بيت التمويل الكويتي ش.م.ك ( بيتك )

[انوفستي]

يا أخوان هذي ما هي أشاعات هذي حقائق لا تروح أبعيد دقق علي ملكيات بيتك وشركاته وأحسب خسايره وشوف شركاته المتوقفه خساير ما تشيلها جمال فلا أحد يكابر وأقطع الحق من نفسك

خل أذكر لك بعض الخساير عارف سعره كان فوق 500فلس وصار عليه زيادة راس مال بسعر 350فلس وبيتك يمتلك 52% كم سعره اليوم
البيت تملك فيها بيتك بسعر فوق ال600فلس كم سعره
الاولي ب250فلس كم سعره
الاسواق 250فلس كم سعره
المعدات متوقفه
أعيان متوقفه ومتعثره
خليجي من 500فلس سعره 60فلس

هذي حقائق بين يديك والله ما نتمناها لبنك عريق وأسلامي

كله مسجل بالميزانيه بالقيمه الدفتريه وهي الاساس
الاسهم بالقيمه السوقيه لاتعني شي
وبيتك داش بالتأسيس

 

[سهمك اخضر]

الحمد لله على الاقفال دينار

ان شاء الله الاعلى

 

[cookies24]

انشالله يعدي الدينار بتداول عالي

 

[ابو عبادي]

يلا ان شاءالله يحافظ على الدينار ونبي اكثر من بداية التدول مو لا تخلي الارتفاع الامس من اجل

تنزيل السوق اليوم

 

[راعى الجحلا]

وبكل صراحة المفروض اللى يسمع اسم طارى بنك التمويل اوالوطنى
اول شى يقوم يوقف وبعدين يطق تحية بكل شجاعة
الزبدة مايخسرون الا بعد وفاة اخر كويتى عسى عمر القارى يطول

 

[ابو عبادي]

وبكل صراحة المفروض اللى يسمع اسم طارى بنك التمويل اوالوطنى
اول شى يقوم يوقف وبعدين يطق تحية بكل شجاعة
الزبدة مايخسرون الا بعد وفاة اخر كويتى عسى عمر القارى يطول

يقول المثل لا تحب سهم ولا تكره سهم حب الي يعطيك اكثر وما يخسرك

زين الس شاري السهم فوق الدينارين يعطي تحيه هههههههههههههه

 

[سيف67]

صباح الامن والامان يابيتى ترى البنوك لحقتك التجارى اليوم840 فلس يخوفى باجر الدولي يوصل حدك الله لا يوقلها

 

[ابو عبادي]

يلا رتفع شناطر مو بس اخر دقيقه وطول الوقت نازل

 

[ابوعمر2]

سؤال منو قاعد يبيع على 980-990

 

[سوالمي]

سؤال منو قاعد يبيع على 980-990

من فقد الثقة في اداء السهم
السهم نازل من 1160 الي 980
الحقيقة ان اداء السهم مخيب
ولكن نسي من فقدوا الثقة بالسهم ان السوق كله منهار
والنتيجة سرقة الاسهم باسعار زهيدة جدا ثم الصعود بالسوق لمعاودة بيع ما شروه باثمان عالية جدا
وللاسف يشتريه من باعوه بالرخيص
فعلا شيء مضحك وعمليه نصب محكمة
وهذه هي حال الاسواق التي يتحكم فيها شلة من الطماعين المنتفعين
وعلي الرغم من اداء السهم السيء لابعد الحدود ستجد من يهلل له

 

[بو ضاري 2005]

باقى الكميه الثانيه والله اعلم ماخلص بدلو فى بنك بوبيان افضلكم والله اعلم

 

[cookies24]

سهم يفقد الثقه يوم بعد يوم

 

[مضارب شجاع]

السهم سعره متضخم وما يوزع الا 20 فلس هذا سهم المفروض سعره 600 فلس وكثير عليه

 

[بورصة نت]

اني كنت لكم لناصح

هناك خرير في بيتك (خسائر كبير في البحرين) سوف تطفو علي السطح بنتائج الربع الثاني ناهيك عن خساءرهم بالشركات الاستثماريه التابعه وعلي راسهم (عارف)

هل من مستفيد .... حذرت من النزول

 

[Shadow123]

هل من مستفيد .... حذرت من النزول

اخوي السوق بكبره نازل وبيتك مع المؤشر بالطالع وبالنازل والي باع بخساره الله يعوض عليه والصامد الله يفرجه عليه والله المستعان .

 

[هادى ابو محمد]

وين الدعم يامحللين على السهم

 

[تويجر]

اشوه اني نحشت منه

 

[سهمك اخضر]

السهم سعره متضخم وما يوزع الا 20 فلس هذا سهم المفروض سعره 600 فلس وكثير عليه

ماحبيت الكلام هذا منك انت بذات يا مضارب شجاع

بارك الله فيك

 

[مكافح]

بيت التمويل الكويتي
بيت التمويل الخليجي
بيت الاوراق الماليه
بيت الاستثمار الخليجي

لو يحولونهم الى شقق يكون أحسن​

 

[كمون]

بيتك

بسم الله الرحمن الرحيم


السهم عنده دعم 970 فلس اى اقفال تحتها رايح الى نقطه

ثانيه وهى 920 فلس الى 900 فلس

اى اقفال تحت اخر دعم السهم بعدها راح يتجه الى .......

راح اكتبها اذا قفل تحتها عشان ماكون مطبل على السهم

اتمنى انه يعدل عند 970 فلس كدعم قوى

والله اعلم