سعود صاهود: العقار إلى انتعاش بفضل النمو المتوقع في الطلب

[خالد العليان]

يعطيكم العافية جميعا...
اللي مايعرف سعود صاهود...مشكلة..واللي يعرفه المشكلة اعظم...
عموما صديقنا سعود تحولت الفلوس اللي عنده الى ثروة علي بابا من ورا الزيادة الجنونية للاسعار في المنطقه العاشرة..كان مستحوذ على اراضي كثيرة باسعار رمزية..واستطاع من خلال مجموعة عقارية يعمل معاهم على احتكار اغلب الاراضي المعروضة بالسوق...ووقفوا بيعهم..وخلال سنة وحدة صار اسعار الاراضي اضعاف مضاعفة من خلال الاحتكار..وتحولت امواله من عشرات الملايين الى مئات الملايين من ورى جيب المواطنين المساكين..
اكيد الحين بيطلع ويقول العقار هو الملاذ الآمن للمستثمر..وانا اقوله مابقى على قانون الضريبة المفروض على التجار الهوامير سوى كم شهر..وتحديدا في فبراير2011...الدولة راح تخلى التجار يدفعون على كل متر عندهم 10دنانير...وتعال احسب...اللي عنده 10الاف متر راح يدفع للدولة 100الف دينار كويتي والحسابة بتحسب...والتجار عندهم مئات الاف من الامتار ماسكينها موراضيين يصرفونها عشان يزيدون سعر الاراضي...بس سبحانه وتعالى رد كيدهم الى نحورهم...والارباح اللي طلعوها من ورا الاحتكار راح تطلع من جبودهم..وراح تروح فلوسهم لجيب الحكومة..
فرجاءا يااصدقائي لنبتعد عن اراء التجار حول وضع العقار..وان غد لناظره لقريب..
وسلامتكم

 

[المنظور الشامل]

الأخ خالد العليان

أولاً الكلام الذي تفضلت به يعتبر تجاره والأحتكار يعتبر من اساليب فن التجاره بمعني أن الشخص يعرف متى وأين يعرض سلعته .

أي بمعنى لو أنت يا عزيزي مكانه وأنت بعون الله التاجر ( كيف سيكون موقفك ) هل تبيع بخساره أو تهب الناس حلالك .

ثانيا ليس الصاهود فقط من تكلم عن أرتفاع بالأسعار العام الحالي والتحذير منه بل كثير من المحررين الأقتصاديين وكبار التجار وأكثر البنوك على حد سواء .

كل مؤشرات العالم تشير إلى التعافي الأقتصادي ........ قبل فترة بدأ الناس يتكلمون عن أن العقار سوف ينخسف بسب أزمة دبي الأقتصادية لكن ثبت العكس خلال فترة حكومة الأمارات أجتازت المحنه بجدارة ودن مساعدة الدول الأخرى .

بالنسبة للكويت فقد تكفلت الحكومة بحل المشكلة السكانية بصفه خاصه مع وزير التنمية والتخطيط والأقتصاد والأسكان الشيخ / أحمد الفهد
ومن الحلول :

- اعلان الخطه التنموية الشاملة لجميع القطاعات وهي التي تمت مؤخرا .
- الخصصه وخاصه بالأسكان حيث أنها عامل مهم لحل القضيه الأسكانية أي مشاركة القطاع الخاص بالأعمار ولو نلاحظ أن الشركات الخاصة وخلال فترة وجيزة بأعمار مدينة صباح البحرية وهي الأرض الصبخه الغير صالحه .
- خفض الفايدة الذي تم مؤخرا .
- ضمان عدم تسييل أسهم الشركات المفلسة وأعطائهم مهله وأعادة جدولة ديونهم ونلاحظ عدم خضوع أي شركة من الشركات مضلة خطة الأستقرار الأقتصادي بمعنى الشركات لديها ملائه مالية ... اذن كيف سيكون هناك تسييل .

بالنهاية أرتفاع أو أنخفاض أسعار الأراضي هي عملية فنية تجارية وصدقني إلى نتكلم عنهم يعرفون متى يبعون ويشترون ( ونحن المساكين ) .

 

[عذبي 71]

وبوخليفه ابي منك توضح لي أشلون لو أنسحب الجيش الأمريكي راح ينخسف العقار نورني

افا بوراشد ماهقيت تطوفك ...

لكن باختصار: الخطة موجودة ومدروسة واذا ما اطلعت عليها فهذي مشكلتك الله يهديك
لكن خلني انورك .. و أكد فيك اجر....
-راح توزع الدولة الاراضي المخصصة لمواقع المعسكرات الامريكيه للمواطنين ..
-وسيتم تحويل الدبابات الى كبائن للوجبات السريعه لخدمة اهالي المنطقة لانهم بعيدين اشوي عن الديره..
-وراح يطورون الباتريوت بطريقه مدنيه ويحولونه الى شراقي بوديج (الصعادي) وبذلك نضمن مدينه ترفيهيه لاهالي هالمنطقة تصك عالوالت دزني..
-كما سيتم تعليق الطلعات الجوية للاباتشي ويشغلونها برحلات صباحية ومسائيه بعنوان (داوم دوامك مطيار) لخدمة توصيل الموظفين..

بذمتك مو تفسير منطقي وكانت فايته عليك ..
وبذلك تنحل المشكله الاسكانية 90%
وتبقى 10% من المشكله ولن تنتهي الا بترحيل أشقاءنا البنقلادش..

 

[ودي اربح]

اهااااا هذا السبب يا عذبي

هذذذذذذذذذذذذي القمنده

يعنى الحين لو ينسحب الجيش الاميركي كم تتوقعون تصير اراضي عبدالله السالم