوزمو...خطير!
صراحه حيرتني.. (صرت اخمن انك من اعضاء مجلس الاداره)

المهم ماقصرت عشيت اخوانك معاك مو من اللي يحب ياكل بروحه!

بارك الله فيك

 

[Cozmo]

الله يعافيك ويوفق الجميع

 

[العاشرة وبس]

بيض اللة وجهك يا كوزمو
ولدى سؤال
هل تتوقع ان يصل سهم منا الى 236 الاسبوع المقبل
وشكرا جزيلا

 

[صبا]

رد

مشكور اخ كوزمو على النصيحه قول وفعل الصراحه بس نبي منك تحدد لنا وين نبيع السهم ومشكور

 

[صريح وايد]

انت منو بالضبط كوزمو .؟ اشك فيك
لكن مشكور اخ كوزمو ..بيض اللة وجهك و مبروكين الحد الأعلى و باجر بعد .. و توصل 300 اراهن

 

[The Lion]

الأخ كوزمو .... وين تتوقع السهم رايح؟ أو بارك الله فيك على جهودك الواضحة مع إخوانك

 

[sarem]

اخ كوزمو الشكر لك موصول وتسلم على التوصية والله يرزقك من اوسع ابوابه ويوسع عليك ان شاء الله .

 

[Cozmo]

الحمد لله على اني قدرت ادخل مجموعه كبيره من الاعضاء في هذا المنتدى امس واليوم على سهم منا واستفادوا كلهم هذا اهم شي

وخبر حصري وخاص لمنتدى المؤشر نت والاعضاء الكرام فيه
وقبل الجرايد بعد

صور حصريه لأحد مشاريع الشركه ( الضخمه ) في مصر

عباره عن مجمع ضخم مكون من فندق وحدائق ومجمع تجاري ومكاتب تجاريه

المشروع ما تم التصريح فيه بشكل كبير او مفصل بعد

ولله الحمد بدوا في العمل في المجمع وهذي الصور حصريا لمنتدى المؤشر نت

 

[DAWAMER1]

الله يعطيك العافية ويعطيك على قد نيتك

بس التصوير طازة

 

[Cozmo]

بيض اللة وجهك يا كوزمو
ولدى سؤال
هل تتوقع ان يصل سهم منا الى 236 الاسبوع المقبل
وشكرا جزيلا

بالشوفه يا اخوي
ان شاء الله الصعود راح يواصل وبسهوله كل ما قلت الكميات المتداوله كان مؤشر ايجابي جدا
المشكله انه النزول الي صار مره ثانيه على 236 ممكن نفسيا الناس تبدي تبيع على 230 خوفا من تكرار النزول
ولا بالنسبه للشركه ومشاريعها 236 سهله جدا جدا ان شاء الله

مشكور اخ كوزمو على النصيحه قول وفعل الصراحه بس نبي منك تحدد لنا وين نبيع السهم ومشكور

سعر البيع توقعات كثيره انه راح يتم البيع على 230 خوفا من النزول مره ثانيه
ولا تعتبرين هذي نصيحه انه تبيعون على 230 كثر ما اهيا تحذير فقط للانتباه

انت منو بالضبط كوزمو .؟ اشك فيك
لكن مشكور اخ كوزمو ..بيض اللة وجهك و مبروكين الحد الأعلى و باجر بعد .. و توصل 300 اراهن

فاعل خير

الأخ كوزمو .... وين تتوقع السهم رايح؟ أو بارك الله فيك على جهودك الواضحة مع إخوانك

بأذن الله السهم له جولات صعوده اقوى في حال تعدى ال 250

اخ كوزمو الشكر لك موصول وتسلم على التوصية والله يرزقك من اوسع ابوابه ويوسع عليك ان شاء الله .

الله يبارك لك ويرزقك ويزيدك من خيره يا اخوي

 

[Cozmo]

الله يعطيك العافية ويعطيك على قد نيتك

بس التصوير طازة

افا عليك اول بأول
الصور اليوم وصلوني وحطيتهم لكم

 

[أسيرة الايام]

شكرا لك أخونة الفاضل كوزمو وبارك الله فى رزقك

 

[Cozmo]

تستاهلون كل خير يا خيتيي
حاضرين وبالشوفه والله

 

[Cozmo]

لاحظوا بالصور الاخيره حجم اللوحه الاعلانيه وحجم السيارات
ماشاء الله
شكله بيصير الافنيوز مال مصر

واتوقع راح يكون اكبر مول في مصر بعد من حيث الخدمات والامكانيات الي راح تكون موجوده فيه

كثرت الاسباب والدوافع لأرتفاع السهم ويرجع لمكانه الفعلي

 

[fayoona74]

الله يبشرك بالخير كوزمو مو تنسانا باي خبر وانشالله هذا دافع ان امسك السهم واصبر عليه لان قلبت من مضاربة الى مستثمرة

 

[طاروف]

جدول أوامر ررسم بياني لصفقات منا قابضة

لتداول اليوم 16/6/2010​

 

[Cozmo]

الله يبشرك بالخير كوزمو مو تنسانا باي خبر وانشالله هذا دافع ان امسك السهم واصبر عليه لان قلبت من مضاربة الى مستثمرة

ان شاء الله
والاستثمار احسن صدقيني يوخر عنج الصداع وعوار القلب

 

[Cozmo]

يعطيك العافيه اخوي طاروف

 

[أسيرة الايام]

منا قابضة

تستاهلون كل خير يا خيتيي
حاضرين وبالشوفه والله

وبكم نرتقى . ونحيى .العقول النيرة

 

[مكافح]

التوصية على سهم منا منتشره عند ناس وايد على اساس ان السهم رايح فوق 450 فلس!!!! هل هذا صحيح و الا يبون يصيدون الناس؟؟؟
هل حجة الصعود هي لأنهم بيسوون مشروع؟؟ اذا علشان المشروع يعني الشركه راح تدفع فلوس مو تحقق ارباح هالسنه!! متى راح يخلص هالمشروع؟ و متى راح تحقق الشركه أرباح من هذا المشروع؟؟ العمليه و ما فيها مضاربه في مضاربه والي يربح من هالسهم و يطلع سالم راح نبارك له اما الي يقع في فخ التطبيل فراح نعزيه و نقول له متى راح تتعلم؟؟ اذا صدقوا في تصعيد السهم الى فوق 450 فلس مثل ما قالوا فالذي ماسك السهم راح يحط ايده على قلبه بسبب المضاربة العنيفه المتوقعه\\ يا ليت أحد يحط لنا تحليل فني بدال صور يافطات مشاريع!! في مصر من السهل يحطون لك يافطة مشروع و يصورها و ثاني يوم ما تلاقي لا يافطه و لا قالها الله\\

و الله من وراء القصد​