شخابيط ليل

[قلم حر]

وش قصتك !!
في داخلي وين ماروح ..!
زآحمت حتى الدم ..في داخل عروقي ..!

مشرف بعد شسوي ​

 

[الهمس الخجول]

مشرف بعد شسوي ​

ههههههههههههههههههههاي حلوه
خير يابوي شعندك

 

[ورد و هيل]

يسهر الليــــــل وقمر طيفك بعيني
والشعاع الصبح يوقــــــظ بي رجاك
ان حدا حادي تـــــــــولاني حنيني
وان عرض طيفك على طرفي بكاك

كيف هذا مــــن هوى قلبي يجيني
يا أرق النـــــــاس قولي وش دهاك
لو تماديت بمــــــــلامي سامحنني
كم تماديت بذبحي مــــــــن طغاك​

------------------------------------------------

 

[قلم حر]

يناديني على قربك منادي
يجر اقصى الضماير لين اجيلك
واذا جيتك يعذبني فؤادي
من اللهفه على طول اشتكيلك
ابي فزعتك وامد الايادي
دخيلك يابعد عمري دخيلك
على فرقاك حدالقلب حادي
يجيني هاجس ليته يجيلك
لاجل يحرمك من نوم الوسادي
لاجل ترحم ولا تهجر قتيلك
حبيبي لو يطول ابك البعادي
حشى بالله انا مرضى بديلك​

 

[العاشق]

أستـاذنـك بسـافـر أيــام واجـيـك
وان طالـت ايـام السـفـر لا تحـاتـي

حتـى و لـو طولـت مانـي مخلـيـك
ياللـي بدونـك ويـش تسـوا حيـاتـي

تامر علـى حاجـه؟؟ باودعـك واليـك
عسـى عـوض الأيـام فـي المقبلاتِـي

حتـى يـدي مـا ودهـا تفـارق يديـك
ساكت وانا اشـوف البـلا فـي سكاتـي

ما شفتني لا رحـت منـك التفـت فيـك
بــلاي والله روحـتــي والتـفـاتـي

لكـن قبـل مـا اروح ودي أوصـيـك
وانـت الوحيـد اللـي يقـدر وصاتـي

لاحدٍ سألـك و قـال لـك ويـن مغليـك
قـل لـه لـوازم لا قضـاهـا بيـاتـي

و أن طـروا النسيـان مانـي بناسـيـك
يـا راس مالـي فـي الحيـاة وغناتـي

و ان طـروا السلـوان مانـي بساليـك
طيفك معـي حتـى وانـا فـي صلاتـي

قلبـي وهـو قلبـي إذا مـر طـاريـك
لـولا ضلوعـي كـان عـزوا مماتـي

لو جض صـدري كـان يمديـه ياتيـك
و يبـات عـنـدك ويهـنـا بالمبـاتـي

أنا .. و قلبي .. و الغلا .. ساكـنٍ فيـك
و انته .. و قلبك .. و الغلا .. وسط ذاتي

غـلاك مثـل الحكـم عنـد الممالـيـك
أكبـر طموحـي .. لا .. كـل أمنياتـي

شـف فـي غيابـي أي حاجـه تسليـك
لأنـي بعـدك أسلـى مــع ذكريـاتـي

أحـاول اذكــر أي شــيٍ يطـريـك
واقـول هـو سـوى وانـا ذي سواتـي

كنـي مـوادع كـل شــيٍ حوالـيـك
و كني حسبـت حسـاب حـزة وفاتـي

أحب لأنـي مـا اقـدر انسـاك و أبيـك
و لا اقـدر أخلـيـك يالـلـي تحـاتـي

معنى أحب .. و ما اقدر أنسى .. و أخليك
يعنـي بدونـك ويـش تسـوا حيـاتـي
​

[YOUTUBE]U6OMXezbdLk&feature=related[/YOUTUBE]​

 

[العاشق]

(توديع الاحباب )


توديع الاحباب مثل الموت لة سكرة

ادمي جروحي وشق الصدر منيااا

والقلب طير ضلوع الآدمي وكرة

لاشاقة الطلع لاسلم ولاحيااااا

مصير لاحزان تنساني وتفتكرة

ماكل الأيام بيض وسمحة محياااا

قل غيرها منت لامجبر ولا مكرة

لاصار ماهي غلا ماابي لك حميااااااا

لو في يدي شي ماقلت الوعد بكرة

حزمت حدب الضلووع وقلت لك هياااا

لو كل غالي يجي دايم علي ذكرة

ماصرت اشوفك هناك وحبك هنياااااا

ياليتني لابغيت اكرة قدرت اكرة

ماكان قلبي لياجيت ابكرهك عياااااااا

مادامك معيف رح لكن علي فكرة

ماقلتلي لية دمعك سال منياااااااا​

 

[قلم حر]

نامت عيون الناس الا عيوني
هالناس حبو والا بس انا حبيت
مرات اقول شلون عايش بدوني
مرات اقول اني بشوقي تماديت


مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل فيني وغنيت


نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت​

 

[النايفه]

...................

وهــــــم وهــــــم ...كل المواعيد وهـــــم
تعب ...تعب ...كل المواعيد تعب
باسم الحب ...باسم الشوق ...مأسآتي معاك تزيد
وأتم بعيد ...وتتم ابعيد ...
واتم مثل الحزن ...أنطر سحابة عيد
وهــــــم والله وهــــــم ...كل المواعيد وهـــــم
أجي ملهوف ..ملهوف عطش ..تحت المطر ملهوف
وقتي يطوف ...لوني ضايع ومخطوف
يضيع الشارع بصمتي ...وصمتي الانتظار أسيوف
وكل مامر وهم صوبي اقول ....اقول انتي
وأتم بعيد ...وتتم ابعيد ..
واتم مثل الحزن ...أنطر سحابة عيد
وهــــــم والله وهــــــم ...كل المواعيد وهـــــم
أكذبت العيون ..والموعد وهـــم ....الــــم
كل ساعه وكل لحظه الـــــم
وين عيون حبتني ومنتني وقالت لي نعم
تلاشت فرحتي ....وتاهت خطوتي
وحلم كبير كبير ....في لحظه انهدم
وكل مامر وهم صوبي اقول ....اقول انتي
وأتم بعيد ...وتتم ابعيد ..
واتم مثل الحزن ...أنطر سحابة عيد
وهــــــم والله وهــــــم ...كل المواعيد وهـــــم​

​

 

[هيفا]

حبيبتي لجل أنسى جرحك وستريح ببكي
وبعد البكا ببكي
واكيد في لحظة بتجي بيجف دمعي
وعندها صورتك اللي ف عيوني
بتعاف برواز الضما
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقا .. الدمع ما يرقا
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد أبنسا​

 

[قلم حر]

أحيانا أنا افكر وافكر وافكر ..
إلى متى عزمي بالأشواق جامح ..
ما دام باب المغفرة ما اتسكر ..
تعال وارسلِّي خيالي ملامح ..

لو الحياة بطولها طعم سكر ..
ما كان احس بذنب غيري واسامح ..
هذا كلامي لو مزاجي تعكر ..
وخير الهجر بين الحنايا ترامح ...

شوف هذا كلامي لو مزاجي تعكر ..
وخير الهجر بين الحنايا ترامح ..
أقولها للي في حبي اتنكر ..
أسامحه ولا يعرف التسامح ..​

 

[هيفا]

وف هذا كلامي لو مزاجي تعكر..
وخير الهجر بين الحنايا ترامح..
اطمح تراضيني يا زين وتذكر..
إن عاشقك لرضاك يا زين طامح..
لا تصير مالح في الهجر وانت سكر..
سامح ما في أجمل من اللي يسامح​

 

[قلم حر]

من عيوني .. كل ماتامر عليه
غير قلبي ش تبي وجاك
قلبي اللي من عرفته وانت فيه
ماخذه مني من قبل ماقول هاك
ليه ماتامر وانا مااعطيك ليه
منهو اللي لو طلبته ماعطاك
فدوه لك كل عمري لو تبيه
والعمر وش قيمته لولا هواك
انت تامر والرضا منك اشتريه
عاشقك همه بها الدنيا رضاك
حلمي اللي عشت عمري ارتجيه
انت وانت اللي حياتي في رجاك
ابتديت الحب معاك وبانتهيه
ماملا عيني ولا قلبي سواك
من تضم ايديك ياشوق بيديه
وش عليه ولو خسر روحه فداك​

 

[هيفا]

لاباس يالمحبوب روحي تفداك
لا باس يا مضنون عيني حبيبي

يعل ربي يا هوى البال ياقاك
من كل شر وكل جرح عطيبي

يا ليتني خذت المرض عنك ما جاك
وتصير من بد الخلائق طبيبي

ترى حياتي ما تهنا بلياك
ليتك دوى من عند عيني قريبي

ياليتني نسمة صباح بدنياك
ألثم جبينك عقب طول المغيبي

أو ليتني طيف يزورك بممساك
واشاهدك واقول يا نفس طيبي

بالحيل أحبك واعشقك واتمناك
يشهد على ما اقول دمع سكيبي

انا دخيلك لا تطول بفرقاك
رد إلعيوني نومها أللي حريبي​

 

[دنياء غريبه]

.

لْآ يوجدّ فيَ العآلم من هو " مُخّطئ " على الدّوآم

فــَ حتى [ الساعة المتوقفة ]
تكون علىْ حقٍ مرتين فيْ اليوِم الوَاحدّ = )​

.​

 

[يوسف_007]

الكل في دنيـــــــــاه لازال ســايح
جيعانهم واللي شـــبع من رغيفه

من يسمعك ياللي تجيب النصايح
نفوســــــهم صارت كبيره ضعيفه ​

 

[الهمس الخجول]

أصعـب ع ـذاب الشوق لا صـار صـامت ..!!

 

[النايفه]

أشكي عليك الحال يا عارف الحال

ولو ما بيدك شي يكفي لك أشكي

يكفي تروح بكلمتك ضيقة البال

ويكفي تحس بضيقتي دون ما أحكي

ساعات أحس اني عن الناس في حال

ساعات أضحك من قسى وقتي وأبكي

كأني غريب بين الأوطان جوال

مهما ابتعد قلبي يحن لوطنكي

لو شفت في عمري هموم وغربال

فيك الحنان بصادق الحب يحكي

دنيا مشاكلها على كل موال

وكل على همه من الوقت يشكي ​

 

[قلم حر]

الضيقه إلّي دايم تالي عصير
وش حيلتي و أردها لاتجيني

لا طال ظل العود حزة عشا الطير
كنها على سجن الحديد تحديني

يضيق صدري كل ما جات و أسير
و لا يخفف سوج رجلي حنيني

لا حولنا مشرّاف و لا أقدر أطير
يالله قسمة خير لا تبتليني

و عقارب الساعه توقف عن السير
ما كن في الدوحه سواتي حزيني

و العبرة إلّي تاصل الحلق و تحير
يا قربها لو قيل لي يا عويني

أمِل شوف الناس وِرد و مصادير
و إلّي يقول شفيك كنه يهجيني

يعني على ما قيل من باب تصوير
( لا أحدٍ أبي قرّبه و لا أحدٍ يبيني )

أروح أدور خط ما به دواوير
و أدور إلي هادها تهتديني

و آخذ مع الهاجوس سجه و تفكير
و أراجع إلّي فات بيني وبيني

و أحسّب ذنوبي و أدور لتكفير
عساي ما قصّرت في والديني ؟!

و عساي ما قارنت من ينفخ الكير
و إلّي يحمل المسك جعله قريني

و يطري علي يوم الحشر و أطلب مجير
ما أعطى كتابي في شقيقة يميني

و يطري علي صدقان كثر الدنانير
إلّي تعاديني إلا كثر ديني

و راع الهروج إلّي سوات المناشير
أصد عنه و أدري إنه يعنيني

الله حسيبة يوم عرض القوارير
و الله حسبي من صواب مكيني

وإلا طرا لي واحدٍ كانه صغير
أما أصغر بيومين ولا سنيني

دريت وش قومي و عينت تفسير
للضيقة إلّي من زمن تعتريني

حبه بصدري سالفة سر في بير
و كن الفواد يقول هذا زبيني

أشفق على علم يجي منه من غير
ما يسمع إلّي سولفوا به .. ونيني

العام أجيهم من حساب المسايير
و اليوم حال عداي وينه ؟ و ويني ؟

يا كثرهم غيرة ولكن خبر خير
ما غير شوفه في الوجود يهنيني

رايي كذا يا عاشقين الغنادير
ماله على وجه البسيطه وزيني

خطاي تعليق الأمل في المدابير
إلين راح و شفت حقري بعيني

صبرٍ جميل و خابر إنها مقادير
و الله على تخفيف حزني عويني

ذي حالتي لين أتغبا الشمس و أصير
معطى سراحي عقب ما أنا سجيني

و إلا أمتلأ جوف الشجر بالعصافير
طلبت من رب العباد يهديني

يعتقني المذن عقب ضيقة عصير
إلّي على سجن الفراق تحديني​

 

[قلم حر]

بشـرونـي عـنـك مــا يــدرون عـنـي
مـا دروا باللـي شغـل فكـري وظنـي
اتـسـمّــع لـلـحـكـي بـــــك واتـحــفّــظ
خـايــف دقـــات قـلـبــي يفـضـحـنّـي
كـل مــا سـمّـوك باسـمـك فــز قلـبـي
والـضـمـايـر والـمـدامــع شـاغـلـنّــي
يــا حبيـبـي يـــوم جـنـبـت الحـبـايـب
عفـت لجـلـك كــل مــن قبـلـك فتـنّـي
من عرف قربك عرف طعم السعادة
وإن تشطّـرت أدرك غـبـون التمـنّـي
فـي هـواك مــن العـسـل لــذّة مـذاقـه
لكـن حــروس النـحـل عنـهـا حـدنّـي
ماعد اسمع بك ولا اوحي فيك عاذل
والــعــذارى جــهّــل لــــو داعـبـنّــي
لــك عـيـون فعلـهـا بــي فـعـل ظـالـم
مـن عرفتـك يالغـضـي مــا ريحـنّـي
إن تـفـارقـنـا تـغــايــا لـــــي بـلـيـلــي
وإن تـقـابـلـنـا دهــنّـــي واخـجـلــنّــي​

 

[العاشق]

يغار سمعي و يشـره كـل وجدانـي
لا غاب صوتك نهار(ن) ما بلغ سمعي
ياللي لقيت بنواعس عينـك أوطانـي
هي ديرتي هي ملاذ القلب هي ربعي
أملي النّظر من جمالك يـوم تلقانـي
و احبس خيالك بعيني حبسي لدمعـي
لا شفتك اعيش في عيونـك ازمانـي
وآخذ من نجومها وأشعل بها شمعـي
من نورها سالـت الفرحـه بوديانـي
ومن سحرها قام يورق بالذهب زرعي
يا واحد الحسن مالك بالعـرب ثانـي
عطني شرابك وخذ قرطوع من نبعي
غريب الاطوار و الغربـات ميدانـي
هي غربة العمر وافق طبعكم طبعـي
اصبحت تغريبتي و اصبحت عنوانـي
يا واحدي بالهوا و اثنينـي و جمعـي ​

[YOUTUBE]uS65agvko98[/YOUTUBE]​