ودي أنسى
ان قلبي كان مرسى
ترمي جروحك عليه
كل ما مريت فيه
بعدها .. ترحل وتقسى
! ودي أنسى
كان هالشارع ظلام
وكان بالسكه رصيف
دايم تجلس عليه
كنت اشوفك من بعيد
حاير بصمتك وحيد
وكنت ألمح فالسما
دخان طاير
من غيومك
واتحسس فوق خدي دمع حاير
من همومك
تبتسم صوبي تنادي
لي تنادي!!؟؟
ما أصدق .. لي؟ تنادي
وليه تنادي؟
وانت ناسيني وغادي
! ودي أنسى
إني في ليله بكيت
يوم جيتك مادريت
انك تنادي علي
لجل تسألني عليك
عن عيونك .. عن جنونك
عن ألم جرّح جفونك
عن حبيبة قلبك اللي
للأسف كانت تخونك
! ودي أنسى
إن قلبي كان مرسى
ترمي جروحك عليه
كل مامريت فيه
بعدها ترحل وتقسى
! ودي أنسى
ماسمعت بمبنى فخم!!!!
مبنى شامخ .....مبنى ضخم...
اسمه <مبنى العاشقين>
ناس ذووووق
من بعضهم واثقين
تقضي فيه احلى وقتك
ادفى همسك
واغلى صمتك
مبنى كامل للحبايب
لاحسود ولا عذول ولا نشايب
فيه غرفه انتظار
خاليه من كل شي
الا ساعه على الجدار
دندنتها عاليه
دايم في صراع هي وقلب المنتظر
غرفه مافيها اريكه للجلوس
مثل قارب بلا شراع
شي بديهي!!!!
ليه قد سمعت بمنتظر يعرف طعم الجلوس؟؟ وفيه غرفه للصراحه
تجلس فيها بكل راحه
ويطلق لسانك سراحه
ويشكي قلبك كل جراحه
ماتحس باي خووف
بالوسط فيه سلم تطلعه حبه.....حبه..
مبنى باخلاص ومحبه
تلقى اول غرفه فووق
غرفه اتيكيت وذوووق
غرفه مختصه بالشوووق
للحبايب يسهرون
وفيه غرفه على اليمين
لااهات ولا انين
كلها شووق وحنين
حب واحســـاس وشجون
جنبها غرفه كبيره
غرفه جذابه ومثيره
ماتلقى لغير الحب سيره
هذي غرفه الجلوس
وللهروب من متاهات الحياه
والرجوع لماضي فات
لاحلى واروع الذكريات
مالك الا الاستراحه
اخر غرفه على اليسار
وفيه غرفه للعتاب
للقاء بعد الغياب
للراحه بعد العذاب
كلها شووق واعتذار اهياهو مبنى كامل اهياهو مبنى شامل اه ياهو مبنى حامل كل لحن الامسيات
انت وحدك!
ولا انت وحدك!!!
انت عندك خادمين
لكلامك سامعين
للاوامر طايعين
لاتخــــاف!!!
اهما شريان ووريد
لك وحدك
مبنى دافي...مبنى راقي..
كله احساس وشجون
مبنى صاحبه شخص وافي وطبعه حنون
له بوابه كبيره
عندها حارس امين
فوقها لوحه مثيره
كلها حب وحنين
مبنى لايعرف خصام لا ولا يعرف كذب
كله حب واحترام
مبنى اغلى من الذهب
هذا المبنى لايتاجر ولا يشرى
بس يهدى!!!!
يهدى لشخص واحد مافيه ثاني
لاتقول اني اناني
هذي قمه التفاني
وهذي هي الاصول
قال...بعض الناس تعبنا
كلنا عنده هالمبنى ولسكانه اهدينا حبنا
بس مع الايام تبنا
ولمفاتيحه سحبنا
وصار هذا البيت خالي
قلت...انا عندي نصيحه
لازم تحسن الاختيار
وتتانى فاخذ القرار
ترى النار اولها شرار
وللمحبه طعم حالي
بالنسبه لي ماراح اتوب
لو قلبي من الشوق يذووب
الحب عندي احلى الدروب
والحبيب دايم في بالي
في النهايه ابغى اقول...
مافي داعي الشرح يطووول
لازم الحيره تزووول
وتعرف المبنى ايش يكووون
هذا يااغلى الحبايب
<القلب>اللي فيك ذايب
واختياري والله صايب
لانــــــــــــــــــي اهديته لـــك
يقال أن أعرابياً سأل معاوية رضي الله عنه : كيف حكمت أربعين سنة ولم تحدث فتنة بالشام والدنيا تغلي ؟
فقال رضي الله عنه : "إن بيني وبين الناس شعرة إذا أرخوا شددت, وإذا شددت أرخوا " .
هذه المقولة مع كونها نبراساً في أحكام السياسة فهي تدخل في كل سياسة حتى في سياسة الانسان مع نفسه,
فلو طبق الانسان هذه القاعدة لصار من أعقل الناس كيف لا وهو يعطي كل شيء حجمه ويتلافى عمَّا لا يستحق النظر ,
-
في الصداقة
عندما يرخي صديقٌ لك حبل صداقتكم فاشددها,
وإذا شدَّه فأرخه لئلا ينقطع !!
وكما هو معلوم في المثل العامي صحيح المعني" لا تكثر الدوس يا خلي يملونك, لا أنت ولدهم ولا طفل يربونك "
