هل صحيح دعوة بطاقة القرين 5دنانير على كل الف سهم

[كارتير]

تسع دنانير ونص

اليوم الساعه 7.30 تقريبا ب9.30 سعرها وصلت

 

[السهم الامريكي]

اخوي كارتير ولا تهون ممكن تكتب رقم اللي يشتري على هالسعر؟

 

[كارتير]

بكل سرور

الاخ العزيز السهم الامريكى
ودى اخدمك واخدم الاخوه الاعضاء بس مو بايع عن طريق تلفون بس ابشر انا بعته بسوق الجت شارع الغربلى

 

[السهم الامريكي]

مشكور اخوي بس ممكن تقولي وين بالضبط اقدر ابيع بشارع الغربللي لاني بصراحه رحت وما دليت المكان ؟

 

[كارتير]

المكان سهل ومايبله دلاله وانت مار بالشارع تلاقيهم واقفين ينطرونك ختى اليوم شفت وحده تبيه وهى بالسياره و غيراها واجد بس ماعلينا روح جنك رايح سوق البشوت والزل بعد ماطوف الاشاره تحصل الصرافين على يمينك لف اول لفه يسار تشف على يسارك محل بشوت سلمان بوحمد اصفط وروح سيده نحصل قهوة الدلالوه هناك سوق الجت

 

[السهم الامريكي]

تسلملي يالغالي

 

[المسبار]

العلم الاكيد بعنا اليوم على 9 دنانير، وممكن رفيجي اللي باعهم لي يحط لكم الرقم اذا تبون.

 

[سليمان]

وايضا احد الاصدقاء باع اليوم مساء في سوق الجت الالف ب 10.500
عشرة دنانير ونصف
وانا راح اروح الصبح انشاءالله ابيع الكنية اللي عندي وعن الطمع

 

[ودي اربح]

السعر فووووق

السلام عليكم......
سعر بطاقات الدعوه بسوق الجت الساعه 1.30 ظهرا 12 دينار والله يوفق الجميع .

 

[sara_q8]

مبروك للمساهمين بالاكتتاب
هذا مؤشر واضح على نجاح الشركة

 

[صايل]

بعناها امس ب11.5 دينار

كم وصلت اليوم؟

 

[المساااافر]

اليوم عن طريق التصال من الاعلانت 15 دينار

 

[الهامور2]

دعوة بطاقة القرين

الأن الساعة 10.30 وصلت 22 دينار يعني الشركة عليها شغل قوي بالمستقبل . بأذن الله

 

[السهم الامريكي]

يالهامور ولا عليك امر ممكن تخدمني وتعطيني رقم اللي يشتري على هالسعر؟

 

[الهامور2]

بطاقة القرين

سوق الجت لا يطوفك السعر ممتاز يمكن يرتفع . والله أعلم

 

[السهم الامريكي]

شنو قاعدين الساعة 10 ونص ولا تقصد الصبح؟

 

[الهامور2]

بطاقة الدعوه

سعر البطاقه 10.30 الليله 22 دينار أنا بايع بالسعر هذا قبل ساعه باجر الصبح يوم السبت 12/2 /2005 ممكن يرتفع السعر ألي يبي يبيع بسعر طيب يروح غدا صباحا . تمام ياالأمريكي . والله ولي التوفيق

 

[السهم الامريكي]

تسلملي يالغالي واسفين خليناك تعصب

 

[المستثمر الراكد]

متى أخر وقت للبيع؟

 

[سهم كويتي]

المستثمر الراكد اليوم بالليل

لكن يا جماعه منو يعرف منو ورا هالتجميع اللي مو طبيعي ؟