بقول المطاعم والاشياء اللي دايما اطلبها يعني علي ذوقي دمج المشاركه الثانيه عشان ماتضيعون
احسن المطاعم الايرانيه
ناز كبابهم عجيب بالنسبه لي احلي كباب
شيرين بانو الكباب وبرياني اللحم روعه ومكانهم يهبل وذرب وشرح حلاته تتغدون فيه
خان سالار كبابهم زين وانا احب قوزي اللحم عجييييييييب
احسن المطاعم اللبنانيه
ميس الغانم نمبر ون بكل شي مقبلات مشاوي
فيلا فيروز انا عجبني بس ماعجب اهلي
عبدالوهاب اكله تقول سامبلز كميه قليله وعادي
مطعم بربر عادي
مطعم السوليدير مووووووووووووشي يلوع الجبد مقبلاته ماصخه ماكو طعم ومشاويه مشيه حالها
كبابجي احب ساندويش كباب عنتبلي وفتوشهم احلي فتوش بالنسبه لي هذيله احسن شي
مطعم باستا بسوق السالميه احلي مقبلات مقبلاتهم المحمره احلي محمره ذقتها بحياتي حاااار تينن + تبولتهم +سلطه المسترده فيها مشروم وزيتون وفلفل اخضر ومرتاديلا +وذره + فتة البديان والزهره وفي توصيل اما اطباقه الرئيسيه عاديه كل مقبلاتهم حلووووه
مياس احب الشاورما السبايسي
سلطاتهم ماعجبتني
ورق عنبهم مرات واو ومرات مو فرش
المطاعم الهنديه والصينيه والكويتيه
فري صويلح +الستينات + بنت عتيج === زينين
بيت ديكسون مــــو حلو
بينيهاما beniha,a اللي يشوف الدعايه يقول اسكت وتشوف اكلهم الله يزيد النعمه فااااااااشل طلبت وجبه كامله فيها عيش وطبق رئيسي ربيان وسلطه شوربه استغفر الله يابو الشوربه بس ماي وفي مشرومه وحده صغيره قاصينها نصين والعيش تقولون صحن اطفال والسلطه تقولون بقايا نتفه صحن كبر جف الايد وعاديه والطبق الرئيسي ربيان مع بصل مقلي ياساتر انصدمنا افشل مطعم
بس طلبو عصير الاناناس بالعسل والفانيلا صج اينن فقط
قيصر بين الصيني والهندي فظيييييييييييع جربو العيش المخلوط خضار
وربيان بصلصه الثوم ايي كرات كبار روووووووووووووووعه
وستيك قيصر ستيك لحم مع قطع دياي وبطاط وفوقه جبن اينن
والسلطه الخشنه روووعه روعه
وشوربة الدياي بالذره مشهورين فيها
البرياني لحم زين
waga mama صيني طلبت منهم الستيك بالكاري حبيت الستيك بس بشكل عاملا في احسن منه
اشاز حلوووو جكن بتر والبرياني ولا تنسون اللبن فرش اينن
مغل محل رياني لحم
دياي تندوري بالاجار روعه
المطاعم الامريكيه
جوني روكتس = الاورجينال بيرجر اموت عليها +بطاط مع جبن الشيدر هذا طلبي ما اغيره +ميلك شيك اوريو حلو حق اللي يحب البارد
بفالو = طلبت منهم وجبه بيرجر الله يزيد النعمه فرع كيفان الصمونه شكبرها والهندي حاط طماطه صغيره والخسه وحده بس ومشقوقه بقا منها الربع وحاطه ناشفه استغفر الله فرق بين الصوره صراحه صدمه ماكو شي كلش
اصابع الجبن حلوووه عندهم + البراونيز عجبتني
بلاك اند وايت = البيرجر كلاسيك حلووووه +السيزر تينننن
ماحبيت حلقات البصل ولا الصوص الرانش+ كيكه البراوني ماعجبتني
شاك شاك الافينيوز = عن نفسي حبيت البيرجر والبطاط بس اهلي ماعجبهم
نينو البيتزا والباستا وسلطه الجرير عجييييييييييب
كارينوز دمه ثقيل
ابل بيز الشريمب باسكت الستيك السيزر البراوني كيك الباستا وطبق مقبلات منوع زينين
بس ماحبيت الكلاب ساندويش الكاساديا هم زوين بس مو طبقي المفضل والبيرغر مودايما اطلبه
طلبو منه البيناكولاده روعه وواحد لونه وردي ماعرف اسمه بس ااشر الفلبن يفهون جنه سوفت كروست شي جذي حلووووو
الكافيهات
شوكليت بار كل شي في حلووووووووو
المشروبات ,, الفوندو ,, سانداي براوني ,, باستا الحمرا القواقع,, باستا الفريدو,,, بختصار غني عن التعريف
لورينزو كيكاته عجيبه معروفه كيكه الجوكليت جيز كيك + سنيكرز كيك +كراميل كيك علي ما اذكر اسمها + جنه بعد في نت كيك اعرف اشكالهم وانسا الاسم مشهورين بالكيك
وجبه ساندويش فيجيتريان زينه .. البيتزا خفيفه تهبل تشبه مالت كافيه لينوتر الباستا زينه بس في احسن السلطات عادي المشروبات عادي
هاجن داز علي طول طلبو البراونيز وبرد طلب اساسي برد البلجيكان جوكليت + او كراميل+ او قهوه
سكند كب بس الجيلاتي كراميل حلو
كولومبوس طلبو توفي كوفي واااااااااااااااااااااااااااااو
dlush دلش ميلك شيك اوريو احسن شي عندهم
ريبابلك سلطاته فرش واكله زين والميلك شيك حلو وكيكه المولتن حلووه
كوستا الاهل يحبون اللاتيه عن نفسي ما احب منه ولا شي
سينابون طلبو الكراميل فرابيتشيون حلووو والسينابون بعد اطلب الميني
ستار بكس غني عن التعريف انا يوميا اطلب توفي نت فرابتشينو واااااااي ادمان اهو لمتد لي يناير بس بالكريسمس ينزلونه
كيكات ستار بكس مو كلها حلوه ومشروبات افضل اللي ذكرتهم فوق عليه بس التوفي نت عجيب جان زين مو لمتد
كوفي بين الفرابتشينو الكراميل عجيب والسيزر والباستا كله اوكي وريوقه خفيف
جلوريا دمه ثقيل
ينك بيري كان بينا عداوه والحين امووووووووت عليه ادمان المانجو قصتي قصه معاه ههههههه
الفاست فود
بابا جونز احلي بيتزا انا اطلب الجاردن سبشل خضار
والمكسيكان حلوه
والجيز والبيبروني هم حلوه
بيرجر كنج الوابر طبعا والجكن رويال واصابع الموزاريلا وككاو سوفليه حلوو
هارديز بيج ديلوكس وساعا روست بيف
كنتاكي احب كيكه الجوكليت وديايهم حلو بس اهب في برا الديره احسه الذ
نيثينز بطاطهم حلووو
لتل سيزر موووووشي
جريلوو الستيك ساندوش فيلاديلفيا كالفيرونيا
وساندويش الحلوم بالبديان وجرجير نسيت شيساتو مادري شيابتسو اسمها غريب بس حلوه
سلطاتهم عاديه
كابوريا اينن الستيك المدور وستيك كاليفورينا وسندويشه شيش طاوو ق
وسندويشه الربيان بالمايونيز
وماعون كباب
والحمص احلي حمص عندهم روووووووووعه
ورق العنب زين
الارنب الجائع بسوق السالميه حلووو
شرمبي وجبه فشر مان
بس تعبت وانا اكتب المره اليايه اذا لي خلق بكمل بس حطيت الاهم وبعضهم مومهم ينذكرون الكل عارفهم
بنوتات وشبوبات خخخ
ترا انا اقول الطلبات اللي دايما اكلها في طلبات اهلي يطلبونها وماجربتها فماقدر احكم
مطعم نايف وجبة الزنجر جكن بوري حاررر يهبل هذا احلى شي البوري مالهم متبتب حق التكرش اللهم ياكافي
طلبو الباجه اللي محله في شرق عجيبه باجتهم
سابز رابس طلبو الستيك يننن وراب الحلوم رووووعه خل اجرب وجبه اسكندر واقول لكم
زيت وزعتر عجيب احب اروح له مع اهلي ريوق عالبحر لاصار الجو منعنش طلبو الفلافل وااااو حده وطلبو جبن بالزعتر تكون مفتوحه نفس البيتزا
دياي بالفرن بصلصه الثوم حلوه حق اللي يحبون الدياي
وبطاط بالجبن يننن
بيتزتهم شكلها حلو بس طعمها عادي
اصابع الموزاريلا ماااااالحه مو شي كلش ماجنها جبن جنها حلوم تارسينها ملح لول
سلطة زيت وزعتر وسلطه خضرا عيبها حموضه زايده
مطعم ايامي ريوقهم حلو بس احب زيت وزعتر اكثر
ريتز قبل ايام الشاميه احبه حزة الريوق اطلب الفطور الشرقي وصاجاتهم زينه صج وناسه جان زين لوما صكوه الحين حطوه بزه كافيه
ستك هاوس (محل برد ) تلقون فرعه في سوق السالميه وبالمعارض يشارك طلبو برد جوكليت النوتيلا مغمسه بجوكليت روشيه فظيييع اما باجي الاصناف ما اعجبتني اللهم القهوه بعد مو وايد وبر الفواكه المانجا مكس مع فراوله وجذي زينين بس جنهم كوكتيل مثلج مال المطاعم العاديه
جربت انواع واي بس التوب النوتيلا بصوص الروشيه
كافيه كاريبو ما احبه
مطعم بي اف جانقس الصيني بالافينيوز طلبو ديناميت شريمب واااااااااو كل الطاولات طالبينه هذا احلي شي
فيجيتريان رايس مو حلووو
الاهل يمدحون النودلز الدياي والخضار
بي + اف (امريكي ) ب360 بطاطهم حلو بالجبن مخلوط فوقه كتشب ومايونيز كميته وايد تقث
بفالو شريمب مووووحلووووو
بيناكولاده لونه حمر عمدهم حلوووو ناطع
باجي الاصناف اهلي طلبوها بس ماجربتها فما ماقدر احكم مثل طبق لولي بوب الستيك و ميني بيرجر بس كان عاجبهم
كافيه ككاوه 360 ككاو الفوندو واااااااااو
في جم محل نسيت شسمهم حق البيرجر روعه فوق الافينيوز بيرجر يقولون حق شباب كويتيين والبيرجر صحي جربته يشبه جوني روكتس حلو
