بيت التمويل الخليجي (تمويل خليج)

[المطبه]

سهم مايطمن أطلاقا
الحذر ياأخوان
::verymad::​

 

[ابو الوليد خالد]

مرقوق بعد سبوع قبوط قبوط بعد سبوع

 

[البورصه دمرتني]

وين اللي كان يقول قاعدين يجمعون على 60 فلس ؟؟؟ انحاش الحين

 

[مضارب شجاع]

مضارب شجاع صيحك الله بالخير
هدي هدي صحتك اهم

هلا والله صبحك الله بالخير
خلها على الله بصراحه ملينا وتعودنا على الضربات الترجيحيه

 

[*الأستاذ*]

شالسالفه ما كنا حلوين يا تمويل خليج




انا اتوقع في دعم قوي على الــ 54 و 53
توقع شخصي لا غير

 

[*الأستاذ*]

ودي اخذ 40 الف على الــ55



بس متردد حيل


الوضع متكهرب

 

[مضارب شجاع]

ما اعتقد الى شغال على التمويل الخليجى الظاهر يعطى اليهود دروس خصوصيه او استاذهم الى علمهم فنون الضرب تحت الحزام

والله يا خبير انا من زمان ودي اعرف المضارب او هذه الحفظه ودي اعرف شنو يجور فى مخه ! وشنو عقليته وشنو هدفه من هذا النزول المدمر للسهم !!!!
واذا ما عرفنا هذا الشئ !!
معقوله ان ادارة البورصة ما تعرف اسهم المضارب او البايع والشاري !!!

 

[SAM7]

شنو هذا يخرب بيته

 

[*الأستاذ*]

44 5,760,000 54
56 8,240,000 53



هذا دعم والا تمويه
ترا الي قاعد يصير هذا فن ( فن غريب)
وما تعرف شنو الي قاعد يصير بالضبط

 

[انت عمري]

بس يا جماعه سكر علي 55

والله لعين

 

[مضارب شجاع]

سؤال الى الكل
متى ارتفع السهم !!!!
السهم صار له سنه كل يوم ينزل وراح يتسمر هذا المسلسل يمكن الى سنتين او ثلاث سنوات او خمس سنوات
والله وأعلم
والله حرام اللي قاعد يصير وان شاء الله دعاوي الناس ما تتعدي من تسبب فى هذاالنزول سواء من الشركة او المحفظه او هذا المضارب الكبير

 

[مضــارب أسـهم]

مقاومة علي 54

 

[الشقايا]

السلام عليكم

أول مشاركه معكم
أتمنى ان اكون وجه خير على الجميع
ياخوان ارجو عدم التسرع في البيع
وأشاء الله تزورونا في الشقايا بالربيع الجاي وتلقطون الفقع
للعلم الشقايا منطقه بريه من اجمل المناطق البريه
ونشوف تمويل خليج مربع
وشكرا اخوكم/ الشقايا

 

[SAM7]

سؤال الى الكل
متى ارتفع السهم !!!!
السهم صار له سنه كل يوم ينزل وراح يتسمر هذا المسلسل يمكن الى سنتين او ثلاث سنوات او خمس سنوات
والله وأعلم
والله حرام اللي قاعد يصير وان شاء الله دعاوي الناس ما تتعدي من تسبب فى هذاالنزول سواء من الشركة او المحفظه او هذا المضارب الكبير

لو أفترضنا أن فيه تنزيل متعمد للإسعار ، يطلع ويانا أحتمالين يا أنه في مضارب كبير قاعد يضارب على السهم والشركة عاجزه عن فعل أي شي لأن عندها نقص سيولة ، أو أن الشركة نفسها هي من تقوم بضغط وتنزيل الأسعار ، ولكن بما أنه المضارب يهمه الربح السريع وبما أنه لو كانت بفعل مضارب خارجي كان أستغل الأخبار الأيجابية ليرفع السهم ويصرف بأسعار عالية ، أذن الأحتمال الأرجح أن الشركة نفسها من تقول بضغط وتنزيل الأسعار ، وقد أكون مخطىء

 

[ibrahimi]

صارلي اكثر من 6 شهور مادشيت علا هالسهم الزباله واليوم اول مادشيت قوع

 

[البورصه دمرتني]

خوي هناك احتمال اخر هو ان بعد الخساير الكبيره تغير سعر السهم

 

[SAM7]

خوي هناك احتمال اخر هو ان بعد الخساير الكبيره تغير سعر السهم

خسارة السهم ليست كبيرة 2 مليون دينار وليست كما ذكرت انت في مشاركتك السابقة 7 مليون دينار .... حبيت أصحح لك المعلومة

 

[*الأستاذ*]

لو أفترضنا أن فيه تنزيل متعمد للإسعار ، يطلع ويانا أحتمالين يا أنه في مضارب كبير قاعد يضارب على السهم والشركة عاجزه عن فعل أي شي لأن عندها نقص سيولة ، أو أن الشركة نفسها هي من تقوم بضغط وتنزيل الأسعار ، ولكن بما أنه المضارب يهمه الربح السريع وبما أنه لو كانت بفعل مضارب خارجي كان أستغل الأخبار الأيجابية ليرفع السهم ويصرف بأسعار عالية ، أذن الأحتمال الأرجح أن الشركة نفسها من تقول بضغط وتنزيل الأسعار ، وقد أكون مخطىء

انا اخالفك الرأي


اول شي الشركة مو من صالحها هالاسعار هذي
ثاني شي
عدد الاسهم حوالي 1,8 مليار
سهم ثقيـــــــــــــــــل

ونفرض ان الاحتمال الاول صحيح
هل تملك الشركه الجرأ لترفع السهم فوق

في ناس اتمنى يوصل 350 عشان تبيع
وناس تبيه 300
وناس 250
وناس 230
وانت رايح

حتى توصل الي
ناس اتمنى يوصل 100 او 90

ولاحظ الفرق

الي يبيه يوصل للــ 100 يكون ربحان الدبل
والله يوقف الناس هذي


يعني بالاختصار المفيد
ان لكل 10 فلوس صعود هناك مقاومة قوية

لناس داخله على السهم باسعار رخيصه كما ذكرنا


والله يوفقنا جميعا


يعني الشركة متدبسه بالسهم هذا
وما تقدر على اي شي

هذا استنتاج خاص مني
يمكن يكون صحيح ويمكن يكون غلط​

 

[محترف الاسهم]

للاسف التصريف اليوم واضح جدا واعتقد رايح للقاع السابق والمشكله لا يبحث عن قاع جديد
الله يستر

 

[ابو سعد 11]

مساك الله بالخير مضارب شجاع

في اشاعه مع الاسف داخل السوق الكويتي مفادها ان تمويل الخليج سيخرج من سوق الكويت ليرجع إلى الأم بالبحرين.
هذا الحوار دار بين المحللين الدليمي و محمد حبيب في برنامج قبل وبعد الإغلاق الذي يعرض على قناة الصباح اليوم الساعه 12:30

وسلامي للجميع